لو اتعرض عليك انك تمسك السياحه في مصر ايه الي...

[Awatef Elsayad]

اولا شبكه مواصلات محترمه حتي لو باصات من المطار لميدان التحرير لحين عمل مترو
تحسين الطرق بين المحافظات وخاصه السياحيه
التاكسي امام المطار بالعداد فقط والمخالف لا يسمح له بالعمل مثل اوبر وكريم
نخش علي الاهرامات ...كل العشوائيات تزال والطريق يكون محترم ..يتحمل تكت بالدولار لدخول المنطقه يكون شامل ركوب الكارته والحصان والجمل علشان نشغل الناس جوه وفي نفس الوقت نمنع استغلال السائح
منطقه تشمل مطاعم وكافيهات اسعارها مناسبه بدون استغلال ..بزارات صغيرة في مكان واحد باسعار موحده
زرع خضره حول المكان
تليفريك حول الاهرامات علشان تشوف المكان من اعلا مش لازم طبعا نفس ارتفاع الاهرامات
برج القاهرة لازم يدخل الخريطه السياحيه وتحسين الخدمه في داخل المطعم وتكون اسعاره مناسبه استغلال المنطقه حول البرج من عمل مطاعم صغيرة للاكلات السريعه واماكن للجلوس
انتشار الشرطه في الشوارع لمنع التحرش بالشعب كله
لازم تكون دعايه مكثفه وخاصه اوروبا
منهج في المدارس لكل المراحل لتعلمهم اهميه السياحه ..علشان الجيل ده هيخرب البلد اكتر

 

[Sherif Farouk]

طيب ممكن اي شخص هنا يقترح نروح نعمل مقابله مع اي مسئول نقوله افكارنا و ممكن اي مسئول ياخد بيها لان مصر فيها أماكن أفضل من دول كتيره مثلا اعرف اجانب نفسهم يزورو منطقة اللي فيها بيوت المماليك ايام محمد علي و طبعا مغلقه محدش عارف ليه انا بقى اخلي مكان ده سياحي و اشرح تفاصيل المذبحه بتاعت المماليك و اتجاه و مسار المماليك من القلعه لبيوتهم و غيره و مسجد السلطان حسن و غيره و غيره و غيره و غيره

 

[Ali Farg]

اولا هخلى الفيزا ببلاش لاى مسافر وبعد ما رجليهم تاخد على المكان هرجعها بفلوس تانى(بعد كام سنة يعنى )
ثانيا هقدم عروض على الخدمات السياحية من خلال الطلب من الفنادق و المنتجعات مع خفض الضرائب لديهم لتقديم هذه الخدمات
ثالثا هعمل دعاية فى بلاد أوروبية كتير على الباصات و محاطات المترو بعنوان (مصر جميلة تعالى زورها )
رابعا تأسيس خط مترو يربط بين شرم الشيخ الغردقة سفاجا وهكذا لتسهيل حركة السياح و مساعدتهم فى معرفة المدن السياحية القريبة منهم
خامسا و أخيرا بناء متحف تحت الماء(البحر الأحمر )للفراعنة وسيكون الأول من نوعه فى العالم لاحتوائه على تماثيل وبرديات لتشجيع السياحة .
ولكن هل الدولة ستعطينى هذه الصلاحيات و الأموال لتفعيل هذه الخطوات؟!!

 

[Rauof Sheta]

مش هدخل المصريين المناطق السياحيه

 

[Rauof Sheta]

اللى بهدل الغردقه وشرم المصريين اللى فيها

 

[Ahmed Nabil]

الاهرامات دي لو في دوله خليجيه كانو عملوها منطقه مكيفه وحمامات سباحه ومولات ومطاعم عالميه وحدائق حوليها وتلفريك مَش واحد يروح تجيله ضربه شمس

 

[Ahmed Abd Elslam]

الافكار كتير بس هتتنفذ ؟

 

[Hend Ali]

يا جماعه بالاضافه لدا كله المفروض التركيز ميكنش ع المدن الساحلية او التاريخيه بس فين الريف من دا كله؟! برا بيهتموا بالمدن الريفية البسيطه بيوحدوا لون البيوت وبيزرعوا شجر كتير ف الشوارع الصغيره وما بين الاراضي الزراعيه بيعملو طريق كويس ويهتموا بشكل البتاعه ال بتوصل المياه بصراحه بيبدعوا جداااااااا انا شوفت مدينه ف بنجاب ف الهند ريفيه روعه مع الاهتمام المدن الريفية بيكون ليها سياحها بردو زي الريف التركي كمان

 

[Ahmed Mostafa]

Tourism culture هعمل حملات توعيه لكل الناس وخصوصا الناس اللي ليها علاقته مباشره بالسياح زي السواقين والفنادق عمتا، هيتعلمو يشغلو العداد بتاع ألعربيه عشان السايح يحس انو مش مضحوك عليه ، الناس اللي ماشين في الشارع محتاجين يتعملهم توعيه ان دا مصدر دخول عمله صعبه للبلد وعلي هذا النحو يتصرفو كُويس معاهم ، شغل التحرش والسرقه محتاج مقاومه . فاكيد السياحه مش هتتعدل غير لما الحاجات دي فعلا تتغير.

 

[Hossam Sultan]

إحنا مشكلتنا الأساسية دلوقتي الأمن يعني إيه فائدة الدعاية وفيه عمليات إرهابية

 

[Islam Mohamed Soliman]

لا أعلم اذا كان ذلك صح ام لا
القطاع الخاص : مزايدة علنية عالمية بالدولار لتأجير متحف ب قطع أثرية من الموجودة بالمخازن و يكون ذلك بأحد المدن السياحية
غردقة / شرم الشيخ / مرسى علم / مطروح
مثلا

و تجدد كل ٥ سنوات و تشمل صيانة القطع الأثرية

 

[Ahmed Elnadi]

هغير اول الحاجة الشعار الزبالة ده وبعد كدا الباقي هيتحل

 

[Ahmed Elbakry]

الاول همنع الاعلان عن بصر بالقصات وهمنع اعلانات التسول وافلام السبكي وهخلي تصوير الافلام في المناطق السياحيه بالمجان وللافلام العالميه هديهم فلوس وامتيازات مصر دوله لازم الي يجيها علشان يكون بيحترمها مش جي شقه مفروشه

 

[Tarek Mohamed]

اعلم الناس أدب وثقافة التعامل مع السياح اولا
وان هو مش مجرد واحد اهبل وساذج ومعاه فلوس ولازم نسرقه ونستغله

 

[Fatima Bidh]

انا شخصيا هعمل قسم خاص للارشاد السياحي في التدريس للاطفال بدايه من اولي اعدادي نعلم المصريين الاول قيمه بلدهم وحضارتهم وتعاملهم برقي ونعلمهم لغات يطلع جيل واعي مثقف بجد مش حفظ ع فاضي والاجيال دي تقدر تنشط السياحه للابد

 

[Seif Faissal Soliman]

هسفر الشباب مدربين بره مصر في كذا دولة تعمل شير و معرفة عن سياحة في مصر هيتوفر في مصر اماكن اقامة باسعر منسبه للشباب و ناس نفسها اللي طالعة بره تجي تجمع كل الملحظات و افاكر البره بعمله بيها سياحة نعملها هناك بشكل افضل و اقل تكلفة ✌

 

[Islam Mohamed Soliman]

وقف و جرم التسول السياحى و التطفل على خلق الله

تيجى تطلب من واحد يصورك فى منطقة الهرم. ياخد الكاميرا بتاعتك لغاية ما يخليك تروح و تيجى معه و تصرف إللى هو شايفه علشان يديلك الكاميرا بتاعتك

او عايز يبيع لك منتجات سخيفة غصب عنك.

من الاخر استغلال و سرقة بالأكراه