A
Ahmed Adel El Mahdy
:: مسافر ::
كنت اتكلمت من كام يوم على بعض النصايح لو انت ناوى تسافر ..
وبعد قراية كل الكومنتس بتاعت الناس ليا هاقول بس شوية تعليقات على الحاجات اللى اتذكرت كتير اعذرونى لو هاطول شوية :
١- البوست اللى انا كتبته ياجماعة دا عبارة عن رأيى الشخصى مش قرآن مُنزل ، عادى يعنى انا حبيت حاجة وانت محبتهاش أو العكس مفيش مشكلة يعنى ف اختلاف وجهات النظر ..
٢- ناس كتير أوى مستغربة ازاى تقول على أثينا الكلام دا انت اتجننت ، كان ناقص يتقالى بلاش تخوض ف أعراض اليونان .. عادى ياجماعة انا محبتهاش وقلت رأيى فيها ، يعنى أنا لو قلت مبحبش القلقاس مش لازم تخش تحكيلى عن فوايدها الطبية للجسم ، انا مبحبهاش ياجدع
٣- فى ناس داخلة تقول انت بتحب امستردام ليه كدا ااااااه عشان ديه بلد البوظان والفسق والمجون يافاسد ، على فكرة ياجماعة عادى البلد نفسها تحفة وانا ماعملتش حاجة غلط والله ( انا مبشربش شيشة وسجاير حتى ) انا سافرت اتفسحت ف البلد واتبسطت ومنبهر بيها بس مش اكتر ..
٤- ناس تانية داخلة تقولى كلامك غلط دا احسن وقت لسفر اوروبا هو الصيف ف ٧ و ٨ ياسيدى انت حر ولا انت غلط ولا انا غلط طالما مبسوط ربنا يوفقك ، انا بقول رأيى اللى ارتحت فيه انا راجل مبحبش اللف ف الحر ، مبحبش الاقى كل حاجة محجوزة وكومبليت بالايام ، مبحبش كل حاجة اقف عليها طابور بالساعة ، انا بحب اتفسح على رواقة ، انت الأجواء ديه بتبسطك والله قشطة اهم حاجة حققت التارجت من السفرية واتبسطت ..
٥- ناس تانية داخلة تقولى امريكا ديه مش غالية خالص زى مانت قولت دى ارخص بكتير ف الاكل والسكن ، طيب حضرتك انا مجبتش سيرة الاكل والسكن انا قلت عايزة فلوس كتير بس هو دا اللى انا قلته ، للتوضيح : انا سافرت اورلاندو وميامى ٨ ايام المصاريف الجاية ديه بالدولار ( طيران ٨٠٠ اقامة ٤٠٠ ديزنى ١٧٠ يونيڤرسال ستوديوز ٢٠٠ ناسا ١٠٠ سى وورلد ١٢٠ ) يعنى حضرتك محتاج ١٨٠٠ دولار تيكتس بس غير اكل وتنقلات وباقى مصاريفك ازاى مش غالية بقا !!؟؟؟؟؟!! انا سافرت والدولار كان ب ٦ جنيه بس دلوقتى مينفعش تقولى مش غالية والدولار ب ١٨ ..
٦- ناس كتير معترضة انى قلت ڤيينا متتراحش لوحدها ، زى ماقولت فوق دا رأيى الشخصى ياجماعة انا مش مقتنع انى اتعب ف فيزا وحجوزات وسفر عشان اروح بلد كلها على بعض اصغر من مدينة نصر ومفيهاش الا مزارات تتعد عالصوابع وبلد بتنام ٨ بليل مع العلم ان البلد ديه تحفة وف منتهى الرقى والنضافة بس مينفعش لوحدها واخترت معاها براغ وبودابست عشان التحرك منهم بالاتوبيس وسهل وبلاد رخيصة وحلوة جدا "هاقول تانى دا رأيى الشخصى"
٧- الناس اللى داخلة تقولى ديزنى مش اوى او ديزنى مقرفة !!!! فعلاً بجد والله الكلام دا ؟؟؟ ماشى دا رأيكوا واحنا متفقين على اختلاف الأراء بس ياجماعة انا دخلت ديزنى ف امريكا وباريس وف المرتان انا مجرد مابخش المكان دا ال settings بتاعت وشى بتتظبط على auto smile on ..
٨- الناس اللى قالتلى متكلمتش على برشلونة ياجماعة برشلونة ديه بلد رااااااائعة فعلا بلد مُبهجة جداً ..
٩- انا عندى ٣٠ سنة مينفعش الاقى ناس أكبر منى على الأقل ب ٢٠ سنة داخلة تقولى انت مبتفهمش حاجة وكلام من دا ، ياجماعة والله كل واحد وليه اهتماماته ف السفر وطبيعى حضرتك وانت عندك ٥٠ سنة دماغك غير دماغى فأرجوا من سعادتكوا متحجروش على رأيى وتسيبونى اتبسط فى سلام
١٠- للناس اللى سألت ان شاء الله هنزل بوست عن البلاد اللى روحتها ايه هى الحاجات الحلوة اللى تتعمل فيها والحاجات اللى تخلى بالك منها ..
واللى عنده باسبور يربطه ، والسلام عليكم ورحمة الله وبركاته
وبعد قراية كل الكومنتس بتاعت الناس ليا هاقول بس شوية تعليقات على الحاجات اللى اتذكرت كتير اعذرونى لو هاطول شوية :
١- البوست اللى انا كتبته ياجماعة دا عبارة عن رأيى الشخصى مش قرآن مُنزل ، عادى يعنى انا حبيت حاجة وانت محبتهاش أو العكس مفيش مشكلة يعنى ف اختلاف وجهات النظر ..
٢- ناس كتير أوى مستغربة ازاى تقول على أثينا الكلام دا انت اتجننت ، كان ناقص يتقالى بلاش تخوض ف أعراض اليونان .. عادى ياجماعة انا محبتهاش وقلت رأيى فيها ، يعنى أنا لو قلت مبحبش القلقاس مش لازم تخش تحكيلى عن فوايدها الطبية للجسم ، انا مبحبهاش ياجدع
٣- فى ناس داخلة تقول انت بتحب امستردام ليه كدا ااااااه عشان ديه بلد البوظان والفسق والمجون يافاسد ، على فكرة ياجماعة عادى البلد نفسها تحفة وانا ماعملتش حاجة غلط والله ( انا مبشربش شيشة وسجاير حتى ) انا سافرت اتفسحت ف البلد واتبسطت ومنبهر بيها بس مش اكتر ..
٤- ناس تانية داخلة تقولى كلامك غلط دا احسن وقت لسفر اوروبا هو الصيف ف ٧ و ٨ ياسيدى انت حر ولا انت غلط ولا انا غلط طالما مبسوط ربنا يوفقك ، انا بقول رأيى اللى ارتحت فيه انا راجل مبحبش اللف ف الحر ، مبحبش الاقى كل حاجة محجوزة وكومبليت بالايام ، مبحبش كل حاجة اقف عليها طابور بالساعة ، انا بحب اتفسح على رواقة ، انت الأجواء ديه بتبسطك والله قشطة اهم حاجة حققت التارجت من السفرية واتبسطت ..
٥- ناس تانية داخلة تقولى امريكا ديه مش غالية خالص زى مانت قولت دى ارخص بكتير ف الاكل والسكن ، طيب حضرتك انا مجبتش سيرة الاكل والسكن انا قلت عايزة فلوس كتير بس هو دا اللى انا قلته ، للتوضيح : انا سافرت اورلاندو وميامى ٨ ايام المصاريف الجاية ديه بالدولار ( طيران ٨٠٠ اقامة ٤٠٠ ديزنى ١٧٠ يونيڤرسال ستوديوز ٢٠٠ ناسا ١٠٠ سى وورلد ١٢٠ ) يعنى حضرتك محتاج ١٨٠٠ دولار تيكتس بس غير اكل وتنقلات وباقى مصاريفك ازاى مش غالية بقا !!؟؟؟؟؟!! انا سافرت والدولار كان ب ٦ جنيه بس دلوقتى مينفعش تقولى مش غالية والدولار ب ١٨ ..
٦- ناس كتير معترضة انى قلت ڤيينا متتراحش لوحدها ، زى ماقولت فوق دا رأيى الشخصى ياجماعة انا مش مقتنع انى اتعب ف فيزا وحجوزات وسفر عشان اروح بلد كلها على بعض اصغر من مدينة نصر ومفيهاش الا مزارات تتعد عالصوابع وبلد بتنام ٨ بليل مع العلم ان البلد ديه تحفة وف منتهى الرقى والنضافة بس مينفعش لوحدها واخترت معاها براغ وبودابست عشان التحرك منهم بالاتوبيس وسهل وبلاد رخيصة وحلوة جدا "هاقول تانى دا رأيى الشخصى"
٧- الناس اللى داخلة تقولى ديزنى مش اوى او ديزنى مقرفة !!!! فعلاً بجد والله الكلام دا ؟؟؟ ماشى دا رأيكوا واحنا متفقين على اختلاف الأراء بس ياجماعة انا دخلت ديزنى ف امريكا وباريس وف المرتان انا مجرد مابخش المكان دا ال settings بتاعت وشى بتتظبط على auto smile on ..
٨- الناس اللى قالتلى متكلمتش على برشلونة ياجماعة برشلونة ديه بلد رااااااائعة فعلا بلد مُبهجة جداً ..
٩- انا عندى ٣٠ سنة مينفعش الاقى ناس أكبر منى على الأقل ب ٢٠ سنة داخلة تقولى انت مبتفهمش حاجة وكلام من دا ، ياجماعة والله كل واحد وليه اهتماماته ف السفر وطبيعى حضرتك وانت عندك ٥٠ سنة دماغك غير دماغى فأرجوا من سعادتكوا متحجروش على رأيى وتسيبونى اتبسط فى سلام
١٠- للناس اللى سألت ان شاء الله هنزل بوست عن البلاد اللى روحتها ايه هى الحاجات الحلوة اللى تتعمل فيها والحاجات اللى تخلى بالك منها ..
واللى عنده باسبور يربطه ، والسلام عليكم ورحمة الله وبركاته
