صباح الخير كل سنه وانتو طيبين البوست ده...

  • بادئ الموضوع بادئ الموضوع Engy Adel
  • تاريخ البدء تاريخ البدء
عرض العطلة
E

Engy Adel

:: مسافر ::
#1
صباح الخير
كل سنه وانتو طيبين
البوست ده هيكون طويل شويه عشان اول مرة اسافر و فيه مليون سؤال في بالي
فبعد اذكم انا هركن الاسئلة والي عارف اجابة يقول جمبها الرقم شكرااااا
انا مسافرو سويسرا جنيف الحد باذن الله شغل .... بس اول مرة اركب طيارة
1- انا هكون صايمة لو ربنا قدرني ممكن اسم ابليكيشن اجيب منه القبلة ومواعيد الاذان؟؟؟
2- انا بعرف منين القاعة الي هركب منها هل ده بيكون موضح بالتذكرة عشان لسه مستلمتهاش؟؟
3- لما بدخل ايه هي الاجراءات الي هتحصل معايا لحد موصل للطايارة؟؟
4- لو عايزة ادخل التواليت بقوم عادي ولا بستأذن؟؟
5- اغير عمله هنا ولا لما اسافر؟؟
6- السفر باللاب توب و الكاميرا مسموح عادي؟؟
7- ايه الي ممنوع اخده معايا في شنطة الطيارة وايه الي ممنوع اسافر بيه عاما ؟
8- في اي ابليكشن يساعدنس في البلد دي؟؟
9- وهل عشانن انا مش جيدة اوي في الانجليزي هيبقي الموضوع صعب بالنسبالي؟؟
10 - في اي نصايح شخصية منوحكوا لواحدة اول مرة تسافر تخلي بالها منها؟؟
11- انا لو حجزن علي بوكينج لازم يخصم من الكارت ولا ممكن ادفع كاش لما اوصل ولو دة بيتحدد علي الموقع الاقيه فين بالظبط واسم السياسة دي ايه؟؟؟

اخر طلب لو حد يعرف معلومة بلييز متبخلوش عليا وساعدوني ربنا يباركلوكوا

بعد اذنوكوا محدش يتريق او يستهزأ بالاسئلة اكيد الواحد الي اول مرة بيبقي كدة شكراا
 
#2
١. صلاتى
٢.الشركه هتقلك .
٣.تورى الجواز و تدخلى على الكونتر تشوفى الشركه تبع التذكره و تكونى هناك قبلها ب ٣ ساعات و توزنى و تدخلى تختمى و تنتظرى الطياره .
٤.عادى براحتك عيشى.
٥. هتغيؤى هنا
٦.مسموح
٧ . عادى ماعدا البرفان مزيل العرق المضغوط و الاكل
٨ . لا اعرف بس دورى على خرائط لسويسرا و الباصات .
٩ . لا بالتعود و التعامل هتتعلمى
١٠ . ومن يتق الله يجعل له مخرجا و ابغدى عن المصريين و العراقيين و السوريين المغاربه رجاله جدا
 
#3
٢. الصاله اللي بتسافري منها بتبقي مكتوبة علي التذكرة ( terminal )
٣. بتدخلي تحطي الشنط علي الاسكانر ويكون في إيدك الباسبور والتذكرة .. تدخلي جوه تدوري علي الشباك المسئول عن رحلتك وشركه الطيران اللي مسافره عليها .. تقفي في الطابور وهما هايعملولك البوردنج ويكون مكتوب عليه رقم البوابه اللي هاتركبي منها الطياره وهايدوكي ورقه كده تمليها بعد كده .. هايوزنلك الشنط ويديكي الأرقام بتاعت الشنط بتاعتك اللي هاتستلميها اما توصلي بأذن الله .. تدوري بعد كده علي اقصر طابور يقابلك علشان تختمي الباسبور علشان عاده المرحلة دي بتبقي زحمه وبتاخد وقت ( تقفي في اي طابور ) وأملي الورقه اللي ادوهالك وانتي واقفه في الطابور بقي .
بتختمي وتعدي بقي تمشي حسب الإرشادات لحد البوابه اللي هاتسافري منها وتدخلي يفتشوكي وتقلعي الشوز لآخر مره وبعد. كده تركبي الطياره وخلاص
٤. قومي ادخلي الحمام اي وقت المهم يكون لمبه حزام الأمان مطفيه .. غير كده مش ممكن .. استأذني من اللي جنبك يعديكي لو كرسيكي في النص وقومي عادي ماتستأذنيش من حد
٥. يستحسن تغيري فلوس من هنا ما تمشيش من غير فلوس وماتسيبيش حاجه للظروف
٦. اي لغه تتواصلي بيها مع الناس يكون أفضل ليكي علشان لو حبيتي تسألي علي حاجه
٧. ممنوع تاخدي برفان او شامبو او اي حاجه سائله علي الطياره في عبوه اكبر من ٣٠ مل غير كده هايرموها منك .. ممكن تطلعي باللب والايباد والموبايل عادي طالما مش مسافره أمريكا
٨. بوكينج لو الحجز refundable ها يعمل بس تأمين علي الحجز برقم الكارت بتاعك وفِي الغالب بيسحب اول ليله بس والباقي بتدفعيه في الفندق لو ( non refundable ) يبقي هايسحب كل المبلغ. مش ممكن ترجعيه
 
#4
أظن الناس الله يكرهم ردو ع كل الأسئلة ، بس انا هقولك ع حاجة تاني انا ان شاء الله هسافر يوم ٢٢ جنوب ألمانيا ، بيني و بين سويسرا ٢٠ دقيقة ، لو احتجتي اي حاجة انا تحت امرك
 
#5
ربنا يكرمك وتحافظى على دينك القدر افيدك فيه هو مواعيد الصلاة يجوز ليكي القصر والجمع للظهر والعصر معا او المغرب والعشاء معا يوم سفرك وتقدري تصليهم في المطار او في الطيارة تقومى تتوضي وترجعي تصلي على كرسيكي وتقدرى تكملى قصر وجمع اذا كانت اقامتك في سويسرا لا تزيد عن 3 ايام اما لو هتزيد عن 3 ايام فمن اول يوم ملزمة بالصلاة كاملة و في تطبيق كويس اسمه صلاتك اعرقي منه المواغيد وربنا يوفقك الى ما يحبه ويرضاه
 
عرض العطلة
#10
علي فكره الرحله دي لا يمكن تنسيها في حياتك وممكن تحصلي شويه مواقف لما تفتكريها تضحكي من قلبك لا تقلقي ورحله سعيده وترجعي بالسلامه
 
عرض العطلة
#13
3- مبدايا لازم تكوني فالمطار من قبلها بساعتين بعد كدا اول حاجه بتتوجهي للكاونتر الخاص بالرحله بتعاتك وشركه الطيران اللي علي التيكيت بتاعك علشان توزني الشنط اللي هتدخل في باطن الطياره وبعد كدا بتروحي تعدي علي الجهاز بتاع الكشف عن محتوياتك والتفتيش وطبعا اي معدن لازم تقلعيه وتعديه من الجهاز بعد كدا جوازك بيتختم وبس بنتظري فالقاعه اللي هتدخلي الطاره منها
 
#14
4- عادي جدا في حمام خاص بالرجال وحمام خاص بالنساء ومتستاذنيش من حد وفي كمان عالطياره بس بستاذني من المضيفه
 
#15
5- من الافضل تغيري عمله من هنا او حد يعطيكي من هنا علي قد مصاريفك اول شهر لجد ماتقبضي من هناك لو كنتي رايحه شغل
 
عرض العطلة
#16
6- الاب توب مسموح بيه عادي وده غير الشنطهاللي مسموحلك بيها كمان تطلعي بيها عالطياره لكن حكايه الكامرا دي مقدرش افيدك بس للامان معاكي موبايلك بيصور والكاميرا حطيها فالشنطه اللي هتكون في بطن الطياره ولفي حواليها هدوم علشان متتكسرش
 
#17
7- الممنوع اي شيء حاد او اي شيء قابل للاشتعال زي بيرفيوم او ماشابه واي شيء سائل ده نبذه وممكن تدخلي علي اي موقع لشركه طيران وتقرأي الغير مسموح طيران عربي عادي لاخذ المعلومات منه
 
عرض العطلة
عرض العطلة
عرض العطلة
أعلى أسفل
عودة
قائمة