M
Mahmoud Daif
:: مسافر ::
مطارات السعودية واتكلم بالاخص عن مطار الملك فهد بالدمام ، احنا بندخل مع المسافرين لبوابة الجوازات عااادي جداً ، ومن غير تفتيش ولا بوابات ولا غيره ، وبنوصل معاهم لكاونتر الوزن عادي جداً ، ولو رايح اجيب حد بدخل اقعد ف الصالة جوة في اي مطعم او كافيه ، الاسلوب الغبي ده انا ماشفتوش غير في مصر بس
D
Dalia Hafez
:: مسافر ::
انا عندي اقتراح بعمله انا شخصيا لو انا جايه من السفر او حاستقبل حد بروح استقبل الي جاي من السفر من صاله السفر وليس الوصول اولا بتبقي افضي وبعدين بتركن امام الباب وتسقبل القادم من السفر منغير اي عناء وبالنسبه للقادم في اسانسير شمال وانت خارج من الجمرك داخل الصاله شمال ممكن تاخده دور واحد لصاله السفر ...كده اريح للطرفين
M
Mostafa El Faham
:: مسافر ::
أنا مش شايف اي داعي للشكوى دي او البوست من اساسه ........المطار مش مكان تقعد فيه بالساعات و لا بوابة الوصول مكان نقف و نشتري فيه كروت شحن و مشاريب ....... الطيران مواعيده معروفة و مفيش داعي للوقفة دي اصلا ........... اولا مكان الانتظار بعيد عن الوصول و حضرتك بتقعد فيه طالما الطيارة معملتش وصول و بتقوم تقف قدام بوابة الخروج بعد وصول الطيارة بحوالي ساعة عقبال ما يخلصوا الجوازات و يجيبوا الشنط و كلها عشر دقايق و تلاقيهم خرجوا بالسلامة ....... لو حضرتك وصلت بدري ساعة فيه كافيتيريات في منطقة بارك العربيات ........ المطار و لا انتظار المسافرين طابونة عيش عشان اللي طيارته وصلت و اللي طيارته لسة موصلتش يقف يتنح قدام بوابة الخروج ......... انما اللي يعرف النظام هايريح نفسه و يريح غيره
N
Nayera Essam
:: مسافر ::
عندك حق والله انا و الدي ووالدتي ناس كبيرة و بيصعبوا عليا جدا جدا لما بييجوا ياخدوني من المطار.... فيها ايه لو يدخلوا كبار السن لا وايه عربيات و عربيات بس اللي تعدي عند صالة وصول 3 و المسافة بعيدة عن الباركينج و الواحد بيتبهدل بشنطة لحد مايروح الباركينج اللي اصلا مش مترقم كمان و نقعد ندور على العربية بتاعتنا ده باركينج كارفور مرتب و مترقم و المطار لأ! عيب عليهم والله
M
Muhammad Sawy
:: مسافر ::
الحقيقة ان برده بتخيل لو اي حد دخل هيبقى المنظر ازاي؟
برة الناس عادي في السفر مش زي هنا يبقوا عاوزين يعملوا حفلة للي جاي.
ايوة الصح الدخول عادي بس لو فتحوها للجميع اعتقد سلبيان السلوك هتبان للاسف.
الواحد بين نارين. شكلهم كانوا فاكرين المطار كدة كبير!
بس الحقيقة ان الصالة جوة صغيرة. الموضوع محتاج حل توسعة. وموضوع الكافتريات ده عاوز يتقيم بشكل ما تجنبا برده لسوء التعامل من الناس
برة الناس عادي في السفر مش زي هنا يبقوا عاوزين يعملوا حفلة للي جاي.
ايوة الصح الدخول عادي بس لو فتحوها للجميع اعتقد سلبيان السلوك هتبان للاسف.
الواحد بين نارين. شكلهم كانوا فاكرين المطار كدة كبير!
بس الحقيقة ان الصالة جوة صغيرة. الموضوع محتاج حل توسعة. وموضوع الكافتريات ده عاوز يتقيم بشكل ما تجنبا برده لسوء التعامل من الناس
M
Mohamed Yahia
:: مسافر ::
طب روحوا شوفوا مطار برج العرب (الاسكندرية)، اللي المفروض مطار سياحي و واجهة للسياحة، ممنوع تدخل المطار حتى لو انت المسافر لحد ما ياخد تعليمات، رحت يوم العودة كان في تراب في الجو منعني الامين ادخل انا وعيالي المطار لحد ما يجيلهم تأكيد ان الطيارة حتقلع وفي ميعادها، وانا واصل المطار قبل ساعتين ونص من موعد الاقلاع حسب المفروض، قلت اروح الكافتريا والله الكرسي اللي قعدت عليه مكسور ولحقت نفسي في اخر لحظة اني اقع و مفيش تكييف و ترابيزات قذرة و مليان دبان بشكل مقرف، قلت لا الواحد يقعد بره بدل الدبان ما يأذي الاطفال، و أخدنا تراب الجو كله لحد ما تكرموا علينا ودخلونا الصالة، ومفيش شيالين بره تدخل بيك لازم تدخل بشنطك لوحدك، يا فرحتي باتنين شيالين جوة الصالة مكتوب على ظهرهم خدمة مجانية، وطبعا مفيش منه الكلام ده وكل سنة وانت طيب يا باشا، و لو واصل المطار قدوم من بره يطلعك لحد الياب و يقولك معاك ربنا ولازم تمشي لحد الحاجز حوالي ٢٠٠ متر و بعد ما تعديه تلاقي شيالين بره يقولك عنك يا باشا على بعد ١٠ متر من الباركنج.
قمة في قلة الادب والامتهان والله.
قمة في قلة الادب والامتهان والله.