...كنت عاوزة اعرف اى معلومات عن كروز اوروبا...

  • بادئ الموضوع بادئ الموضوع Sara M. Muhamed
  • تاريخ البدء تاريخ البدء
عرض العطلة
S

Sara M. Muhamed

:: مسافر ::
#1
...كنت عاوزة اعرف اى معلومات عن كروز اوروبا اللى بيلف كذا بلد ...
هل هو اختيار كويس لينا انا وجوزى ...؟؟

وانا دورت على اى رحلات بتطلع من مصر مفيش ..

كلهم من لبنان او عمان او الامارات او ايطاليا ...
انا بصراحة عجبانى الفكرة اوى ...

كنت عاوزة اعرف منكم لو حد جرب وراح فعلا ب كروز ولف بلاد ايه ؟؟يقولى تجربته بليز وهل تستحق فعلا ؟؟

وينصحنى ب ايه ؟؟

...

وعندنا اقتراح تانى مخالف خالص للاول..

دورت فى رحلات جزر المالديف لقيت فى فنادق رخيصة اوى ب 800جنيه فى الليلة وفى ارخص ... بس التذكرة لينا احنا الاتنين 30 الف ...( اقل حاجة )
....
الاختيار التالت ...
اننا نروح فرنسا ونعمل ترانزيت فى اليونان ( عاوزين نروح سانتورينى او ميكونوس) ...

...
اكيد التكلفة هتحكمنا فى الاختيار
بس لو لقينا فرقها بسيط مقابل ان التجربة اجمل هنعلي الفلوس شوية ...

ياريت يا جماعة بليز تفيدونى انا محتارة اووووى
ومصدقت لقيت الجروب وعجبنى ان اللى بيكتب بيكتب عن تجربته
مش بيفتى زى باقي الجروبات ...

Thanks in advance ☺
lutFpBETJpbde43s2wjCNfrx6E9YrMNC.jpeg
 
#3
فى كرزو من انجلترا ..6 دول ..انجلترا , فرنسا , هولندا , المانيا , بلجيكا , الدنمارك , كل بلد يوم , بمركب جميلة جدا ..بس انا معنديش تفاصيل كتير عنه , كنت قريت الاعلان بس مش فاكر فين ..بس الفكرة روعة
 
عرض العطلة
#6
الكروز تجربة مختلفة وممتعة . فيها معظم ال Activities تقريبا ..وحفلات ليلية وحركات ...فى كروز بيروح البحر المتوسط، أوروبا الشمالية، جزر الأنتيل وجزر الكناري....بس اغلب الوقت بيطلبو Multiple Visa... وفى رسوم موانى بتدفع ..وبالمناسبة اسكندرية فيها شركات كتيرة بتنظم الموضوع دة
 
#8
اسم الكروز royal Caribbean فى شركة سياحة اسمها بلايا روزا بالاسكندرية نظمت رحلات عليها . اساليهم حيفيدوكى
 
#9
الفنادق اللي في المالديف الرخيصة دي هتبقى العاصمة او جزر الاهالي ، مش المنتجعات اللي بتشوفيها في الصور .
 
عرض العطلة
#12
المركب مش حتبسطي لان بيقاعد يوم واحد روحي اليونان بس احسن وقت شهر 9 لان الاسعار بتنزل بعد كدة !! سنت رويني جزيزة جميلة انا روحتة وكمان ماكنوس حلوة جدا في هناك غرف سكنية افضل من الفندق لان الفنادق هناك مبتقدمش وجبات
 
#15
رحلة كروز اوروبا و ممتازة جدا لو حابة انك تزوري اكتر من مدينة علي البحر المتوسط
انا جربتها في 2015 تبع MSC
ليهم موقع مخصوص للرحلات و في فرع الشركة في اسكندرية شارع السلطان حسين
اولا هيسهل ليكي جدا الحصول علي التاشيرة من سفارة ايطاليا
من وجهة نظري عشان تستفيدي بالتاشيرة ممكن تنزلي روما يومين و بعد كدة تروحي للميناء اللي هتبداي منها الرحلة لان روما مش هتعرفي تروحيها بالمركب و ممكن تظبطي رحلة تكون نهايتها برشلونة
انا كانت رحلتي تبدا من برشلونة و تنتهي في برشلونة رحنا جنوة و نابولي و صقلية و مارسيليا و مايوركا و في خطوط سير تانية كتير سواء البحر المتوسط او الكاريبي و من الموقع بتاعهم هتقدري تشوف السفن اللي هي عبارة عن فندق ضخم ولو بتحجزي لازم كابينة علي البحر
 
عرض العطلة
#16
لو عندك حتة الrisk روحى اثيوبيا فى جزيرة هناك حلوة جدا .. او لو عايزة تتفسحى وقت طويل وفى مكان نضيف روحى سهل حشيش او طابا او دهب بس روحى فنادق 5 نجوم واقعدى اسبوعين مثلا
 
#20
كان زمان قبل الثوره فيه مراكب سياحية بين مصر وقبرص بتطلع من بورسعيد وتاخد المسافة في حوالي 6 ساعات باسعار رائعه
 
عرض العطلة
عرض العطلة
عرض العطلة
أعلى أسفل
عودة
قائمة