S
Sayed Muhammad
:: مسافر ::
جزيرة بالي:-
السحر والخيال والشعب الطيب الودود.
البداية سمعت عن جزيرة اسمها بالي من أحد الاصدقاء ومغامراته وهو بيعشق السفر والاعتماد على النفس فقررت أخوض التجربة ولوحدي بالرغم ان دي اول مرة اسافر فيها برا مصر وبالرغم من ضيق الوقت والدراسة والشغل مع بعض....
قبل السفر ب٣ شهورحجزت تذكرة الطيران ع الخطوط الإماراتية، سافرت
٣ الفجر من القاهرة الي أبوظبي ثم العاصمة الإندونيسية، واخدت الفيزا ب٣٥$ وبعدين اخدت طيارة تانية الي الجزيرة دي طيران داخلي ووصلت تالت يوم الساعة ١١:٣٠ الصبح الي قلب الحدث مطار (بالي) ومن هنا ابتدت الحكاية، اولا:- مااعرفش حد هناك!!! ولا حجزت أوتيل!!! ولا اي حاجة...
وصلت طبعا مش حاسس بالتعب ولا اي حاجة مع اني مكنتش نايم كويس طلبت قهوة وفتحت النت وابتديت ارتب اجازتي وانا ف المطار اولا جبت جميع الاوتيلات اللي ممكن انزل فيها بأفضل سعر بعدين شركة تاكسي وأفضل شركة طبعا وأنواع الاكل وبس كدا.....
اتصلت ع تاكسي وطبعا انا عرفت عملة البلد ( الروبليه) ودي صورتها، وسألته ع كذا مكان وكان سؤاله ليا انت اول مرة هنا؟ ومن فين؟ وعايز تروح فين؟
المهم رحت المكان اللي انا اخترته من ع السايت ورتبت نفسي وابتديت اعمل برنامج لنفسي علشان اقدر ازور أكبر قدر من الأماكن ق الجزيرة دي....
ف الاول ممكن تعترضك بعض الصعوبات خصوصا لما تكون لوحدك واول مرة ف مكان غريب لا تعرف عاداته وتقاليده ولا لغته ولا اي حاجة ف حذاري من انك تتذاكي علشان محدش يضحك عليه الشيطان.
علشان تزور الاماكن دي لازم يكون معاك موتوسيكل خصوصا لو هاتقعد فترة تقارب من شهر لان التاكسي مش كويس من عدة جهات.
المهم زرت مكان اسمة(kuta beach) دا مكان ممتاز فيه كل الاكل اللي نفسك فيه كمان فيه أكبر تجمع سياحي وشوبينج من جميع دول العالم كمان لو خايف من الأكل الغير حلال علشان دي مشكلة بيقع فيها بعض الناس وداعرفته بعدين، فيه هناك ( KFC & Mac & pizza) الناس هناك مش بتنام للصبح تروح الناحية التانية من الطريق ع البحر تلاقي جروبات قاعدين ع الرمل ع ضوء الشموع اصدقاء وناس من مختلف الجنسيات مزدحم بشكل رهيب كمان هتلاقي الناس هيا اللي بتتعرف عليك وعايزين يتصوروا معاك.
(Sanour) دي مدينة كبيرة جدا ومقصد سياحي كمان واكبر تجمع للاوروبيين والغالبية Germany &Swiss Austria فيها أكبرواجمل مجموعة فنادق وڤيلات وكافيهات وبالمناسبة دا المكان الوحيد اللي عرفت الاقي فيه اكل مصري( كباب) لان ف اسيا عموما بيعملو الرز ابيض ومن غير ملح والاعتماد الكلي ف الاكل ع الشطة.
(Semenyak) تالت واجمل مدينة زرتها ولا تقل ف الجمال عن أي مدينة تانية والشوبينج هناك كله ماركات وأسعار أرخص من هنا.
(Nousa dua) رابع مدينة ودي بقي أكبر تجمع للسياحة الأمريكية والكندية والبريطانية تمتاز بأن كل الاوتيلات الموجودة فيها ليها فروع ف جميع أنحاء العالم حتي ف مصر ودا بدون وجه مقارنة، فيها مزار سياحي ع البحر ودا المكان اللي بيتصور فيه افلام وغيره، فيها أكبر شوبينح شفته ف حياتي الناس من جميع الفنادق بتنزل من الساعة ٤ تبدأ تتسوق وتتعشي هناك وع طول حفلات.
(Ubod &إيبود)دي عبارة عن ريف ومدينة حضارية وتجمع للرحلات وڤيلات ع التلال ومزار سياحي للجميع بس الصينيين اكتر لان معبد بوذا الوحيد ف بالي موجود هناك، زرت البلددي اكتر من مرة اول مرة كانت رحلة (rafting) زي بالظبط رحلات المغامرات اللي ف نيوزيلندا وأستراليا واحسن كمان بدليل ان الناس بتيجي من الدول دي عشانها مخصوص وهي عبارة عن زورق ف وسط التلال والأشجار بيجري مع الشلالات ٣ أفراد يمين و ٣ شمال ومعاهم جايد ف المقدمة المسافة حوالي ١٠كم، رحت كمان المدينة دي كنت معزوم ع فرح صديق ليا اتعرفت عليه هناك، وزرتها تاني ف رحلةsonrkling
( art city) دي مدينة جمعت فيها كل حضارات إندونيسيا بيتصور فيها افلام وافراح طول اليوم دي عبارة عن معلم سياحي ضخم جدا.
جزيرة سومطرة ولمبوك دي اقرب الجزر ل (Bali) بتروحها بالطيارة أو المركب حسب مزاجك زول بيمتازوا بجمالهم ومعالمهم وثقافتهم المختلفة وكمان الديانات لأنهم حوالي ١٧ الف ديانة ولغة وجزيرة ولكن اللغة الرسمية هي Bahassa Indonesia
(legyan street) من أشهر الشوارع هناك وأكبرها فيه جميع المطاعم العالمية والماركات والاوتيلات وكمان عرض أزياء عالمي ومزار سياحي لحادث ٩٨.
(Jimparan) دا مكان ريفي جميل وممتاز بيقع ع شريط البحر فيه المطار من أشهر الوجبات هناك السمك المشوي ع البحر ودا سبب تواجد أضخم مجموعة مطاعم هناك شغالة طول اليوم لغاية ١٢ الصبح
(ulwato) جزيرة صغيرة لمحبي الاستجمام والهدوء وبسبب سحر وجمال المكان بقيت عادة تصوير حفلات الزفاف والصور الرومانسية ف المكان دا وخصوصا وقت الغروب،، كمان بتمتاز بتجمع كبير لمحبي serving
بصراحة استفدت كتير واستمتعت اكتر ودا كل الملخص أو أقل حاجة قدرت اتكلم عنها بإيجاز لان التفاصيل اكتر نصيحة للمسافر هناك.
-اتق الله أينما وجدت ووصل صورة حلوة عن بلدك
-خلي بالك علشان ف الشارع ممكن تتعرض لمضايقات كتير - زي اللي بيعرض عليك سلعة أو بيكلمك ف حاجات ممنوعة
-لحم الخنزير لازم تفتح عينك كويس علشان ماتلبسش ف الحيط، كمان magic mushrooms
-فيه حاجة اسمها رخصة دولية لو هاتتاجر موتوسيكل هاتحتاجها هناك علشان traffic police
-اللي بيروح ف موسم الشتا يخلي بالو من المطرة وهو سايق كويس
-الأسعار ف المحلات تركز كويس علشان هتلاقي حد يديلك سعر اغلي حاول تحفظ الارقام من ١:١٠
بس كدا
السحر والخيال والشعب الطيب الودود.
البداية سمعت عن جزيرة اسمها بالي من أحد الاصدقاء ومغامراته وهو بيعشق السفر والاعتماد على النفس فقررت أخوض التجربة ولوحدي بالرغم ان دي اول مرة اسافر فيها برا مصر وبالرغم من ضيق الوقت والدراسة والشغل مع بعض....
قبل السفر ب٣ شهورحجزت تذكرة الطيران ع الخطوط الإماراتية، سافرت
٣ الفجر من القاهرة الي أبوظبي ثم العاصمة الإندونيسية، واخدت الفيزا ب٣٥$ وبعدين اخدت طيارة تانية الي الجزيرة دي طيران داخلي ووصلت تالت يوم الساعة ١١:٣٠ الصبح الي قلب الحدث مطار (بالي) ومن هنا ابتدت الحكاية، اولا:- مااعرفش حد هناك!!! ولا حجزت أوتيل!!! ولا اي حاجة...وصلت طبعا مش حاسس بالتعب ولا اي حاجة مع اني مكنتش نايم كويس طلبت قهوة وفتحت النت وابتديت ارتب اجازتي وانا ف المطار اولا جبت جميع الاوتيلات اللي ممكن انزل فيها بأفضل سعر بعدين شركة تاكسي وأفضل شركة طبعا وأنواع الاكل وبس كدا.....
اتصلت ع تاكسي وطبعا انا عرفت عملة البلد ( الروبليه) ودي صورتها، وسألته ع كذا مكان وكان سؤاله ليا انت اول مرة هنا؟ ومن فين؟ وعايز تروح فين؟
المهم رحت المكان اللي انا اخترته من ع السايت ورتبت نفسي وابتديت اعمل برنامج لنفسي علشان اقدر ازور أكبر قدر من الأماكن ق الجزيرة دي....
ف الاول ممكن تعترضك بعض الصعوبات خصوصا لما تكون لوحدك واول مرة ف مكان غريب لا تعرف عاداته وتقاليده ولا لغته ولا اي حاجة ف حذاري من انك تتذاكي علشان محدش يضحك عليه الشيطان.
علشان تزور الاماكن دي لازم يكون معاك موتوسيكل خصوصا لو هاتقعد فترة تقارب من شهر لان التاكسي مش كويس من عدة جهات.
المهم زرت مكان اسمة(kuta beach) دا مكان ممتاز فيه كل الاكل اللي نفسك فيه كمان فيه أكبر تجمع سياحي وشوبينج من جميع دول العالم كمان لو خايف من الأكل الغير حلال علشان دي مشكلة بيقع فيها بعض الناس وداعرفته بعدين، فيه هناك ( KFC & Mac & pizza) الناس هناك مش بتنام للصبح تروح الناحية التانية من الطريق ع البحر تلاقي جروبات قاعدين ع الرمل ع ضوء الشموع اصدقاء وناس من مختلف الجنسيات مزدحم بشكل رهيب كمان هتلاقي الناس هيا اللي بتتعرف عليك وعايزين يتصوروا معاك.
(Sanour) دي مدينة كبيرة جدا ومقصد سياحي كمان واكبر تجمع للاوروبيين والغالبية Germany &Swiss Austria فيها أكبرواجمل مجموعة فنادق وڤيلات وكافيهات وبالمناسبة دا المكان الوحيد اللي عرفت الاقي فيه اكل مصري( كباب) لان ف اسيا عموما بيعملو الرز ابيض ومن غير ملح والاعتماد الكلي ف الاكل ع الشطة.
(Semenyak) تالت واجمل مدينة زرتها ولا تقل ف الجمال عن أي مدينة تانية والشوبينج هناك كله ماركات وأسعار أرخص من هنا.
(Nousa dua) رابع مدينة ودي بقي أكبر تجمع للسياحة الأمريكية والكندية والبريطانية تمتاز بأن كل الاوتيلات الموجودة فيها ليها فروع ف جميع أنحاء العالم حتي ف مصر ودا بدون وجه مقارنة، فيها مزار سياحي ع البحر ودا المكان اللي بيتصور فيه افلام وغيره، فيها أكبر شوبينح شفته ف حياتي الناس من جميع الفنادق بتنزل من الساعة ٤ تبدأ تتسوق وتتعشي هناك وع طول حفلات.
(Ubod &إيبود)دي عبارة عن ريف ومدينة حضارية وتجمع للرحلات وڤيلات ع التلال ومزار سياحي للجميع بس الصينيين اكتر لان معبد بوذا الوحيد ف بالي موجود هناك، زرت البلددي اكتر من مرة اول مرة كانت رحلة (rafting) زي بالظبط رحلات المغامرات اللي ف نيوزيلندا وأستراليا واحسن كمان بدليل ان الناس بتيجي من الدول دي عشانها مخصوص وهي عبارة عن زورق ف وسط التلال والأشجار بيجري مع الشلالات ٣ أفراد يمين و ٣ شمال ومعاهم جايد ف المقدمة المسافة حوالي ١٠كم، رحت كمان المدينة دي كنت معزوم ع فرح صديق ليا اتعرفت عليه هناك، وزرتها تاني ف رحلةsonrkling
( art city) دي مدينة جمعت فيها كل حضارات إندونيسيا بيتصور فيها افلام وافراح طول اليوم دي عبارة عن معلم سياحي ضخم جدا.
جزيرة سومطرة ولمبوك دي اقرب الجزر ل (Bali) بتروحها بالطيارة أو المركب حسب مزاجك زول بيمتازوا بجمالهم ومعالمهم وثقافتهم المختلفة وكمان الديانات لأنهم حوالي ١٧ الف ديانة ولغة وجزيرة ولكن اللغة الرسمية هي Bahassa Indonesia
(legyan street) من أشهر الشوارع هناك وأكبرها فيه جميع المطاعم العالمية والماركات والاوتيلات وكمان عرض أزياء عالمي ومزار سياحي لحادث ٩٨.
(Jimparan) دا مكان ريفي جميل وممتاز بيقع ع شريط البحر فيه المطار من أشهر الوجبات هناك السمك المشوي ع البحر ودا سبب تواجد أضخم مجموعة مطاعم هناك شغالة طول اليوم لغاية ١٢ الصبح
(ulwato) جزيرة صغيرة لمحبي الاستجمام والهدوء وبسبب سحر وجمال المكان بقيت عادة تصوير حفلات الزفاف والصور الرومانسية ف المكان دا وخصوصا وقت الغروب،، كمان بتمتاز بتجمع كبير لمحبي serving
بصراحة استفدت كتير واستمتعت اكتر ودا كل الملخص أو أقل حاجة قدرت اتكلم عنها بإيجاز لان التفاصيل اكتر نصيحة للمسافر هناك.
-اتق الله أينما وجدت ووصل صورة حلوة عن بلدك
-خلي بالك علشان ف الشارع ممكن تتعرض لمضايقات كتير - زي اللي بيعرض عليك سلعة أو بيكلمك ف حاجات ممنوعة
-لحم الخنزير لازم تفتح عينك كويس علشان ماتلبسش ف الحيط، كمان magic mushrooms
-فيه حاجة اسمها رخصة دولية لو هاتتاجر موتوسيكل هاتحتاجها هناك علشان traffic police
-اللي بيروح ف موسم الشتا يخلي بالو من المطرة وهو سايق كويس
-الأسعار ف المحلات تركز كويس علشان هتلاقي حد يديلك سعر اغلي حاول تحفظ الارقام من ١:١٠
بس كدا