طيب يا جماعة ملحوظة كده لاحظتها من تعليقات...

[Mona Maher]

طيب يا جماعة
ملحوظة كده لاحظتها من تعليقات الناس اللي بتحجز الفنادق online

واضح ان ناس كتير لما بتحجز على booking أو أي موقع تاني لحجز الفنادق ما بتقرأش تفاصيل الحجز ولا تفاصيل الغرفة ولا تفاصيل الفندق رلا حتى تفاصيل ال cancellation policy
١- دايماً دايماً دايماً
بيكون مكتوب لو السعر داخل فيه أي ضرائب ولا لأ
ولو فيه ضرائب بيقولك كام بالضبط

٢- لما يعجبكم فندق لازم تعرفوا تفاصيل الخدمات والتسهيلات اللي فيه
انا زمان ما كنتش بأعمل كده لحد مرة حجزت فندق في تركيا واكتشفنا لما وصلنا ان الفندق مافيهوش أسانسير
ومن ساعتها وانا لازم أعرف التفاصيل دي

٣- نفس الشئ بالنسبة لتفاصيل الغرفة
أوقات كتير حتى بيكون كاتبلك مساحة الغرفة كام كمان ولو مكيفة لازم يكتب كده

٣- بالنسبة لل cancellation policy
ما تخلوش كلمة free cancellation تخدعكم لازم تعرفوا التفاصيل اللي بتختلف من فندق للتاني
ممكن يكون إلغاء الحجز مجانى لحد قبل موعد دخول الفندق بإسبوع وبعد كده ممكن يخصم منك ليلة أو يخصم المبلغ كله
وممكن يكون الإلغاء مجاني لحد ٢٤ ساعة قبل موعد دخول الفندق
وهي دي الغلطة اللي ناس كتير بتقع فيها
إنها ما بتقرأش شروط الإلغاء

 

[Sherif Hamza]

أنا الموضوع دة حصل معايا بس بشكل مختلف شوية ... حجزت فى اوتيل فى الغردقة والغردقة فيها أماكن بيكون فيها البيتش مياة ضحلة يعنى ممكن تدخل جوة فى المياة كيلو أو أكثر وأنت المياة موصلتش فيها لحد ركبتك وغصبن عنى كنت بروح بيتش بعيد عنى تقريبا ب 10 كيلو ومن وقتها بدأت اسأل عن البيتش وإذا كان البيتش فيها مرسى أو مرينا ولا لا .

 

[Eslam Elsayed Elmahdy]

Abdelrahman Farid Emanna Elmahdy

 

[Basma Fawzy]

Rania Abdin

 

[Reham Nasr]

Tamer Mahmoud Sami

 

[David Abd Elmalak]

Sherry Roushdy nrkz b2a

 

[Heba Yahia]

بخصوص الغاء الحجز انا عايزه افهم يعني انا حاجزه فندق في شرم من booking ومكتوب اني ممكن اكنسل فري قبل ٢٥/٨ يعني انا المفروض اعمل ايه اتصل أءكد الحجز قبل الميعاد ولا ايه العمل وكمان هما بياخد المبلغ لما اروح بس طبعا معاهم رقم الفيزا ممكن الرد