قصتي انا النهاردة الصبح في رحلتي من اثينا الى...

[Mohamed Helal]

قصتي انا النهاردة الصبح
في رحلتي من اثينا الى زيوريخ ركبت طيران سويسري اسمه ( SWISSAIRLINES ) المهم ان دي كانت اول مرة اركب طيران أوروبي ، و للأسف يا ليتني ما ركبته ... طول الرحلة و المضيفات مبتسمات بشكل غريب و نشاط فوق الفظيع و طبعا لغات و قدرات و حلاوت و جمالات ... و قعدت أقارن بينهم ( في تعاملهم مع الركاب حتى الغير سويسريين ) و بين اعمال مضيفات شركتنا الموقرة ( مصر للطيران ) فرق كبير طبعا ،،، انا اخر مرة ركبت مصر للطيران كنت مسافر من القاهرة لنيويورك رايح جاي ( رحلة طويلة و رخمة و بدون ترانزيت ) كانت الأخت المضيفة ماسكة ترمس الشاي و بتلف على الركاب و تقول : شاي شاي شاي .... زي بياعين الشاي في القطار بالضبط !!!!
دا طبعا غيرالتعالي الغير مبرر على الركاب و كمان قرننة من الركاب على المضيفين ..
بصوا هو من الاخر كدا احنا كوكب لوحدنا ملناش مثيل و غلبنا كوريا الشمالية ...
# مصر vs سويسرا .

 

[Àhməd ËmĪřå]

مش كان طيران مصر.. الخطوط التونسية من باريس لتونس... كلمتها اكثر من مرة على كأس ماء .. كنت مريضة برشة... ماجاوبتني وبعد ربع ساعة قتلي الماء خلص ... يعني بموت من العطش و أنا طايرة

 

[M AL Farouk]

كل شركات الطيران فيها ميزات وعيوب.

 

[Hmk Elsayed]

اخر تجربة لي بمصر للطيران انا كان الكرسي بتاعي ٣٢ نسيت الرقم وقعدت بكرسي ٢٣. جات المضيفه شوية وهتضربني وبرقتلي حتة تبريقه محصلتش .

 

[Yusuf A Mahmoud Fahmy]

حيطلع لك دلوقتي واحد يقول لك لو مش عاجباك سيبها!
ناس عايزانا في التخلف ومنتحركش

 

[Elham Kraman]

للأسف ركبنا مره مصر للطيران المضيفات فاضلهم شويه ويضربوا الركاب لدرجه ولد صغير عفوا رجع المضيفه جت تزعق لوالدته وتقولها تنضف مكان ابنها وغيره من مواقف بقيت طول الرحله بقارن بينهم وبين الطيران السعودي
مثلا حاجه تحزن والله

 

[Zohour Mansour]

مقارنه غير منصفة اش جاب لجاب يا أخي ونروح بعيد ليه ركبت طيران الاتحاد وهو طيران عربي مش أوروبي وكان طاقم الضيافة فوق الممتاز المشكلة عندنا أن الموروث الثقافي مفهم المضيفات انهم مهنة من الرتب العليا

 

[Hosam Elkhoderi]

انا جربت swiss air كتير و مش كويسة خالص علي فكرة ، هي رخيصة بس مش اكتر

 

[Hatem Fayed]

موقف حصلي علي مصر للطيران من بودابست للقاهره
كانت طبعا بتلف بترمس الشاي لحد ما وصلت عندي والترمس خلص فرجعت تاني علشان تجيب وانا ببص لقيتها بتحط مايه سخنه علي فتل الشاي الموجوده بالترمس من غير ما تحط فتل تانيه طبعا جت صبتلي شاي هو والمايه واحد وكانت اسوء كبايه شاي شربتها

 

[Mohammed Fahloan]

المضيفة زيها زي
القهوجية او الشغالة
بدون زعل


يعني على ايه التعالي

 

[Ehab Othman]

طيران ممتاز غير الشيكولاته اللي بيوزعها علي المسافرين

 

[Ahmed Shahhat]

هههه بس من الايجابيات انها ملمتش فلوس الشاي من الركاب

 

[Ahmed Sadek]

تشرب شاي يااخ

 

[Morgan Magdy Abdukader]

 

[Nair Shoaib]

وانتا كده حضرتك عملت ترنزيت في سويسرا كام ساعه

 

[Siham Lazaar]

هههههههههههه واخر اناقة وجمال

 

[حسن على على]

ما حصلناش حتى كوريا الشمالية

 

[Abdul Majid]

ولما بنقول الحقايق و السلبيات فى ناس بتزعل ويقولوا بتكرهوا البلد و..... لكن الحقيقة محدش بيكره بلده ونفسنا بلدنا تبقى اجمل بلد فى الدنيا لكن بيصعب علينا لما بنشوف الفروق بينا وبين العالم فى كل شئ . فعلا اصبحنا فى كوكب لوحدنا ولسان حالنا احنا ليه وصلنا لكده وليه بلدنا بقت متأخرة كده . انا لا هتكلم فى مين السبب ولا شئ لكن يارب بلدنا تتغير للأحسن

 

[Youseif Magdy]

هى مفروض كواحدة بتكلم عربى و حضرتك بتكلم عربى و هى بتقدم الشاى تقولك ايه !!؟

 

[Youseif Magdy]

للاسف ساعات بننسى ان دى وسيلة مواصلات مش كافيه