اللحظات اللى فاتت دي من أكتر اللحظات التعيسة...

  • بادئ الموضوع بادئ الموضوع Maged Eladawy
  • تاريخ البدء تاريخ البدء
عرض العطلة
M

Maged Eladawy

:: مسافر ::
#1
اللحظات اللى فاتت دي من أكتر اللحظات التعيسة فى حياتي...
.
عملت Skype Interview مع شركة فى UK..ووصلت لمرحلة الوحش...اللى فيها بروحلهم هناك فى الأوفيس علشان يتفرجوا عليا و يشوفوا ملمس بشرتي و ريحة بقى تناسب اني ابقي جزء منهم ولا لأ...و أعيش الحياة الحلوة اللى عايشينها ولا لأ..و قالولي كمان عايزين نفرجك على الأوفيس و نعرفك على الناس..عندنا جنينة كبيرة مليانه ورد عايزينك تتفرج عليه و نجري و نلعب و نرقص على أنغام تسلم الايادي...
.
بس النهاردة تاني مرة أقدم على الفيزا علشان أروح الأنترفيو و الفيزا تترفض...ملخص سبب الرفض هوا إني مصري و إن هم مش حاسين إني هرجع بلدي تاني..
.
قد يكون الموضوع بالنسبالك تافه بس لو مكاني هتحس قد ايه الموضوع يضايق...إحساس وسخ قوي إنك تحس إن فيه مكان تاني فى العالم الناس فيه عايشه فى سلام و أمان و أطمئنان داخلي...و لما تحب تبقي جزء من العالم ده يرفضوك علشان انت مش منهم...
.
معتقدش إن انا لو كنت قدمت من الامارات و أسمي
"عبد الله بن حمد بن خليفة بن زايد آل نهيا"
كانوا هيقولولي
"We believe you don't have sufficiently strong ties to Egypt to credibly demonstrate that you would leave the UK at the end of your visit"
للحظة حسيت إني بتحايل عليهم علشان يوافقوا إني أدخل أرضهم الطاهرة علشان أحضر انترفيو!!
.
.
خره على الشخص العنصري اللى قرر يرفض الابليكيشن بتاعي علشان جنسيتي أو بلدي أو المكان اللى انا جاي منه...

خره على كل شخص مصري أو مش مصري و كان السبب فى إننا نتحايل علي حد علشان نروح بلدة...

خره على العنصرية بكل أنواعها!
1l4bODe9InlMeQagHjHKXZn-IclrCkC7.jpeg
 
#4
طب بم انك هندسة كمبيوتر زي حالاتي .. اطلب من الشركه دعوة زيارة بيزنس مش حايرفضوها .. ال uk تاشبرتها سهل الحصول عليها مش معقدة ..
 
عرض العطلة
#6
حاول تانى وتالت ! ماتيأسش انا اهو عايزه اهج منها واهلى مش مدينى الفرصه عشان اهج بس مش يأسها وبررده بعمل اللى عليا لغايه ماتجيلى الفرصه ف وهب هاستغلها
فااايتنج
 
#9
بص يا معلم بدل انت جامد و امكانياتك جامدة جدا فا هناك اكتر من دولة مستواها احسن بكتير من انجلترا و تقدر تخشها من غير فيزا و مدام انت اتقبلت فى اول مرحلة من الانترفيو فا اكيد هتتقبل فى الدول دى و بقرر تانى ان الدول دى مستواها احسن بكتير من انجلترا و هتجنسك كمان و على راسهم سنغفورا وهونك كونج و شينجهاى و كوريا الجنوبية الدول دى فيها الامريكان و الانجليزى اعدين فى الشوارع بيتمنه اى شركة تقبلهم. فا روح قدم عليهم و خش على موقع اسمه jobstreet.com دة اكبر موقع توظيف لدول شرق اسيا كلها. بالتوفيق
 
عرض العطلة
#11
فعلا حطيت الـ Invitation letter اللى جاتلي من الشركة و لو حد بيسأل على الورق اللى انا حطيته و شاكك أن ورقي ممكن يكون ناقص فأنا حطيت الورق ده :-

١- حجز طيران مؤكد
٢- حجز فندق
٣- دعوة مقابلة من الشركة اللى رايح أقابلها و كاتبين فيها معاد السفر و انهم هيتكفلوا بكل المصاريف
٤- اثبات مرتب من الشركة اللى بشتغل فيها دلوقتي
٥- بانك استيتمنت ممضي و مختوم و فيه مبلغ مناسب
٦- ٣ عقود لمشاريع نفذتها علشان اثبت اني بشتغل بردو كا Freelancer و ليا دخل تاني
٧- ورق من محاسب قانوني يثبت دخلي الشهري
٨- رخصة عربيتي علشان مش معايا اي مدخرات تانيه غير عربيتي
٩- عقد ملكية الشقة اللى قاعد فيها بأسم والدي
١٠- قيد عائلي و صورة بطاقتي و الكريديت كارد
١١- ترجمة مختومة لكل حاجة محتاجة ترجمة

سبب الرفض :-
انهم شايفين ان ليا دخل مستقل و ثابت و في حالة أن تم رفضي فى الأنترفيو ممكن أكمل فى البلد...دخلو جوايا هم!!

Maged Mohamed
 
#12
اولا متزعلشي لانك متعرفشي الخير فين ويمكن اللي انت شايفه فشل ده يكون نقطه تحول لخير كبير في حياتك
ثانيا الشركه غلطانه لان طالما بعتتلك انترفيو عندهم يبقي لازم معاه دعوه وتذاكر سفر واقامه وطالما مبعتوش يبقي الكلام كله مش تماما من ناحيتهم
متخليش غضبك يعميك وصمم علي تحقيق احلامك واصلا انجلترا بلد في منتهي الكأبه وسخيفه جدا وده رأي الشخصي
 
#14
انا قدمت على فيزة سياحة لإنجلترا وأمريكا و واترفضت من الإتنين والسبب انهم مش متأكدين اذا كنت هرجع تاني أو لا مع العلم اني قدمت وانا عندي Traveling History + Valid Schengen Visa واول مره سافرت اتحجزت في هولندا انا وبنت مصرية لكوننا مصريين برضو....

العيب مش عليهم العيب على الباسبور المصري الجاااااااامد بتاعتناـ المواقف كتيرة وتدل على قد ايه البتاع الأخضر اللي ملوش اي تلاتين لازمة ده سبب في تعاسة ناس كتيرة.

بس لا تفقد الأمل......!
 
#15
طب مهو اكيد مش هترجع تانى لانك رايح تشتغل مش سياحه..ومعتقدش انهن رفضوك لانك مصرى..ما انا مصريه واخدت الفيزا 4 مرات ..الفيزا لاى بلد ف الدنيا مجرد ابليكيشن..يتكتب كويس وبعنايه وكل الورق موجود ومترتب..ميه ف الميه هتاخد الفيزا..غير كدة هتترفض..وعلى فكرة الامراتيين مش محتاجين فيزا ل انجلترا....
 
عرض العطلة
#16
زمان لما كان المصري منتج ومحتفظ بأصالته كان طلبة الجامعة بيسافروا أوروبا في الصيف علشان يجيبوا مصاريفهم وكانت كل السفارات مفتوحة ليهم. لما طلعت اجيال عواله كل همهم يشتموا وينتقصوا وعاوزين يبدأوا من القمة من غير ما يبذلوا مجهود يناسب طموحاتهم، أصبحوا عوالة ومافيش دولة عوزه تدخلهم مع ان دول أوروبا بتشيخ ومحتاجة عمالة شابه. لكن للأسف عارفين ان الشاب من دول هيسافر وهيخالف وهيقضيها فهلوة كالعادة.
"عويل بلاده عويل بلاد الناس"
 
#17
على فكرة انا نسيت اقولك انت لو خت الفيزا و سافرت علشان تعمل انترفيو و اتقبلت فى الشركة الحكومة الانجليزية مش هتقبل تديك فيزا عامل علشان همه عندهم بطاله هناك و فى الدول المحترمة الى زى دى مش بيقبلة اى حد يجي من برة فحين ان ولاد البلد اعدين فى بيوتهم. و دة حفظا على مواردهم البشرية. صدقنى اختيارك لانجلترا خطا تماما.
 
#20
بص القرار ده مش سببه انك مصرى بس السبب الرئيسي أن منطقة الشرق الأوسط منطقة كلها قلق زود كمان أن السيسى عمل ايه فى البلد
ربنا يسهلك الحال واتمنالك كل خير وحقيقى انا زعلان من ال احنا وصلنالة
والموقف بتاعك اعرف واحد صحبى اترفض علشان أنه مصرى بس سبب الرفض مش عنصرى علشان المنصب ال كان هيمسكه محتاج باسبور قوى يأهله يدخل اى بلد
 
عرض العطلة
عرض العطلة
عرض العطلة
أعلى أسفل
عودة
قائمة