بوسط غريب وممكن يكون جديد بس محتاج الرد ضروري...

[Bob Amin]

بوسط غريب وممكن يكون جديد بس محتاج الرد ضروري
دلوقتي انا في حد في أمريكا عاوز يبعتلي طرد وهديه من أمريكا
فاهو بيسأل ع عنوان البريد بتاعي
فا هل البريد المصري ده ينفع استقبل عليه الطرد والهديه او الصندوق اللي هيبعتهم ولا لا ؟ ولو اه ازاي اكتبله العنوان صح بالإنجليزي والكود عشان يوصل و اروح استلمه ؟ ياريت لو ينفع حد يقولي العنوان بالظبط لاي فرع قرب وسط البلد او التحرير ؟ وهل هيبقي كويس وسريع ومش هيبقي في مشاكل ولا افضل دي اتش ال ؟
وإزاي برضه انا أبعت هديه وطرد من هنا لعنوانه في أمريكا ؟؟؟
بالبريد المصري او دي اتش ال ؟

 

[Ahmed Hesham]

الدي اتش ال اسهل كتير اوي واءمن وهيجي لغاية بيتك بالذات لو حاجه تخاف عليها

 

[Mohamed Kamal]

اكتب العنوان زى ماهو فى البطاقه بس بالانجليزى ، خليه يبعتهالك على DHL وهيا هتجيلك لحد البيت ، ويكتب رقم تليفونك بس اتاكد ان مفهاش حاجات محتاجه عروض على جهات حكوميه زى الموبايل مثلا بيتعرض اتصالات،

 

[Marwa Seif]

بلاش البريد المصري

 

[Mido Razaz]

انت عارف طيب ان انت هتدفع فلوس جمارك هنا عشان تستلم الطرد سواء كان هدية او لا ؟

 

[Mohamed Ibrahim]

البريد المصري عادي يستقبل انا مجرب كتير بس خلي بالي من الجمارك يا صديقي شبح

 

[Rasha Elkheshin]

بلاش البريد المصري .. للاسف الحاجه بتتسرق و مهما تبعت في شكاوي و تتصل بيهم و لا حايعبروك و تستعوض ربنا في الحاجه

 

[Mohammed Khattab]

فى برنامج اسمه هيتش هيكر نزله وادعيلى

 

[Seba Mahmoud Nagy]

و الله أنا كان بيتبعثلى هدايا على البريد المصرى بس من دول عربية مش أجنبية و بأدفع رسوم إستلام دائما لكن عمرى ما أتسرقت أو حاجة الحمد لله رب العالمين بس الكلام ده فى 2009 و 2008

 

[Mohammed El Sayed]

1- لازم تقولنا طبيعة الحاجه اللى هتتبعت ايه وياريت لو فيه معلومات عن كميتها او حجمها لأن لو هيتبعتلك كتب مثلاً غير خالص ما يتبعتلك برفانات أو أدويه وهكذا (فى حوالي 2013 رحت استلم 10 كتب كانوا مبعوتين ليا من امريكا, وبتاع البريد حطلي الكتب فى شوال بلاستيك من بتوع الدقيق وخرجت والله العظيم شايلهم على كتفي زي اللى مهاجرين بهدومهم)
2- حاجه هتساعد كتير ان اللى بيبعتلك يكتب على الظرف الرقم البريدي بتاع اقرب مكتب بريد ليك, ودا ممكن بسهوله تعرفه لو عملت بحث على الإنترنت, أو لو سألت مباشرةً فى أقرب مكتب بريد ليك
3- 90% لو مبعوتلك حاجات كبيره شويه, الحاجات مش هتتبعتلك على البيت, وهيجيلك زي إخطار كدا على البيت مذكور فيه رقم الطرد واسم مكتب البريد اللى تروح تستلم منه الطرد
4- هيدفعوك حاجه اسمها "رسوم أرضيه" عن كل يوم الطرد فيه وصل مكتب البريد وانت مستلمتوش, وغالباً الإخطار اللى هيجيلك على البيت هيبقي بعد ما يستلموه ب كام يوم, ف هتدفع يعني هتدفع (بس متقلقش مش مبلغ كبير, بس حبيت برضه اعرفك)
حاول تقولنا اكتر عن طبيعة الحاجه وبإذن الله هنقدر نساعدك, بالتوفيق

 

[Ballo Mo Balo]

بلاش حد يبعتلك حاجة قبل ماتعرف جمركها و ضريبها قد ايه حتي لو هديه عشان متدفعش كتير اوي

 

[Nada Demasy]

بلاش بريد مصري خالص و لو حد نازل احسن ليك بكتير لان هنا هيدفعوك جمارك و رسوم استلام و هبل كتير جداً كده

Check hitchHiker

 

[Dalia Talaat Ali Moustafa]

واحده صاحبتي في امريكا كانت بعتالي طرد فيه حاجات فنيه وورق وكلها اشغال فنيه وكاتبه في توصيف الطرد انه هديه ، اولا جالي بعد شهر واسبوع على البيت وثانيا طلبوا جمرك ١٥٠ جنيه !!!!!
جمرك ازاي وهوا هديه ؟؟؟ الراجل قالنا هيا دي بلدنا يا بيه ، هانعمل ايه ؟؟؟
كان على البريد المصري
قلتلها ماعلش ، بعد كده لو سمحتي ما تبعتليش حاجه !!!

 

[Yasmine Aldeeb]

البريد المصري عادي بتستقبل شوف أقرب مكتب بريد ليك و خد رقمه و اديله العنوان بتاعك ملحق بيه الرقم البريدي ّهيتبعت بعدها بشهر و لكن هتدفع مصاريف جمركية و تقديرية سعات بتكون كتيرة جدا

 

[Amr Fahmy]

أنا استلمت جواب قبل كدا من ألمانيا على عنواني في مصر والبريد العادي كمان كل ايلي انت محتاج تعمله تكتب عنوانك بالانجليزي وتكتب رقم موبايلك

 

[السيد محمود صديق]

بلاش البريد المصري خليك في ال DHL

 

[Amany Salem]

انا اتبعتلي من ألمانيا على البوسطه عادي واستلمتها ومفهاش اي مشكله

 

[Mahmod Rafat]

بلاش البريد المصري 100 مره عالم مهمله

 

[Mahmoud Rabie]

نصيحه لوجه الله ،، إبعدوا عن الدي إتش إل ياجماعه ،،، بيبالغوا جدا في أسعارهم وبيسرقوا ،، وعندي الدليل .

 

[Mahmoud Rabie]

دي إتش إل شركه مفيويه بتاخد من الناس رسوم أحيانا تصل إلي عشر أضعاف الرسوم اللي بتاخدها شركات تانيه بتؤدي نفس الخدمه ،،،، صدقوني كلها دعايه وبروباجاندا كدابه ،،،