M
Mahmoud Abdulhafez
:: مسافر ::
يا شباب هو الراجل مش قصده حاجه ، اي حد فينا بيبقي عاوز يسافر يفصل شوية ، طبعا كلنا مصريين بس الراجل بيتكلم عن المصري اللي مش فاهم سياحه اللي بيروح الفنادق ولظروف غصب عنه بتلاقيه بيعلي صوته عالبوفيه تلاقي شتايم بصوت عالي كاننا في الشارع ، وكميات اكل كتير بتترمي من باب انا دافع فلوس واكل وارمي اللي انا عاوزه وطبعا الشخصيات دي هي اللي بتخلي مود السفريه يبوظ ، اي حد مكانه لو نزل في فندق وشاف كدة او اللي كان بيحصل في شرم وشويه الغردقه وشويه مرسي علم هيفهم الراجل ده يقصد ايه ، يمكن سلوك بعض المصريين بيبقوا بالشكل ده عشان عدم ثقافه وتوعيه مش قصد الراجل يقلل منهم بس انت بتبقي عاوز تتبسط وانت ودماغك ، بس خلينا بصراحه اي حد مكانه هيفكر في الجيست اللي موجود في اي مكان هتنزله ودة مش عيب طالما مش بقلل من حد ولا باحتقر حد ، زمان في نويبع كان في مكان اسمه وادي الوشواش المكان ده كان بينزله اجانب بس ، دلوقتي بعد رحلات الداي يوز اللي بتتعمل في نويبع وكاترين ادخلوا شوفوا المكان بقي عامل ازاي قلوب وحروف وكلام علي الجبل من جوة كميه زباله واكياس مترميه في كل حته الحبال اتقطعت والمكان بقي فوق البشاعه من الوضع الحالي شفت مصريين بينضفوا الكلام ده وشفت مصريين بردة بيبهدلوا المكان ده بس موصلش للي هو عليه ده غير لما اتهرس ، طبق الكلام ده علي دهب وعلي شرم الشيخ وكاترين واماكن كتير ، ممكن ميكنوش قاصدين بس النتيجه واحده
