A
Ahmed Elbarawi
:: مسافر ::
قصه قصيره ..
فى زياره الاولى لألمانيا لم أتحمل أى مشقه فى ألاقامه والمعيشه لآنى كنت فى بعثه دراسيه من قبل الحكومه الآلمانيه فوجدت كل شىء جاهز من السكن والآقامه والمعيشه والراتب .بمعنى كنت مدلع قوى ومش ناقصنى شىء فى ذلك الوقت ....
قمت بزياره ثانيه آخرى ولكن كانت خاصه لعده أشهر فبحثت عن سكن ولم أستدل الا بعد مشقه فأجرت شقه صغيره بمبلغ معقول ولم أجد الآفضل حتى أرفضها . كان منزلا قديما ذو بوابه كبيره أدخل به على صحن المنزل لأجد مربع سكنى لأربع بيوت لآربع ادوار . المهم عندما أجرت الشقه وكتبت العقد طلب من صاحب الشقه أن أرسل له كل شهر الأجره على حسابه فى البنك . الشقه عباره عن حجره كبيره مستطيله 4x8 متر وبها دفايه كبيره تقاد بالفحم والجزء الثانى كان عباره عن صاله 4x4 متر وهى مدخل الشقه وبها موقد قديم ونمليه وحوض به حنفيه بنتزل ماء بارد جدا جدا وأحيانا تلج . دى الشقه ..كان التواليت خارج الشقه على السلم ويخدم اربع شقق ...طيب فين الحمام ؟؟ مافيش حمام ..أستغربت جدا من هذا الوضع فوجدته طبيعى جدا للالمان فسئلت ..لموآخذه لما تحبوا تستحموا بتروحوا فين ؟؟؟ قالو نروح حمام المدينه (STADTBAD). آخذت منهم العنوان وجدته قريب من المنزل . أخذت معى الفوطه والصابون والشامبو والليفه والغيار الجديد . وتوجهت لحمام المدينه . فوجدت زحاما كثيرا عليه . ووجدت شباك لقطع التذاكر فقطعت تذكره . ومشيت وراء واحد راح يستحمى ووقفت طابورا طويلا أمام ممر به ابواب كثيره يمين وشمال والمكان من الداخل عباره عن هنجر سقفه عالى ومقسم قطاعات وكل قطاع به باب جاء دورى فقامت المشرفه على هذه الحمامات بالشخط فيا وقالت بصوت عالى انتظر بره ..فأنتظرت بره حتى دخلت الحمام ومسحته من الذى كان قبلى وملأت البانيو بماء دافىء حتى النهايه من حنفيه بحجم حنفيه المطافى للحريق . وسحبت ذراع الحنفيه وقالت لى بعنف أدخل وأمامك ربع ساعه فقط للحموم . دخلت وجدت البانيو مملؤ ومش عارف أعمل أيه ...وانا فى حيره سمعت من الجمام اللى جنبى حركه غريبه فوقفت على طرف البانيو ونظرت لجارى لآن الحائط كان واطى فوجدته بيغسل هدومه ولم يستحم ..الموقف بقى صعب اعمل ايه أنا عايز دش أو حتى كوز بعد فتره سمعت ضربه قويه على الباب وكلمه بالالمانى بمعنى خلص واطلع بره . راحت على الحمومه ومش هستحمى تانى فى المكان ده ..خرجت وانا قرفان من الوضع ده ..وسئلت هو مافيش دوش هنا قالو طبعا فى بس انت قطعت تذكره بانيو ...الله يخرب بيت اللى ما يعرفش المانى .قلت ادونى واحد دش وصلحه ..قطعت تذكره ووقفت طابور طويل به العشرات واقفين منتظرين دورهم لكى يدخلو الحمام . جاء دورى فدخلت فوجدت الحمام جزئين جزء اغير فيه الملابس وهو جاف والجزء الثانى وهو به الدش فرحت وقلت خش على الدش فوجدت ان خلاط المياه دائما مياه فاتره بدرجه واحدة ولازم اضغط على الخلاط بيدى بقوه حتى تنزل المياه ولو شيلت أيدى ستتوقف كان يوم عذاب ده حموم ولا تعذيب على الطريقه الناذيه وكان متاح لى أيضا ربع ساعه اول ما بدخل المشرفه تكتب ميعاد الدخول على الباب بالطباشيره . وقبل 3 دقائق تطرق الباب بعنف شديد وتصرخ وتقول أطلع بره ... هو انا فين فى معسكر أعتقال ولا أيه شويه رعب على مياه فاتره ولكن كله واخد دوره ومافيش كوسه ..والمبنى كله ماء به حمامات للسباحه وللحموم وللسونا والبخار ويوجد فى كل حى على ألاقل واحد يرتاده يوميا المئات وفى المناسبات الآف .وأجرته كان وقتها وماذال واحديورو . ..عالم غريب لم نتعود عليه . وهذه صوره لحمام المدينه بحى نويكلن ببرلين ..
فى زياره الاولى لألمانيا لم أتحمل أى مشقه فى ألاقامه والمعيشه لآنى كنت فى بعثه دراسيه من قبل الحكومه الآلمانيه فوجدت كل شىء جاهز من السكن والآقامه والمعيشه والراتب .بمعنى كنت مدلع قوى ومش ناقصنى شىء فى ذلك الوقت ....
قمت بزياره ثانيه آخرى ولكن كانت خاصه لعده أشهر فبحثت عن سكن ولم أستدل الا بعد مشقه فأجرت شقه صغيره بمبلغ معقول ولم أجد الآفضل حتى أرفضها . كان منزلا قديما ذو بوابه كبيره أدخل به على صحن المنزل لأجد مربع سكنى لأربع بيوت لآربع ادوار . المهم عندما أجرت الشقه وكتبت العقد طلب من صاحب الشقه أن أرسل له كل شهر الأجره على حسابه فى البنك . الشقه عباره عن حجره كبيره مستطيله 4x8 متر وبها دفايه كبيره تقاد بالفحم والجزء الثانى كان عباره عن صاله 4x4 متر وهى مدخل الشقه وبها موقد قديم ونمليه وحوض به حنفيه بنتزل ماء بارد جدا جدا وأحيانا تلج . دى الشقه ..كان التواليت خارج الشقه على السلم ويخدم اربع شقق ...طيب فين الحمام ؟؟ مافيش حمام ..أستغربت جدا من هذا الوضع فوجدته طبيعى جدا للالمان فسئلت ..لموآخذه لما تحبوا تستحموا بتروحوا فين ؟؟؟ قالو نروح حمام المدينه (STADTBAD). آخذت منهم العنوان وجدته قريب من المنزل . أخذت معى الفوطه والصابون والشامبو والليفه والغيار الجديد . وتوجهت لحمام المدينه . فوجدت زحاما كثيرا عليه . ووجدت شباك لقطع التذاكر فقطعت تذكره . ومشيت وراء واحد راح يستحمى ووقفت طابورا طويلا أمام ممر به ابواب كثيره يمين وشمال والمكان من الداخل عباره عن هنجر سقفه عالى ومقسم قطاعات وكل قطاع به باب جاء دورى فقامت المشرفه على هذه الحمامات بالشخط فيا وقالت بصوت عالى انتظر بره ..فأنتظرت بره حتى دخلت الحمام ومسحته من الذى كان قبلى وملأت البانيو بماء دافىء حتى النهايه من حنفيه بحجم حنفيه المطافى للحريق . وسحبت ذراع الحنفيه وقالت لى بعنف أدخل وأمامك ربع ساعه فقط للحموم . دخلت وجدت البانيو مملؤ ومش عارف أعمل أيه ...وانا فى حيره سمعت من الجمام اللى جنبى حركه غريبه فوقفت على طرف البانيو ونظرت لجارى لآن الحائط كان واطى فوجدته بيغسل هدومه ولم يستحم ..الموقف بقى صعب اعمل ايه أنا عايز دش أو حتى كوز بعد فتره سمعت ضربه قويه على الباب وكلمه بالالمانى بمعنى خلص واطلع بره . راحت على الحمومه ومش هستحمى تانى فى المكان ده ..خرجت وانا قرفان من الوضع ده ..وسئلت هو مافيش دوش هنا قالو طبعا فى بس انت قطعت تذكره بانيو ...الله يخرب بيت اللى ما يعرفش المانى .قلت ادونى واحد دش وصلحه ..قطعت تذكره ووقفت طابور طويل به العشرات واقفين منتظرين دورهم لكى يدخلو الحمام . جاء دورى فدخلت فوجدت الحمام جزئين جزء اغير فيه الملابس وهو جاف والجزء الثانى وهو به الدش فرحت وقلت خش على الدش فوجدت ان خلاط المياه دائما مياه فاتره بدرجه واحدة ولازم اضغط على الخلاط بيدى بقوه حتى تنزل المياه ولو شيلت أيدى ستتوقف كان يوم عذاب ده حموم ولا تعذيب على الطريقه الناذيه وكان متاح لى أيضا ربع ساعه اول ما بدخل المشرفه تكتب ميعاد الدخول على الباب بالطباشيره . وقبل 3 دقائق تطرق الباب بعنف شديد وتصرخ وتقول أطلع بره ... هو انا فين فى معسكر أعتقال ولا أيه شويه رعب على مياه فاتره ولكن كله واخد دوره ومافيش كوسه ..والمبنى كله ماء به حمامات للسباحه وللحموم وللسونا والبخار ويوجد فى كل حى على ألاقل واحد يرتاده يوميا المئات وفى المناسبات الآف .وأجرته كان وقتها وماذال واحديورو . ..عالم غريب لم نتعود عليه . وهذه صوره لحمام المدينه بحى نويكلن ببرلين ..