M
Mohamed Sehaim
:: مسافر ::
عايز أحكيلكم عن موقف بجد عمري في حياتي ما هنساه:
أنا كنت في رحلة مع أصدقائي وزوجتي وبنتي طفلة (سنة ونصف) وكنا في باريس وكان مخطط إني أطلع من باريس على برشلونة ، المهم في آخر يوم في باريس إتسرقت مني محفظتي في المترو وكان فيها كل فلوسي وفيها الديبيت كارد والكريديت كارد والحمد لله ان الباسبورات كانت في الشنطة الكروس يعني بقيت عالحديدة.
المهم أصدقائي وأهمهم وأبرزهم Islam Hegazy لفوا معايا باريس كلها على المحفظة وحاولوا يدوني فلوس او كريديت كاردز وانا رفضت تماماً لأني كلمت أخويا Mohammad Salamh وحوللي فلوس ويسترن يونيون على برشلونة والمفروض اني كنت ببساطة هانزل استلمهم من برشلونة من مكتب قريب جداً من المطار ومافيش مشكلة لأن الطيران مدفوع والأوتيل في برشلونة مدفوع وطيران العودة للقاهرة كمان مدفوع.
وصلت برشلونة تقريباً الساعة ٩.٣٠ بالليل وفوجئت بأول مفاجأة صادمة ان مكتب ويسترن يونيون بيقفل ١١ والمسافة ما تتمشيش ولازم تاكسي - حاولت مع حوالي ٢٠ تاكسي اني اركب معاهم وادفعلهم لما اوصل لمكتب ويسترن من الفلوس اللي متحولالي رفضوا تمااااماً كلهم ولاقيت نفسي في مأزق رهييييب ومالوش أي حل ومعايا مراتي وبنتي لأن صحابي طلعوا على أمستردام وماجوش معايا برشلونة وصلوا بعدي بيومين ، الوقت بدأ يتأخر والساعة قربت على ١١ والموضوع إزداد تعقيداً لأن المكتب هايقفل وتقريباً هبات في الشارع قدام المطار وحتى لو هبات في الشارع الصبح هواجه نفس المشكلة لأن هي هي نفس التاكسيات لحد ما صابني اليأس ، وانا في عز يأسي فوجئت بشخص جاي عليا وبيكلمني بالعربي وبيقوللي انت عربي صح؟ قولتله أيوه انا مصري قاللي انا متابعك من نصف ساعة تقريباً ولما شوفت هيئتك وزوجتك محجبة اتأكدت انك عربي - وراح شايل شنطي كلها وعربية البيبي بنفسه وحاططهم في شنطة عربيته (تاكسي) وقاللي تعالى انا هاوصلك أنا أردني - قولتله نروح الويسترن يونيون عشان أحاسبه رفض وقاللي بكرة مش مشكله انا هاوصلك الفندق عشان ترتاح انت والأسرة وماتشيلش أي هم خالص ووقف التاكسي عند سوبر ماركت ونزل جابلي (على حسابه) عصاير وعيش وجبنة ولبن من السوبر ماركت وقاللي عشان الطفلة اللي معاك (كل ده وانا في ذهوووول من موقفه) ووصلني لحد باب الأوتيل وسألني حساب الفندق مدفوع ولا أدفعه؟ قلتله لأ مدفوع وركن عربيته ونزل طلع معايا الشنط ووقف لحد ما عملت ال Check in وبعدين مشي وقاللي هاجيلك بكره الساعة ١٢ الظهر (كل ده وانا لسه في نفس الذهول) وجالي تاني يوم فعلاً ووصلني لمكتب ويسترن و أَخد فلوسه ووداني لحد شارع Rambla وشرحلي اتفسح ازاي وأركب أيه عشان أرجع.
أنا لو فضلت أشكر هذا الرجل طووووول عمري مستحيل هاوفيه حقه بس أنا أضفته هنا عالجروب المحترم ده مخصوص عشان أشكره وأعلن رجولته وشهامته على الملأ أمام جميع الأعضاء.
شكراً أخي في العروبة وحبيبي المحترم الشهم اللي مش هانسى فضله ووقفته معايا أبداً Kamal Abo Loran
أنا كنت في رحلة مع أصدقائي وزوجتي وبنتي طفلة (سنة ونصف) وكنا في باريس وكان مخطط إني أطلع من باريس على برشلونة ، المهم في آخر يوم في باريس إتسرقت مني محفظتي في المترو وكان فيها كل فلوسي وفيها الديبيت كارد والكريديت كارد والحمد لله ان الباسبورات كانت في الشنطة الكروس يعني بقيت عالحديدة.
المهم أصدقائي وأهمهم وأبرزهم Islam Hegazy لفوا معايا باريس كلها على المحفظة وحاولوا يدوني فلوس او كريديت كاردز وانا رفضت تماماً لأني كلمت أخويا Mohammad Salamh وحوللي فلوس ويسترن يونيون على برشلونة والمفروض اني كنت ببساطة هانزل استلمهم من برشلونة من مكتب قريب جداً من المطار ومافيش مشكلة لأن الطيران مدفوع والأوتيل في برشلونة مدفوع وطيران العودة للقاهرة كمان مدفوع.
وصلت برشلونة تقريباً الساعة ٩.٣٠ بالليل وفوجئت بأول مفاجأة صادمة ان مكتب ويسترن يونيون بيقفل ١١ والمسافة ما تتمشيش ولازم تاكسي - حاولت مع حوالي ٢٠ تاكسي اني اركب معاهم وادفعلهم لما اوصل لمكتب ويسترن من الفلوس اللي متحولالي رفضوا تمااااماً كلهم ولاقيت نفسي في مأزق رهييييب ومالوش أي حل ومعايا مراتي وبنتي لأن صحابي طلعوا على أمستردام وماجوش معايا برشلونة وصلوا بعدي بيومين ، الوقت بدأ يتأخر والساعة قربت على ١١ والموضوع إزداد تعقيداً لأن المكتب هايقفل وتقريباً هبات في الشارع قدام المطار وحتى لو هبات في الشارع الصبح هواجه نفس المشكلة لأن هي هي نفس التاكسيات لحد ما صابني اليأس ، وانا في عز يأسي فوجئت بشخص جاي عليا وبيكلمني بالعربي وبيقوللي انت عربي صح؟ قولتله أيوه انا مصري قاللي انا متابعك من نصف ساعة تقريباً ولما شوفت هيئتك وزوجتك محجبة اتأكدت انك عربي - وراح شايل شنطي كلها وعربية البيبي بنفسه وحاططهم في شنطة عربيته (تاكسي) وقاللي تعالى انا هاوصلك أنا أردني - قولتله نروح الويسترن يونيون عشان أحاسبه رفض وقاللي بكرة مش مشكله انا هاوصلك الفندق عشان ترتاح انت والأسرة وماتشيلش أي هم خالص ووقف التاكسي عند سوبر ماركت ونزل جابلي (على حسابه) عصاير وعيش وجبنة ولبن من السوبر ماركت وقاللي عشان الطفلة اللي معاك (كل ده وانا في ذهوووول من موقفه) ووصلني لحد باب الأوتيل وسألني حساب الفندق مدفوع ولا أدفعه؟ قلتله لأ مدفوع وركن عربيته ونزل طلع معايا الشنط ووقف لحد ما عملت ال Check in وبعدين مشي وقاللي هاجيلك بكره الساعة ١٢ الظهر (كل ده وانا لسه في نفس الذهول) وجالي تاني يوم فعلاً ووصلني لمكتب ويسترن و أَخد فلوسه ووداني لحد شارع Rambla وشرحلي اتفسح ازاي وأركب أيه عشان أرجع.
أنا لو فضلت أشكر هذا الرجل طووووول عمري مستحيل هاوفيه حقه بس أنا أضفته هنا عالجروب المحترم ده مخصوص عشان أشكره وأعلن رجولته وشهامته على الملأ أمام جميع الأعضاء.
شكراً أخي في العروبة وحبيبي المحترم الشهم اللي مش هانسى فضله ووقفته معايا أبداً Kamal Abo Loran