عندي كام سؤال مهم ارجو الاجابة عليهم ؟ الاول...

[Dalia Essam]

عندي كام سؤال مهم ارجو الاجابة عليهم ؟
الاول . هل مناسب السفر اسطنبول في اجازة نص السنة ولا في الصيف افضل علما ان معايا اطفال ؟

الثاني . ايه الافضل اروح تركيا بس ولا ممكن اروح جورجيا 4 ايام واطلع منها على اسطنبول وبعدين ارجع مصر من اسطنبول ؟ ولا اروح الامارات واطلع منها على اسطنبول ؟
ملحوظة الامارات ده اقتراح زوجي .

واخيرا ايه رايكم في موقع. Orbitz لحجز تذاكر الطيران Multi city.؟

 

[Haytham Sleem]

شهر بناير برد جدا في تركيا، مش حيناسب الاطفال. للاسف.
مع ان الوقت ده الاسعار اقل والزحمة اقل بكتير من الصيف.
....
تركيا او جورجيا حتحتاجوا تصريح أمني للاسف.
فكرة دبي مش بفضلها ، السفر مع اطفال متعب والطيران الكتير مع الشنط حيزعجكم .
بفضل تكون دولة واحدة بس ببرنامج طويل .

 

[Kævën Tæwêüqê]

نص السنه يعني
برشلونه لشبونه لوس انجلوس فلوريدا شرم الشيخ دبي

 

[Dalia Essam]

انا اولادي مش صغيرين اوي هم 10 سنين و 9 سنين

 

[Dalia Essam]

واحنا مش محتاحين تصريح عشان السن تخطى الاربعين وكمان عندنا وظائف في الباسبور

 

[Hamdy Mousa]

بصي انا خبير في تركيا

 

[Hamdy Mousa]

عندك من شهر ابريل لشهر سبتمبر بس وقت حلو وتقدرو تخرجو مش معقول هتسافرو وتقعدو في فندق عشان مطر . جورجيا مفهاش حاجه الاسم دخلتو بلد جديده انتو سافرو علي طرابزون ٣ ايام والباقي ارجعي اسطنبول لان اسطنبول حكايه تانيه خاالص هاتحسي انك في العتبه ورمسيس وتحرير واسكندريه في وقت واحد بس علي نضيف

 

[Dalia Essam]

شكرا جدا لاهتمامكم انتم فعلا ناس محترمين جدا وانا سعيدة جدا اني في الجروب ده معاكم

 

[Hamdy Mousa]

الله يكرمك لا اي حاجه تحتاجيها في تركيا تحت امرك كتيرررر بحب تركيا

 

[Mado Mohamed]

انا أخذت ولا دى كانوا نفس عمر ولادك تركيا فى الشتاء جو جميل ورحنا بورصة ولعبوا.فى التلج بس هاتى معاهم لبس تقيل

 

[Hamdy Mousa]

بتختلف كل واحد حسب تلج او صيف بس صيف يقدور يتفسحوا اكتر ومش شمس اوي احنا في كويت ٦٥ درجه وبنمشي

 

[Hamdy Mousa]

ده جو تركيا اليوم

 

[Hazem Badr Algmal]

٩ سنين و١٠ سنين .... نص السنه وتلج وتزلج في بورصا وهيكون تحفه ..... انا بنتي كانت ٣ سنين وانبسطت جدا .... المهم تكونوا لابسين جاكت وتر بروف وخلاص مش هتحسوا بالبرد سويتر او جاكت وايس كاب وهتتبسطوا ان شاء الله .... حتي لو في مطر بيكون الجو والمشي في المطر يجنن

 

[Mohamed A Ibrahim]

بيبقى برد فحسب انتو بتخبو الساقعه ولا لاء

 

[Mohammed M. Attar]

اولا التصريح لمن هم أقل من 45 واكبر من 18 /لكن هو مش عقدة او مستحيل ،أتفق مع الاخ في رأيه ان السفر والتنقل بين أكثر من دولة مع الأطفال حتى لو كانوا في عمر أطفالك ربنا يحفظهم ، صعب جدا ،تركيا اختيار مناسب جدا لفترة معقولة لا تقل عن أسبوع ،فيها تنوع ممكن الأطفال يستمعتوا بالالعاب و الحدائق و حضرتك تستمعي بالشوبنج والمولات اسعار رخيصة واذواق راقية و جودة عالية ،و زوج حضرتك بالاماكن الخضرا و النزهة البحرية في البسفور و الاكواريوم العملاقة و كمان ممكن تشوفوا حد ينظملكم رحلة إلى بورصة الخضرا و ركوب التلفريك والطبيعة الرائعه و في كل مكان المأكولات والمشروبات لذيذة و متنوعه ،تركيا اختيار رائع و مناسب لكل أفراد العائلة

 

[Nermin El Tahawy]

علي فكره تركيا جميله جدا في نص السنه انا جربتها نص السنه اللي فاتت وكان معانا عائلات معاهم اطفال من عمر سنه وسبع و11سنه واولادهم اتبسطوا في الرحله ممكن ملابس تقيله شويه بس ياريت تكوني مع شركه كويسه وتنظملك رحله حلوه تتمتعي فيها لان تركيا جميه جدا في الشتاء