صباح الخير لو سمحتوا كنت عايزة اروح البتراء...

  • بادئ الموضوع بادئ الموضوع Eman El Mancy
  • تاريخ البدء تاريخ البدء
E

Eman El Mancy

:: مسافر ::
صباح الخير
لو سمحتوا كنت عايزة اروح البتراء (الاردن ) بعد العيد ان شاء الله فلو حد راح قبل كدة ممكن يقولى تجربته ويقولى كل الخطوات والاوراق وهل هى مناسبة لاطفال 4 سنين و8 ولا اكتفي بيا وبزوجى وميرسي مقداما
 
حضرتك تروحيها من الاردن.
انا رحتها من منطقة البحر الميت فى الاردن، بالعربية.

الرحلة دى مش لاطفال خالص لان فيها ركوب حمير او خيل و ركوب كارتة و مشى كثير جدا فى طرق مدقات ما تناسبش الاطفال خالص.

لما الواحد بيوصل بالعربية، السواق بيركن العربية فى باركيج.
و بعدين السير بركوب الحمير او الخيل و الكارتة و مشى طويل جدا فى مدقات.

اجمل حاجة فيها بعد ما تنهى المشى فى الممر اللى اسمه السيخ، واجهة ما يطلق عليه الخزنة، اللى بتظهر امامك فجأة زى فى الحلم.

ممن ركوب جمال امام منطقة الخزنة او التصوير معهم.

فيه كمان معبد بنت، و البتراء الصغرى.

تكفى زيارة يوم واحد لاكتشاف المكان، لكن اللى غاوى ممكن يقضى اكثر من يوم فى الزيارة.

تعرف بالصحراء الوردية، نظرا للون الصخور الوردى الراءع.

اكتشفها رجل سويسرى بعد ان اخبره البدو بوجود تماثيل منحوتة فى الصخر فذهب لاكتشافها.

بها نظام رى فى مجريات محفورة فى طرف الممرات الصخرية عظيم جدا.

مكان يستحق الزيارة.

لا تصطحبى اطفال معك، مش مكان يصلح للاطفال لا لاهتمامهم و لا لتحملهم.

اتمنى لك زيارة سعيدة.

ملحوظة اخيرة
لا تذهبى عن طريق شرم الشيخ.
لان ذلك يستدعى المرور على اسراءيل.
و فى هذه الحالة سيفتح لك ملف روتينيا فى الجهات الامنية.
هكذا نصحنى الافراد المصريون العاملون بفندق شهير فى شرم الشيخ، كان عامل بروجرام زيارة للبتراء.

البتراء سكانها النبطيون القدماء.

اهل الاردن يحسنون الضيافة معاملة الساءح.

اتمنى لك زيارة سعيدة.
 
الاردن لا تحتاج فيزا للمصريين. الفيزا من المطار. يجب وجود تذكرة عودة و حجز فندق. انا عملت القاهرة عمان على الخطوط الاردنية علياء، ثم بالسيارة الى فندق فى منطقة البحر الميت، اقمت فيه، و منه عملت كل المزارات، البتراء، عمان، جرش، ماونت نبو، مكان تعميد المسيح عليه السلام، بحيرة طبرية ...
 
طب نصيحة اجلي مشوارك دا او شوفي بلد تاني.... واضح انك مش متابعة الاحداث
 
بلاش تروحى البلد بالذات مش شايفاهم طريقتهم ازاى ورايحين يحاصرو سفاره المصريه ف الاردن شغل عصابات اساسا
 
OD5lN5HfoM4JmrkXqLOTOKZQtu6pAWfw.jpeg
 
لازم تتراح مرة بليل و مرة بالنهار لو روحتي مرة واحدة بس هيفوتك كتير جدا و سيبك من الهري بتاع ماتشات الكورة الاردن فيها حوالي مليون مصري
 
شيماء علي مراد خديها انبوكس يا دكتره وفهميها بالراحه عشان في كم فتي ف الكومنتات ليفل الوحش
 
انا رحت قبل كدا ، بس بالمركب السياحي من طابا هايتس. كان ساعه الا ربع بالمركب بس دي للي معاه ترخيص غرفه شركات سياحه او مرشد سياحي بس وبيطلع تصريح بدا ،
لاني كنت شغال مرشد سياحي ، فقدرت اروح بالمركب.
الرحله مش للاطفال خالص.
هتستمتعوا جدا هناك ، هو افضل لو تتبعو برنامج سياحي منظم علشان ميضعش منكم وقت كبير .
 
مابقاش مسموح تروحي بري ولازم طيران . والأفضل انك تقييم في بترا يومين هتلاقيها لطيفه ومختلفه لان الفنادق معظمها غرفها في الجبل
 
البتراء جميلة جدا و الاردن بلد جميلة و اهلها في منتهي الذوق.
انا رحتها كتير و رحت البتراء مرتين.
حضرتك مش محتاجة تنظيم مع شركة و ممكن تعملي كل حاجة لوحدك.
اول حاجة تحجزي اوتيل في المنطقة اللي قريبة من بترا، انا قعدت مرة في كراون بلازا و مرة موفنبيك و دول ميزتهم انهم جنب بوابة الدخول لبترا.
هتنزلي مطار الملكة علياء و هتاخدي تاكسي من المطار (مش محتاج حجز).
المسافة من المطار لبترا حوالي 3 ساعات بالرست في النص.
انا رأيي ان بترا محتاجة يومين عالاقل عشان تلفيها كويس و كل يوم هتمشي حوالي 6 ساعات.
كمية المشي كتير و اظن هتكون متعبة لطفل 4 سنين.
المهم في بترا حاولي تصحي بدري و تروحي تقطعي التذكرة. اللي هي شاملة الدخول و المرشد و ركوب جمل او حصان.
مش هحكي اي حاجة عن بترا لان دي ليها متعة لوحدها مش عاوز اضيعها عليكي.
فيه كمان دخول بترا بالليل petra at night و دي بتيقي شبه حفلة الصوت و الضوء و بيتقدملك شاي.
انا دخلتها مرتين، مرة بمزاجي و متبسطش و مرة تانية معزوم غصب عني و برضه متبسطش (الصوت وحش مش سامع كويس و زحمة جدا)
انا شخصيا ناوي اروحها تاني مع زوجتي و اولادي بس يكون اصغر واحد 8 سنين عالاقل
 
لا البترا مش مناسبة لأطفال صغيرين جداً، خصوصاً إن بعد العيد هيبقى الجو لسه حر.. و مش محتاجة تحجزي تبع شركة سياحة خالص، انتي تروحي عمّان عادي، و من هناك فيه شركات بتطلع أوتوبيسات كل يوم ٦ الصبح، ٣-٤ ساعات تبقى في بترا، نصيحة لو معاكم وقت باتوا هناك في أي أوتيل لطيف و كملوا الزيارة تاني يوم و امشوا بالليل في الأوتوبيس
 
على فكرة الأردن أمان جدا ... بس لو هتروحيها من عمان بعيدة شوية .. أما لو من البحر الميت فهيا قريبة شوية ... بس بلاش أطفال لأنها شاقة شوية والجو حر هناك ... بس هيا حلوة وخصوصا مدى الجبال
 
أعلى