الناس الخبرة :-D يا جماعة انا عاوزة أسافر...

[Donia Salem]

الناس الخبرة :-D
يا جماعة انا عاوزة أسافر ايطاليا، محدش يقولي ازاي انا هحكي المشاكل و قولولي حلول عملية ، ربنا يغرق باسبوركو اختاام بنت ناس <3
المشاكل:
معنديش حساب بنك، عندي بتاع البوستة و مفيش فيه غير الف وحته كده.
محوشة 190ج ( هغزو بيهم العالم ان شاء المولى ).

قولولي حساب البنك المفروض يكون ف حدود كام؟ لو حد يعرف طريقة نزوده بيها :-D اللب هو جو نستلف و نحطهم و نعمل الكشف و نرجعهم تاني ( لو بخرف قولولي يا جماعة، زي اختكو )
الرحلة لإيطاليا لمدة شهر بتكلف كام بطيارتها بفندقها (فندق نجمة واحدة باااس).
اي نصائح او مشاكل انا مش شايفاها قولوها الله يكرمكو بس شكل ايجابي.

الحلول هشتغل عليها لمدة سنة ، يعني ف نيتي اسافر السنة الجاية ان شاء الله بغرض الدراسة ، هاخد كورس هناك و ارجع لو ده هيفرق ف الفيزا و كده يعني.
دمتم مسافرين ✌✌

 

[Sho Saleh]

المفروض المبلغ في الحساب يكون مغطي تكلفة الاقامة شهر . و يكون حساب عليه حركة يعني سحب و ايداع و كده بالتوفيق ان شاء الله

 

[Ahmed Abd Elslam]

bank statement 5000€ at least with
6 month of in out movement .. HR letter .. inventation ..

 

[Ahmed Mohamed]

بصي انا هقولك ع الخلاصه
ايطاليا بتطلب كشف حساب بنكي لاخر 6 شهور
ايه المطلوب من كشف الحساب او ليه اصلا بيطلبوا كشف حساب ؟؟
عشان حاجتين
1- يعرفوا من حسابك دة انك تقدري تصرفي علي نفسك هناك مش هتروحي وتشحتي وتبقي ف الشارع يعني هما خايفين عليكي من البهدله وعايزين اثبات لقدرتك علي انك تصرفي هناك
2- يعرفوا من حسابك دة انك مرتبطه جدا بمصر وانك مستقره ف مصر ومش هتسيبيها وتهربي ابدا

طيب تعملي ايه عشان يتأكدوا من النقطتين دول ؟؟
1- حسابك يكون فيه مبلغ يكفي سفريتك وبيفرضوا مبلغ 50 يورو علي كل يوم .. يعني لو شهر زي ما بتقولي يبقي 50 يورو في 30 يوم .. اضربيهم وشوفي يطلعي كام و زودي ع المبلغ اللي هيطلعلك 500 يورو كمان زيادة

2- حسابك يكون عليه حركه سحب وايداع كبيرة .. يعني كل اسبوعين مثلا تدخلي مبلغ وتخرجي مبلغ
وتشتري بالفيزا كارد مشتريات تثبت انك واحدة بتصرفي وليكي حياه واقعيه ف مصر ولو نوع المشتريات من النوع التقيل بيبقي افضل من وجه نظر السفاره

3- مش شرط تكوني مليونيره عشان تاخدي التأشيرة بس لازم تثبتي ان ليكي حياه واقعيه ف مصر .. حياه زي اي حياه .. بتاخدي فلوس وتصرفيها

4- لو مش معاكي حساب بنكي ممكن تاخدي حساب بنكي بتاع والدك او والدتك وفيها اقرار منهم بتحمل مصاريفك هناك
وطبعا يكون حساب عليه حركه سحب وايداع

اخيرا يابنتي اوعي اوعي اوعي تخلي حد يحبطك او يقولك مش هتعرفي تسافري .. هتعرفي باذن الله بس مع شويه تخطيط .. ربنا يوفقك

 

[Amani Magdi]

حساب البنك لازم يبقي الحركة قبل معاذ السفارة ب ستة أشهر ويبقي عليه حركة يعني فيه سحب وإيداع والرصيد لايقل عن ٣٠٠٠٠ وموضوع كشف الحساب دا بيبصوا عليه كويس

 

[Nona Lamoo]

تحياتي ليكي , جميل ان يكون ليكي هدف وتوصليله .ان شاء الله تسافري وتدرسي .ربنا يوفقك

 

[Mimo Abo Omer]

من الاخر، شوفي واحد ابن حلال مقيم هنا ومعاه أقامه واتجوزيه ،تاني يوم هتاخدي أقامه ولا حساب بنك ولا وجع دماغ

 

[Khaled Kandel]

المفروض حساب البنك يغطي تكلفة الرحلة يعني بالاسعار بتوع اليومين دول تقريبا 25 الف جنيه وطبعا حكاية انك تستلفيهم وتحطيهم انا شخصيا بعملها علي طول واخدت بيها 4 تاشيرات شينجن 2 اسبانيا و 2 اليونان بس كل حالة بحالتها يعني عرفيا هما تغاضو عن كده بس ممكن يغلسوا ويرفوضوا بتعتمد علي السن والوظيفة الخ الخ وهما طبعا فاهمين كل حاجة لان اللي بيشتغل هناك مصريين او اجانب واخدين دورات في المخابرات علشان التزوير والارهاب وخصوصا اللي بيعملوا في الدول المقلقة زي مصر وسوريا والعراق الخ الخ ... فيه شركه طيران حونينه اسمها ميريدان بتعمل رحلات سعرها نص مصر للطيران اللي هما حرامية طبعا بحوالي 4 الي 5 الاف جنيه التذكره القاهره ميلانو مباشر بس بتعتمد علي الوقت اللي بتشتري فيه وكل مايقرب يبقي اغلي .. وطبعا فيه فنداق نجمه واحده فعلا واقل وكلها كويسه جدا وفيه اغلي الحجره نفرين بحوالي 30 الي 35 يورو يعني تقريبا 700 جنيه الليله وده للفنادق المتواضعه الحونينه وفيه اغلي والاكل هناك رخيص طبعا البيتزا من 3 يورو الي 6 يورو اغلي مطعم والسوبر ماركت فيه حاجات جاهزة ونباتيه ودجاج علشان اللحوم الخنزير طبعا وفيه اكل نباتي يعني الدنيا حلوه قوي واحلي حاجة ان القهوه رخيصة اشتريت في عرض بسوبر ماركت ليدل هناك كيلو قهوة بيورو واحد ايام ماكان اليورو بتسعه جنيه ونص وكانت بتتباع هنا بثمانين جنيه

 

[هادي محمد]

ممكن تبداءي تحوشي لمدة سنه لحد متوصلي الكشف لمبلغ معقول الي هو ٥٠ يورو لكل يوم + سعر التذاكر + سعر الفندق الي يفضل تختاري شقه او غرفه ارخصلك و ممكن تقدمي ما يسبت انك هتخدي كورس و طبعا مصاريفه تكون موجودة في الكشف او يكون مدفوع مسبقا و بالتوفيق ان شاء الله

 

[Linda Abdullah Zayyad]

الجو الآن نار في ايطاليا

 

[Hasan Ha]

f

 

[Ahmed Kafrawy]

ابدئى اتفسحى فى اليكس الاول واعرفى معالمها وبعد كدا حوشى عشان تروحى دهب وبعد كدا جورجيا وكدا يعنى خطوة بخطوة مش ايطاليا علطول

 

[Hossam Ouda]

اشمعنى ايطاليا؟

 

[Alaa Abdelhamed]

اطلعى على تركيا ومن تركيا خدى اى لنش روحى بيه لجوء ووفرى 190 ج

 

[Hanan S. Berzi]

راسلى الجامعات اللي هناك وشوفي انسب وارخص حاجة ليكى واكيد فيهم جامعة هتبعتلك موافقة ووفرى في مصاريفك وحوشي ولو عرفتى تشتغلي يبقي حلو وربنا يوفقك

 

[Hanan Attar]

الحساب بالبنك لازم يعدي الخمسين الف مع حجز طيران مدفوع وفنادق مدفوعه وسبب واضح للسفر والعيشه هناك تتكلف بالاسبوع ١۰۰ يور و انا بكلمك ع العيشه العاديه جدا والمترو انا رحت هناك انبسطت بس غاليه لو سياحه انسي ممكن تبع جامعه او كورس او موتمر

 

[Mohammed M. Attar]

كلامك حلو و مشجع جدا يا استاذ Ahmed Mohamed و احب ازيد عليه ان اي حلم او طموح ممكن تحقيقه بس عايز صبر وان الإنسان يشتغل عليه كويس يعني يعرف أبعاده و ازاي يحققه كانه بيذاكره بالضبط و على سيرة المذاكرة ، ممكن حلمك ده يتحقق عن طريق سكة المذاكرة و المنح الخارجية دوري على النت

 

[Tarek Fahmye]

F

 

[Heba Hussein]

هو المفروض يا جماعة كشف الحساب البنكي يكون فيه كام علي الأقل عشان الشنجن؟

 

[Mona Awad Allah]

الحساب البنكى بيكون حسب المدة اللى بتقدمى عليها يعنى حجز الفندق والطيران اللى بتقدميه مع البنك ستيتمانت هو بيشوف انت مثلا مسافرة اسبوع يعنى هتحتاجى تصرفى مثلا فى اليوم 100 يورو يعنى ممكن 15000 لو رايحة اسبوع ... حوار الدراسة اه طبعا بيفرق جداا اهم حاجة تستفى الورق صح الحجوزات والتواريخ البنك ستيتمانت 6 شهور من قبل يوم المقابلة ويكون خلال ال 6 شهور فى حركة ايداع وسحب يعنى كل شهر حطى 5000 وبعد اسبوعيين اسحبى 3000 وارجعى حطى المهم الحساب يكون فيه المبلغ دا ويقفل على المبلغ دا