انا طالب ومسافر باذن الله الجمعة الجاية...

  • بادئ الموضوع بادئ الموضوع Ossama Youssef
  • تاريخ البدء تاريخ البدء
عرض العطلة
O

Ossama Youssef

:: مسافر ::
#1
انا طالب ومسافر باذن الله الجمعة الجاية امريكا "ولاية جورجيا" اقضي ترم هناك ، ف لو حد سافر قبل كده كنت محتاج اعرف اكتر عن الجو لحد شهر ديسمبر وهل هحتاج لبس شتوي كتير ف الاربع شهور الجايين ولالا؟ ايه احسن الاماكن اللي ممكن انزل اشتري منها لبس،اكل، موبايلات وهدايا مثلا؟ وايه احسن الاماكن اللي المفروض ازورها؟ ولو ف اي نصيحة يبقي شكرا جدا يعني
 
#2
جورجيا الجو فيها كويس قوي..
بس يمكن تحتاج.. نوفمبر شهر قاسي الحقيقة.. خصوصا لو فكرت تسافر تتفسح ف الشمال ولا حاجة..
لكن متاخدش جواكت ولا احذية من هنا..حاجاتنا مبتنفعش ف اجواءهم خالص.. لو الجو قلب عليك ممكن تشتري من أوت لت أو من TJMAXX
أو اعمل زي كل الطلبة الاجانب.. اشتري من اسواق المستعمل ( متخافش حاجات نضيفة جدا) خصوصا ال snow boots and snow jacket
لانك هترميها هناك وانت راجع مصر ف خسارة تشتريها جديدة وفر فلوسك للفسح
النصيحة اللي كنت اتمنى اتنصح بيها قبل ما اروح كانت الملابس القطنية تقيلة وأصواف من اللي بتتلبس تحت الهدوم (الكلسون واخواته) اه والله.. وكتير كمان
النصيحة الأقوى.. متضيعش اي فلوس ف الشرا ومتنيهرش بالماركات العالمية.. انسى الشرا خالص.. ركز ف الفسح
 
#3
الأماكن
فلوريدا بما انها قريبة لك
وشيكاغو ولوس انجلوس هتحبهم جدا
وواشنطن دي سي لو بتحب المتاحف
الهدايا لو سوفينير يبقى نيويورك من China town
ولو براندات يبقى تشتري في وقت تخفيضات الكريسماس وبتبدأ من نوفمبر
 
#4
متاخدش أي حاجات شتوي من هنا، مش هتنفعك هناك خالص، هات من هناك و فيه حاجات كتير كويسة و مش غالية..
 
عرض العطلة
#6
بص روح محل اسمه goodwill هتلاقي اللي انت عايزه ورخيص اوي بتبقى حاجات اوتليت ماركات بس قديمة وحاجات مستعملة بس نظيف احسن من الجديد هنا. انا جبت حاجات ماركة كولومبيا ونورتفيس north face من هناك. بقولك من الاخر متجيبش لَبْس خالص. ركز في حاجات تخص بلدك تنفع كهدايا لانها بتعجبهم جداً جداً
ونصيحة ثاني أوعى تملا شنطتك عشان بيدي انطباع بصراحة
ده الحاجات الاساسية
وبالنسبة للأحذية بتاع الثلج روح اما تارجت او كي مارت بالبلدي كده وعيش حياتك
انا معرفش انت مصري ولا ايه لو مصري هات ميداليات فيها حاجات اثرية وجمل عشان بيحبوها وكمان اي حاجة باه على ذوقك وممكن تسألني عادي وهرد عليك
 
#7
حاول تتواصل مع
International students office
في الجامعة اللي انت رايحها هما هيدوك كل المعلومات الصحيحة وهيساعدوك في اي حاجة محتاجها
 
#9
تلج ايه يا جماعة جورجيا جوها قريب من مصر جدا بس الشتاء أكثر برودة حاجة بسيطة الا لو فيه عاصفة ثلجية مرت على الولاية. أتلانتا هى المدينة الوحيدة اللى زرتها ز ميزتها وجود مترو مغطى اماكن كتيرة. مش مشهورة بحاجة معينة الولاية دى بس حنلاقى طبعا اماكن خضراء و بحيرات كتير و المولز مالية أتلانتا ممكن تلاقى حاجات كويسة فى محل اسمه مارشالز و برضه تى جى ماكس زى ما احد المعلقين ذكر
 
عرض العطلة
عرض العطلة
عرض العطلة
أعلى أسفل
عودة
قائمة