لو اتعرض عليك انك تمسك السياحه في مصر ايه الي...

  • بادئ الموضوع بادئ الموضوع Moutaz Mohamed
  • تاريخ البدء تاريخ البدء
عرض العطلة
#21
المشكله الرئيسيه للسياحة في مصر حاليا هي السمعه السيئة لمصر بره يعني العالم كله شايف ان مصر مش امان وان داعش مسيطره عليها والدنيا خربانه وده واضح من تعليقات الناس علي tripadvisor كلهم بيسالوا سؤال واحد
Is Egypt Safe ?
وكلهم لما بيقرروا يجوا مصر اول ما بيرجعوا بيكتبوا reviews حلوة جدا ان مصر جميلة وامان ورخيصة
 
#22
هستغل فرق العملة و اتعاون مع وزارة الصناعة واعمل منتجات مصرية بجودة عالية .. دا هيخلي سياحة الشراء تزيد و هيوفر كمان فرص عمل كتير جدا للمصريين

هجيب الاف الفيديوهات اللي معمولة من الاجانب و احاول اعرضها في وسط الميادين العالمية

هلم كل اللي شغالين في السياحة من البائعين و اعملهم تدريب ازاي يعاملوا السايح و افرض عليهم رقابة كبيرة
 
#23
ممكن اجيب بلوجوز من العالم المشهورين وأديهم كامل صلاحياتهم انهم يعرضوا مصر من وجهة نظرهم و كمان ممكن اعمل شركة طيران زى wizzair تنقل السياح بين المحافظات السياحية بِنَا لا يتعدى ٢٠ دولار للاتجاه الواحد وبكدا اوفر لهم جزء من الرفاهية اللى عندهم هناك او على الأقل ارفع كفاءة القطارات واعمل شركة نقل اتوبيسات باتوبيسات حديثة بعيدا عن شرق الدلتا خالص و بها hosts زى الموجدين ل اتوبيسات أوربا او تركيا او رحلات النهرية ما بين القاهرة والأقصر
 
#24
ربط مرسى علم مالديف مصر بشركة طيران مباشرة بتكلفة رخيصة اقل من ٢٠ دولار واتاحة الهوستلز ف مصر بحيث يكون فى فرصة للباك باكرز حاجات كتير وناس كتير عندها أفكار أحسن من كدا بس اللى ينفذ
 
#25
تعيين موظفين متحدثين بلغات مختلفه (انجليزية - فرنسية- اسبانية) في جميع المناطق الحيوية اللي فيها تعامل مع السياح
 
عرض العطلة
#26
كل اللى فوق دة نضيف عليه .. اننا نخلي كل مكان جذب للسياح امان و ممتع للسايح و حمايتهم من الاستغلال و المضايقات اللى بتحصلهم .. ونزود على دة ورش و معارض فى البلاد المختلفة زى ما الهند بتعمل " برنامج India by the nile " و ملونة المترو عندنا بفعلا حاجات تجذب السياحة ليها .. لازم يكون فى ورش و معارض و برامج لتشجيع السياحة فى الدول المختلفة زى مثلا ورش تعليم الصناعات الخزفية و السجاد والحاجات اللى احنا مشهورين بيها .. كل الناس اللى اعرفها خايفة تيجى مصر بسبب الاعلام لكن على ارض الواقع لو شافوا مصريين و اتعملوا معاهم من خلال المعارض اظن الموضوع هيبقى احسن كتير .. للاسف فى ناس برة والله لسة فاكرين اننا بنتنقل بالجمل
 
#27
هعمل طيران شارتر رخيص مع كل دول العالم هدرب العاملين فى السياحة هعمل حاجة مفيش زيها فالعالم كله زى ديزنى لاند بس على اضخم بكتييير
هبنى فندق اكتر هرجع الباخرات السياحية العالمية و تبقى نقطة انطلاق من مصر زى برشلونة هعمل مدينة ساحلية بمواصفات عالمية زى سانتورينى او ميكونوس او ايبيزا هنضف المطارات هشيل كل السرسجية و الاشكال الضالة و الخرتجية من الاماكن السياحية و اولها الاهرامات
 
#28
يا جماعة فى بلاد معندهاش اى سياحة يعنى انا مثلا روحت جورجيا بيجلهم حوالى ٦ مليون ف السنة سائح معندهمش المقومات اللى عندنا ودولة فقيرة جدا مش زى مصر من حيث التنوع الحضارى ما بين اسلامى قبطى فرعوني فلكلور كتير اوى
 
#30
توفير مطبوعات بلغات مختلفة بها معلومات عن الاماكن السياحية المميزة
و تفاصيل عن المواعيد و اسعار الدخول و كيفية الوصول
و تكون متوفرة بالمطار و محطات القطار و الميادين الكبرى

*توفير تذاكر مجمعة للمزارات يعني تذكرة واحدة لدخول الاهرامات البرج المتحف المصري و الزراعي و الشمع .....

و تذكرة للاسكندرية المكتبة القلعة متحف المجوهرات....
 
عرض العطلة
#31
المشكلة الأساسيه للأسف مش اللى إنتوا بتتكلموا فيه الجو العام فى مصر هوه اللى مخوف ومانع الناس انها تيجى مصر ومواقع وزارات الخارجيه لبلاد كتير حاطين مصر من المناطق المحظورة للسفر كمثال فى وزارة الخارجيه الكندية مصر لاينصح بزياراتها مع بعض البلاد اللى فيها حروب!!! اصداقائى فى العمل وغيروا لما بيعرفوا أنى مصرى بيشتكوا من انهم كان نفسهم يزورا مصر لكن الوضع الأمنى مانعهم طبعاً ...لما يبقا عندكم استقرار اجتماعى ومفيش نبرات مصر بتحارب الاٍرهاب أبقوا ابتدوا تفكروا فى اللى إنتوا بتقولوا عليه.
 
#32
اهم عملين
تشيل كل شخص في مجال السياحة ويعين اناس جدد في كل مناحي السياحة بمصر من اول السواقين الي المرشدين الي البائعين الي المسؤوليين كل من لة احتكاك يالسياحة علي اسس ومعايير علمية وخبرات ولغات وأخلاق وثقافة لان دول الي بيقدمو مصر لاي انسان
ثاني شيئ جعل الأماكن السياحية المهملة اجمل مكان ممكن نشوفة في العالم من تكنولوجي ونظافة ونظام يليق باعظم حضارة واكتشاف باقي الأماكن المنسية
ثالثا تسويق حقيقي علي اساس علمي
 
#34
اعتقد ان توفير عنصر الامن هو اكبر مشكلة بتواجه السياحة ف مصر لان البلد عالميا معروفة جدا وناس كتير عاوزة تروح بس علشان البلد مش امان ومع التحذيرات والمشاكل اللي بتحصل ف لو ببلاش اكيد محدش فيهم هييجي
مع توفير تسويق محترم
بس اعتقد ان فكرة الفيزا ب ٣٠ دولار دي ملهاش لازمة لانك ك بلد لسة بتشجع الناس ترجع ليها ومحتاج تشجعهم وبعدين لما تمسك نفسك ابقي اعمل فيزا وخلي ليها تمن
يعني مثلا جورجيا بيروحلها ناس كتير قوي هنا من دول الخليج وانا واحد منهم كنت فيها الاسبوع اللي فات وشجعني كتير قوي ان ملهاش فيزا هو بس ختم دخول والبلد كمان جميلة ف بالتالي الموضوع هيكون سلس وسهل جدا ودا فعلا اللي حصل
اية يعني لما الغي فيزا ف سبيل ان عدد اكبر ييجي البلد ويصرف ويتفسح فيها وهيشغل كل المنطقة اللي هيقعد فيها
دا مجرد راي شخصي كمشاركة معاكم
 
عرض العطلة
#37
اعمل فنادق في كل احياء ومحافظات مصر ننشر ثقافة تقبل الاخر والعمل على سعادته داخل مصر اعمل اكبر شبكه مواصلات من اول المطارات لكل شبر في مصر مخصوص للسياحه مفيش اهم من السكن والتنقل بالنسبه لاي سايح بعدين نشغل كل شبابنا اللي في كليات اللغات من اول سنه تانيه دراسة ينزلوا استقبال وإرشاد في كل مكان بمصر نعمل برامج لكل محافظه بيشرف عليها فرق من الشباب
 
#38
هاعزم كل الinternational bloggers و الpublic figures فى كل مكان فى مصر عشان هى دى أحدث حاجة فى الMarketing دلوقتى
هاعمل حملات توعية للناس العادية ازاى تتعامل مع السياح وده يشمل مل الناس مش العاملين بقطاع السياحة بس
هاعمل adventure activities
 
#39
اولا...اوربا ثم اوربا ثم اوربا...
اعلانات في شاشات الشوارع... السفارات المصرية هناك يكون فيها مكاتب خاصة
لترويج السياحه... يتم تاجير مكاتب دعاية للترويج لمصر في اكثر الاماكن المكتظة بالسياح زي الشانزليزيه في فرنسا... والاستقلال في تركيا... وكارنتنر وماريا هلفر في النمسا.. وولستريت لندن .. وغيرهم.. والمكتب يكون مكتوب عليه explore egypt for free...واللي يدخل ياخد معلومات ياخد كتيب هدية وفاوتشر خصم علي مصر للطيران يستخدمه في خلال سنه .. والمطارات في اماكن انتظار الرحلات يتعمل فيها اعلانات..
وماتشات الكورة يتعمل فيها اعلانات

ثانيا.... اعادة هيكلة مفهوم السياحة الداخلية للمصريين ومفهوم كلمة بفلوسي وانا جاي اتفسح وياللا نفسي واللي عنده سايح يربطه...
يلتزم المصريين بالحجز عن طريق شركات السياحه فقط وتقوم شركة السياحه بعرض فيديوهات توعية بداخل الباصات ووسائل النقل المخصصة للمصرين في القري والمنتجعات السياحيه وعن الفلوس اللي دافعينها دي مقابل خدمات معينه مش بيشتري المكان باللي
فيه... مثلا..مافيش ملابس داخلية تتنشر .. ولا اكل يترمي.. ولا لبس غير لائق للسياحة.. ويتفعل نظام مخالفات وغرامة مالية وترحيل لمن يخالف الذوق العام ...وده دور شرطة السياحه

ثالثا... المطارات المصرية صراحة في وجهة نظري التي لا قيمة لها لازم طواقم الخدمة الارضية كلها تتفور بالكامل وياجروها لشركات خاصة عالمية بتعرف تدير مطارات... حدف الشنط وبهدلتها وتكسير الحاجة اللي جواها ده مش بشوفه غير في مصر...

رابعا... مصر للطيران... لازم تنضف شوية .. طيارات كلها خردة كل مابشوف طيارة الاقيها من انتاج 1997... وبتبقي ايجار...

خامسا.... ممكن نعمل تلفريك عند الهرم... وقفز حر من طيارة...وتلفريك ف سانت كاترين ف سينا... وننشط السياحة العلاجية ف سيوة.. وغيرها من الاماكن المتيزة في البلد اللي ماحدش يعرف عنها حاجة..

سادسا... هعين البنت اللي اسمها بسنت نور الدين اللي قلبت الفيس مستشارة وزير سياحه وتشرف بنفسها عالاثار المصرية والمعلومات اللي بتتقال للسياح في الجولات السياحية.

سابعا بقي واخر حاجة... هيتعمل صفحة فيس بوك ورقم واتس اب لارسال صورة اي مخالفة او مقترح يمكن سؤدي لتنشيط السياحه واجيب صاحب المقترح ده اعينه فيه...
 
#40
سكاي دايفينج في الاهرامات
حوالين الاهرامات يتزرع كله جناين و يتعمل مجمع مطاعم صيني و هندي و شرقي وغربي ...الخ
يتعمل فنادق مبانيها علي شكل اهرامات و برج بيزا و برج باريس و كل الاثار المشهوره غي العالم و هتبقي دعايه كويسه في نسوق للسياحه بتاعتنا في كل بلد من اابلاد دي.
ركوب الخيل يبقي مقنن مايتسابش للناس بتوع نزله ااسمان ، السياح بيتسرقوا هناك.
الشرطه السياحيه يكونوا بيتكلموا انجليزي مش بصمجيه
بعثات تنشيط السياحه بره مصر يكونوا مودلز مش نسوان من الارشيف بيكلمو لغات كويس.
في مناطق كتير في مصر احنا كمصريين منعرفاش لازم يتعمل بيها حصر ، و ماركتينج تيم علي اعلي مستوي يحط ماركتينج بلان.
المدن اللي علي البحر الاحمر يتعمل فيها غرف تحت الميه من حوائط زجاج.
المتاحف المصريه و الاسلاميه والقبطيه و المعابد اليهوديه والكنائس والمساجد الاثريه يتعملهم برنامج و تذكره موحده.
طبعا اللي ماسك مصر للطيران لازم يتضرب بالنار، الاسعار بتاعت مصر للطيران لاتتناسب علي الاطلاق مع الخدمات اللي بيقدموها في حاجه اسمها revenue management هما مسمعوش عنها قبل كده تقريبا لازم حد متخصص في المجال ده يدير سياسه التسعير عشان يكون علي مستوي المنافسه مع الشركات التانيه ، ولازم يكون في حد متخصص في pricing analysis هو ده اللي بيعمل تحليل لاسعار السوق مع الخدمات المقدمه و يقارنها باسعارنا و يشوف اافرق و علي اساسه بيقدر يحدد انسب سعر.
لازم يهتموا بالديجتال ماركتينج
وزير السياحه لازم يكون لف العالم حرفيا عشان يقدر يكون صوره و خطه عمل يشتغل بيها ، يعني لازم يعرف السوق العالمي في ايه عشان يقدر يستخدم مواردنا باحسن صوره.
مصر عندها سواحل زي المالديف و اقدم حضاره متاحف و تنوع ثقافي و عندنا نايت لايف ، عندنا كل الاكتيفيتي باستثناء حاجات بسيطه زي السكاي دايفنج و تطوير اللي الاماكن اللي موجوده زي الاهرامات و اللي بيتحرش بالسياح يخصوه حرفيا
 
عرض العطلة
عرض العطلة
عرض العطلة
أعلى أسفل
عودة
قائمة