اول مره اكتب عن رحله روحتها .. ركزززز يااوستاذ...

[Yasmine Mohsen]

اول مره اكتب عن رحله روحتها .. ركزززز يااوستاذ .. ركزى ياانسه يال ورا
اول حاجه مجمع الاديان ف القاهره ... بنركب مترو وننزل محطه مارجرجس .. هتخرج م المحطه هتلاقى الكنيسه المعلقه ف وشك ... فكرت انهم ممكن ميدخلوناش بسبب الظروف ال حصلت الايام ال فاتت ... لقيت الناااس ف قمه الزوق ف التعامل وممكن كمان حد يشرحلك تاريخ الكنيسه ... بس ممنوع التصوير جوه الكنيسه والدخول ببلاش .. ف الجنينه بس ال مسموح
تانى حاجه تخرج م الكنيسه ع ايدك اليمين المتحف القبطى ... جمب الكنيسه ع اليمين التذكرة بعشره جنيه .. حاجه كدا وهم فيه مخطوطات واناجيل قديمه جدااا .. وفيه حاجات تاريخيه من ايام السيد المسيح تقريبا التصوير بتذكرة مش فاكره كم
تالت حاجه تخرج ع المتحف ع ايدك اليمين برضو هتلاقى سلم لتحت لنفق اول مهتنزل تحت هتلاقى كنيسه المغاره .. الكنيسه دى السيد المسيح لما جه مصر كان موجود فيها هو ويوسف المعمدانى والسيده مريم ... الصور دى كلها منها
فى واحد قاعد ع الباب بره لابس بدله هو تقريبا امن .. دخل معايا عرفنى تاريخ الكنيسه كلها وقعد يصورنى ورحب بيا جداااا مش هتلاقى هناك حد بيتعامل بمبدء مسلم ومسيحى والكلام دا ... ناس محترمه جدا ..
بعدها هتخرج م الكنيسه دى هتلاقى كنيسه مارجرجس بتاعه الراهبات ... من اول متدخل هتلاقى راهبه هناك نحيه الباب هترحب بيك جدا ... احب اشكرها مع انى معرفش اسمها ... شرحتلى كل حاجه عن الكنيسه دى ... بس خد بالكوا اول مهتدخلوا لازم تقلعوا الشوز ...
بعدها بقى هتمشي ف بقيه النفق هتوصل للمعبد اليهودى ... عليه نجمه سليمان وبسيط خالص بس ممنوع التصوير .. بجد اماكن تستحق الزياره ياريت تزورها
#شكرا #للراهبه #ال #استقبلتنى
#شكرا #للاستاذ #ال #استقبلنى #وصورنى
#شكرا #لطنط #ال #ولعتلى #شمعه ودعتلى ان ربنا يكتبلى الخير
اخواتنا المسيحين دمتم بخير

 

[Ahmed Matar]

بحب الرحلات من النوع ده
داموا بخير وعافيه

 

[Fahd Alsayed]

الله جميل دا.. طيب كنيسه الراهبات دي الرجاله ينفع تدخلها ولا بنات بس ؟؟

 

[Sayed Yousef Mohamed]

كلفتك كام الرحله دى
كنت لسه هروح والله
بس يلا بقى
المهم بيبقى فاتح من امتى لامتى

 

[Kævën Tæwêüqê]

تحياتي علي كلامك وأسلوب سردك الرائع وروحك الجميله وفعلاً المنطقه الأثريه دي تستحق الزياره بس تعديل بسيط هو اسمه يوسف النجار مش يوسف المعمداني
والبير ده في كنيسه ابي سرجه بيسموها المغاره فعلا واللي فيه الراهبه ده دير مارجرجس مش كنيسه
الدير هو اللي ممكن الراهبات تقعد وتتعبد فيه
... شكراً علي التقرير رائع رائع

 

[Jean Nabil]

تصدقى باللة ماروحت ولا حتة من دول هههههه

 

[Amira Youssef]

من احلى الاماكن فى مصر انا لسة كنت هناك الاسبوع اللى فات روحت المعلقة وطلعت على المعبد اليهودى خلصت طلعت فطرت فى الحسين فى محل العهد الجديد واتمشيت فى المعز

 

[Sam Ora]

انا كمان روحت مجمع الاديان ودخلت الكنايس اللى هناك كلها والناس فى قمه الذوق والادب الحقيقه وكان فى بنات من سننا موجودين فى الكنيسه بيشرحولنا كمان تاريخ الكنيسه واى حاجه احنا كنا بنسأل فيها والامن اللى موجود على باب الكنيسه اللى فى النفق دا رجل محترم جدا وكان بيحاول يساعدنا ويقولنا على الكنايس الموجوده علشان نزورها لان دى كانت اول مره نروح . بشكر زيك كل اللى انتى شكرتيهم ومعاهم كمان شرطه السياحه اللى على اول المجمع بجد كانوا بينصحونا وبيقولوا لينا نروح فين وبلاش ايه <3

 

[Soso Mandour]

المنطقه دي تحفه مجمع اديان وكنني كملي علي جامع عمرو بن العاص اول جامع اتبني في مصر

 

[Ahmed Ashour]

انا بنزل القاهرة علطول بس بكسل اروح فى اى مكان لان مش عارف الاماكن بس المره الجاية هروحها الاماكن دى
بس الاماكن دى الرجال بتدخلها؟

 

[Samsoma Semsem]

اول مره اروح الكنيسه المعلقة كنت انا و اصحابي و بكل تلقائيه وانا داخله رحت قايله سلامو عليكوو الكل ضحك و ردوا عليكم السلام

 

[Abdalrahman Harhash]

من الصور اللي بعتز بيها

 

[Hossam Hamzeh]

مخدتنيش ليه يا حاجة

 

[Mishmish Tony]

Asmaa Tony

 

[Hala Fakhry Saeed]

Samar Hussein

 

[Mohamed Yahia]

م

 

[Sameh Mohamed Mohamed]

عقبال ما الناس تدخل عندنا الجوامع ونشرحلهم تاريخ مصر الاسلامية برضو .. عندنا تراث اسلامى عظيم صدقونى

 

[MaHmoud Ahmed]

بقالى سنه عاوز اروح المكان ده ومكسل

 

[جنة الورود]

up

 

[Ahmed Haggag]

سؤال بما ان حضرتك روحتي المعبد اليهودي عشان نفسي اروحو ف ايه من جوا