ʚ
ʚǐɞ Ŝmŝmằ ŜǾmằ ʚǐɞ
:: مسافر ::
ايه الجمال ده بجد هى مصر فيها اماكن حلوة كدة ؟؟ فعﻻ بلدنا محتاجة داعية كويسة للاماكن ال زى دى عن طريق السياحات الداخلية هتجيب سياحات خارجية انا عمالة اتفرج ع الصور عشان استوعب الجمال ده مع الربط بكومنتات اهل المنطقة حاجة جميلة جدا ويارب ف المستقبل القريب ازورها ^_^ <3
A
Ahmed Elamoury
:: مسافر ::
تنوري وتشرفي اي وقت بورسعيد هتنور
بورسعيد وبورفؤاد محافظه واحده
بورفؤاد تعتبر حي كل اللى يفرق بينهم هو قناه السويس تركبي المعديه ١٠ دقايق بتكوني في بورفؤاد
معظم مباني بورفواد من ايام الانجليز مفيش خروجات في بورفواد غير البحر
موضوع اللانشات ده اسمع عنه انه كان زمان بس اتوقف تقريبا اجراءات امنيه وكده
ساعتين زمن تكوني اتفسحتي في بورفواد
تنزلي بورسعيد بقى
الممشي السياحي واغلبه محلات موبايلات واكسسوارات وهدوم
تخلصى الممشي تدخلي على دليسيبس ودي قاعده تمثال دليسيبس لانهم شالو التمثال
(اللى متصور عندها اغنيه ابو العربي )
وفيه سور هناك عليه اقفال تذكاريه زي جسر (pont des arts)
في باريس
تدخلي على شارع طرح البحر والشارع ده يعتبر شارع الخروجات في بورسعيد
مطاعم وكافيهات وقري سياحيه ومحلات ملابس لانه بيطل على البحر
وطبعا لازم تتغدي في مطعم عالم البحار (ونوصي عليكي هناك كمان )
وفيه منطقه اسمها سوق التجاري
من اولها لاخرها كلها هدوم المفروض انها شعبيه بس اسعارها مش شعبيه دي معظم الرحلات اللى بتيجي من المحافظات المختلفه لازم يدخلو السوق كان زمان السوق ده كله ماركات عالميه قبل ما يقفلوا المنطقه الحره
وفيه منطقه اسمها سوق الباله للملابس المستورده المستعمله
يعني تلاقي بنطلون ولا قميص ماركه واوريجينال بس مستعمل
اغلى تاكسي في بورسعيد لو هياخدك من اول بورسعيد لاخرها (بدون بورفؤاد ) تديله ١٠ جنيه
التاكسي في بورفواد ٥ جنيه من اول بورفواد لاخرها
لو هتاخدي تاكسي من بورسعيد لبورفواد ١٥-٢٠ جنيه
عشان بيدخل المعديه وبيوقف في طوابير وكده
منصحكيش بفنادق لان يوم واحد من الساعه ٩ صباحا لغايه الساعه ١ ولا ٢ بالليل كفايه قوي انك تكوني خلصتي كل اللى قولتهولك ده لان البلد في عز الزحمه تعتبر فاضيه واصعب مشوار في عز الزحمه نص ساعه
اتمني اكون ساعدتك واي استفسار اتفضلي
بورسعيد وبورفؤاد محافظه واحده
بورفؤاد تعتبر حي كل اللى يفرق بينهم هو قناه السويس تركبي المعديه ١٠ دقايق بتكوني في بورفؤاد
معظم مباني بورفواد من ايام الانجليز مفيش خروجات في بورفواد غير البحر
موضوع اللانشات ده اسمع عنه انه كان زمان بس اتوقف تقريبا اجراءات امنيه وكده
ساعتين زمن تكوني اتفسحتي في بورفواد
تنزلي بورسعيد بقى
الممشي السياحي واغلبه محلات موبايلات واكسسوارات وهدوم
تخلصى الممشي تدخلي على دليسيبس ودي قاعده تمثال دليسيبس لانهم شالو التمثال
(اللى متصور عندها اغنيه ابو العربي )
وفيه سور هناك عليه اقفال تذكاريه زي جسر (pont des arts)
في باريس
تدخلي على شارع طرح البحر والشارع ده يعتبر شارع الخروجات في بورسعيد
مطاعم وكافيهات وقري سياحيه ومحلات ملابس لانه بيطل على البحر
وطبعا لازم تتغدي في مطعم عالم البحار (ونوصي عليكي هناك كمان )
وفيه منطقه اسمها سوق التجاري
من اولها لاخرها كلها هدوم المفروض انها شعبيه بس اسعارها مش شعبيه دي معظم الرحلات اللى بتيجي من المحافظات المختلفه لازم يدخلو السوق كان زمان السوق ده كله ماركات عالميه قبل ما يقفلوا المنطقه الحره
وفيه منطقه اسمها سوق الباله للملابس المستورده المستعمله
يعني تلاقي بنطلون ولا قميص ماركه واوريجينال بس مستعمل
اغلى تاكسي في بورسعيد لو هياخدك من اول بورسعيد لاخرها (بدون بورفؤاد ) تديله ١٠ جنيه
التاكسي في بورفواد ٥ جنيه من اول بورفواد لاخرها
لو هتاخدي تاكسي من بورسعيد لبورفواد ١٥-٢٠ جنيه
عشان بيدخل المعديه وبيوقف في طوابير وكده
منصحكيش بفنادق لان يوم واحد من الساعه ٩ صباحا لغايه الساعه ١ ولا ٢ بالليل كفايه قوي انك تكوني خلصتي كل اللى قولتهولك ده لان البلد في عز الزحمه تعتبر فاضيه واصعب مشوار في عز الزحمه نص ساعه
اتمني اكون ساعدتك واي استفسار اتفضلي