A
Abdel-Rahman Refaei
:: مسافر ::
اسرع وأطول zip Line في اوروبا والعالم في مكان اسمو zip world في منطقة Bethesda, wales وسعرها ٧٠ استرليني... هي عباره عن رايدين الاول وهي الصغيرة الي انا واقف عندها ودي سهله بس حلوه بتعدي من فوق بركه لونها ازرق صااافي وبتطلعها انك بتسسلق الجبل مع مجموعه ،،، بعدين لما تخلص اول رايد بتوصل للرايد التانيه ودي فوووق في الجبل لو انت من تحت الجبل هتشوف الناس الي فوق قد النمل وممكن متشفهمش اصلا،، المهم الرايد الكبيرة دي والي هي الأسرع والاكبر في اوروبا بتطلعها عن طريق شاحنه بتقعد فيها من ورا زي في الفيديو الثاني بس الفيو تحففففه. بعدين بقى بتركب الرايد الكبيرة ودي سريعه جدااااا بصراحه كنت خايف اول لما نزلت بس لما شفت المنظر من فوق الخوف راح بس رجع تاني لما بصيت يمين والبتاع قعدت تتمرجح بيا . مكان لطيف وينفع الأسره وفيه تحت كافيهات وأماكن قعدات قدام البركه الزرقاء بشكل غير طبيعي على هضبه صغيره وفيه حاجات كتير غير زي استكشاف الكهوف وبردو بال zip line وحاجات مخصصه للأطفال بس بأسعار مختلفه
