مساء الخير علي الجروب الجميل فيه موضوع جدا...

  • بادئ الموضوع بادئ الموضوع Mohamed Hikal
  • تاريخ البدء تاريخ البدء
عرض العطلة
#21
باشا...14 سنه و بتسافر عليها و مبسوط بيها و خرجت من تصنيف اول 100 شركة طيران
جرب بقى تسافر على خطوط قوية و هتعرف الفرق
 
#22
الشركة اللي حضرتك بتسميها وطنية هي الشركة اللي تخلت عن المصريين العائدين من قطر بعد الحصار وسابتهم نايمين على أرض المطار في لبنان رغم انهم حاجزين عليها عشان رافضة تركبهم عشان قادمين من قطر وهم معاهم حجز على مصر للطيران وده كان في اول ايام الأزمة والمفروض انها الناقل الوطني الأول للوطن يعني المفروض في اي أزمة او حرب هي اللي تشيل المصريين المرميين في المطارات ترجعهم وترجع حضرتك تقولي وطنية
 
#23
يا راجل يا طيب دحنا من اسبوعين كنا راجعين على رحلتها من ميونخ للقاهرة و بعد ما وصلنا ال runway رجعنا تاني عشان عطل بالتكييف و فضلنا مرزعوين بالطيارة ساعتين و نص من غير ما حد يعبرنا بكوباية ماية...
فالاقتصاد الحر انت بتدور على افضل خدمة باقل تكلفة
الوطنية للفقراء و الوطن للاغنياء
 
#24
النقطة الاولى متفق فيها معاك تماما. فى ناس بتتكلم عن مصر بأسلوب وحش وبيقارونها ببلاد تانية وهما مخرجوش بره باب بيتهم اساسا . بالنسبة لمصر الطيران يا استاذ محمد شركة مش بتتعلم من اخطاءها أوقات التذاكر بتاعتهم بتبقى أغلى من شركات تانية .. مواعيده مش مظبوطة.عندهم سلبيات مخلى المصريين يستخصرو يسافرو عليها..
 
عرض العطلة
#26
احكي لحضرتك على موقف حصل معايا شخصيا كنت مسافرة انا وزوجي وأختي وولادي وولادها على القاهرة لان ملقيناش حجز على اسكندرية وبعدين واحنا جايين نركب من المطار فوجئنا انهم بيقولوا انا بس واختي وولاد اختي حانركب وجوزي وولادي لأ طيب ازاي يا جماعة والله مفيش مكان على الطيارة !!!طب ازاي احنا معانا حجز مؤكد ؟؟؟؟ردهم معلش اصل احنا حجزنا حجوزات زيادة على الطيارة احتياطا يمكن حد ما يجيش ولا يعتذر !!!!!!!نعم ازاي يعني طيب انا ازاي اسافر على القاهرة والرحلة حاتوصل في منتصف الليل واحنا اتنين ستات وكنا معتمدين ان زوجي معانا وازاي نسافر لوحدنا من القاهرة لاسكندريه في منتصف الليل كان الرد هو ده اللي عندنا وعجبكم ولا مش عاجبكم انتم حرين ؟؟والكلام ده اتقال بعد ما عملوا البوردنج لي انا واختي وولادها واذا ما طلعتوش على الرحلة ديه مالكوش تذاكر عندنا والباقي حايسافروا بعد يومين ؟؟؟؟؟ايه رأي حضرتك في الوطنية ديه ؟؟؟؟عمرك شفت التصرف ده من اي شركة محترمة في العالم ؟؟؟؟؟
 
#27
انا بصراحة شايف انها من أحسن الشركات الطيارين ممتازين الاكل ممتاز المعاملة مش سوبر بس كويسة لا حظت حاجة بردو ان نوعية الركاب بتأثر يعني في ناس مفكرة ان المضيفة خدامة للأسف كل شوية طلبات و استظراف بالرغم ان محدش من دول بيتجرأ لما يكون راكب طيران خليجي مثلا
رحلات كتيرة بتتأخر لشركات تانية زي السعودية أو فلأي دبي ولا بيعبرونا كاننا كلاب
انا لسه مسافر النهاردة الفجر علي مصر للطيران الطيارة اتأخرت ١٥ دقيقة بالظبط
كمية اعتذار من الكابتن و المضيفات لدرجة أني زهقت
و علشان محدش يزايد عليا انا ضد النظام الحاكم تماما و مفيش حاجة عاجباني في أم البلد دي
 
#28
انا معاك في الكلام ده بس مشكلتنا في المطار مش في الطيران كل ماتنزلاق تلاقي حد بيقف لك ع الحمام في المطار ويقولك كل سنه وانت طيب اكنك كنت في عيد وبتدبح جوه ولا حد يديك الم تكتب بيه ويقولك فيه حلاوه القلم ولا امين شرطه واقف ع السير يقولك حلاوتي ياباشا
 
#29
الناس اتكلمت على ثلات مواقف ازمة العراق وازمة قطر وازمة تركيا وازاي الشركة الوطنية - وحط تحت وطنية الف خط - تعاملت مع المصريين العالقين في المطارات واستغلال الموقف ....سيبك بقه من الضيافة او غيرها لأن الموضوع ده نسبي لكن بكلمك عن سياسة شركة ومش حكملك عن الاحتكار اللي فارضاه عل السوق الداخلي الاي يخلي رحلة داخلية ثمنها يوصل الي الفين و 3 الاف جنيه ..... انت بتخلق ولاء بينك وبين مقدم الخدمة بطريقة معاملتك وبتراكم سنين من الاحترام المتبادل والخدمة الحقيقية مش بالشعارات ولا بأن الشركة مملوكة للدولة فلازم اطبل لها وخلاص ...

الطرق ملك الدولة ....لو وقعت في حفرة ولا لبست في مطب ،،، المفروض انزل اشكر وزارة الطرق والمواصلات على حسن المعاملة ؟!!!!
 
#30
انا منغير ما احكي اي تفاصيل ...لكني سافرت علي معظم شركات الطيران ...ولكني احب واحترم مصر للطيران دون اي شركه اخري .وافضلها عن اي شركه اخري
 
عرض العطلة
#31
مصر للطيران اثناء احداث. ليبيا نقلت كل المصريين وكانت بتحمل زى الميكروباص احداث تونس .اليمن السودان نفس القصة شهادتى مجروحة بس دى الحقيقة
 
#32
معلش بقى لما تكون جاى من او مسافر لدوله اجنبية بتبقى المعاملة مختلفة تماما ...اما لما تكون جاي من السعودية او الامارات او اي دولة عربية فالمعاملة ع النقيض حتى لو كنت بيزنس للاسف ..بقيت افضل اي طيران الا مصر للطيران ...
ودى حقيقة انما مش نخاف ع المضيفات واكل عيشهم ..لا اراعي ربنا ف شغلى واحسن مستوايا واتعامل مع الناس بادمية ساعتها برفع اسم بلادى للسما وبتخلى الناس تتهافت ع الحجز ع مصر للطيران
 
#33
مصر للطيران خط لندن - القاهره ، ممتازين جدا هما بس اسعارهم فظيييعه ،
المشكله معايا مش مصر للطيران اد ما هي بعد الرحله وانت خارج من الطياره ، والله العظيم بدون مبالغه الطياره بتكون قذره بشكل يحرجك انك من ركابها ... احنا فهلا اللي بنجبر اي حد يا يحترمنا يا يقل منا .
ركاب مصر للطيران اسوء من اي عيب في الشركه نفسها .
 
#34
مميزات مصر للطيران بردو عم تجربتي في لندن ، الوزن ما بيرخموش خاااالص ، قانونا المسموح ٢٣ كيلو و طبعا اي شنطه معايا لا تقل عن ٣٠ انا و ولادي .
 
عرض العطلة
#36
الشركة الوطنية تذكرتها اغلى من شركات احسن منها و مع ذلك مبتدفعش حق الوقود اللي بتستهلكه لوزارة البترول . شركة سفلقة
 
#37
هتكلم في نقطة واحدة بس: مافيش في عالم البيزنس حاجة اسمها شركة وطنية ومش وطنية. البقاء للأفضل وأتمنى مصر للطيران تتعلم من أخطائها وتنفذ كتالوج المنافسة عشان تبقى ضمن تصنيف أفضل ١٠٠ شركة طيران في العالم.
 
#38
الوطنيه افعال لا اقوال .. لا ارد منهم ان ااخذ تذكره الطيران مجانا ولا خدمه متميزة فقط تمنحني التذكره بنفس سعر الشركات الاجنبيه التي تمنحك مثلا تذكره ذهاب وعوده لاثينا ب 170 يورو اي 3400 جنيه ومصر للطيران تمنحها لك ب 5900 جنيه
علي الرغم من ان الشركه الاوربية تمنح موظفيها رواتب باليورو ضعف الرواتب المصرية واسعار المواد الغذائية والبترول والبنزين الخ الخ اغلي من مصر وهي الدولة المنتجة للبترول هذا كمثال فاين الوطنيه من شركه تبيع تذكره القاهر مدريد والعوده ب 10 الاف جنيه ونفس التذكره علي الايطالية او اليونانية / ايجن / بخمسه الاف جنيه فقط واقل كمان / وهل مطلوب ممن ان نكون وطنيين ونحجز من اموالنا بضعف السعر لنفس الخدمه ولايطلب من شركتنا الوطنيه ان تكون وطنيه وتخفض السعر المضاعف والغير مبرر سوي بنهب المواطنين ولا احد يحاسبها وهي تعيث فساد فينا سداح مداح
 
#40
مره كنت مسافره شارم الشيخ انا واتنين من صديقاتي واحده عربيه وواحده مصريه..العربيه قالت محبش اركب طيران مصري .ولكن بما اني في مصر مضطره اركبه .قلت لها ليه مالو الطيران المصري قالت ديما الطائره مش نظيفه وريحتها وحشه واهمال .بصراحه اتديقة اوي .وبعدين ركبنا الطائره وجدناها جميله جدا ونظيفه وكراسيها جديده .هي مصدقتش وقالت ازاي كده تكون بلفخامه دي ..انا كنت سعيده وفرحانه ان هذا طيران بلدي وكنت فخوره في بلدي واتمنا كنت مصري لا يوكس بلده حتي في عيوبها دي مصر بلدنا ملناش غيرها..
 
عرض العطلة
عرض العطلة
عرض العطلة
أعلى أسفل
عودة
قائمة