E
Eslam Rady
:: مسافر ::
السلام عليكم ورحمة الله وبركاته:
الحمدلله على كل حال انا كنت مقدم على تأشيرة المملكة المتحدة و انهارده استلمت الباسبور بتاعى وخدت رفض..
كنت مقدم على تأشيرة بيزنس لحضور معرض فى شهر 9..
وأسباب الرفض اللى فهمتها من الورقه كالآتي:
1:القنصل بيقولى انا رفضتك عشان مش مقتنع انك قابلت التطبيق اللى بيتكلم عن متطلبات وقواعد طلب تاشيره البيزنس الخاصه بالمملكه المتحدة..القنصل بيتكلم فى النقطه دى عن البراجراف (s)مع انى مقدمله كل حاجه
2:انت مقدم على 5ايام عشان تحضر معرض وكده مع انك ملكش اى ترافيل هيستورى خالص ومشرحتش ليه عايز تسافر المملكه المتحدة الان...يعنى بيقول بالبلدى يوم ما تشطح تنطحعايز تسافر المملكـة المتحدة مره واحده يا جدع
بس الصدمه بقا انى مسافر قبل كده 3بلاد (ماليزيا روسيا كوريا الجنوبية )ومكسرتش تأشيرة فى بلد من دول ومقدم صور التأشيرات ال3 لان باسبورى ضايع من مده وعملت واحد جديد وعاده عندى بحتفظ بصوره لتاشيرة اى دوله سافرتها وبحفظها على الكمبيوتر مع الصور والفديوهات اللى اخدتها وانا مسافر..
بس انا غلطان عشان معملتش محضر فقد للباسبور وترجمته وقدمته.
وغلطان تانى عشان مجبتش شهاده تحركات وقدمتها.
3القنصل بيقول فى السبب ده كلام دش كتير بس اللى لخصته انى مقدم جواب من الشغل بس وده مش كافى كدليل انك مرتبط بالشركه دى ولذلك كشف حسابك مش عاجبنى كده وفى بقعه صفره على الورقه من فوقوالورقه شكلها قديم ومكرمش (بهزر طبعا)
لا وبيعايرنى كمان ان الراتب بيساوى مش عارف كام استرلينى
يا عم القنصل كشف الحساب عليه سحب وايداع كويس ومثبوت فيه راتب شهرى ثابت..
بس انا غلطان عشان مقدمتش سجل تجارى وبطاقه ضريبية الخاصين بالشركه اللى بشتغل فيها.
4:القنصل بيقول فى النقطه دى انك مش هترجع تانى وهتكسر التاشيره ومش هترجع فى المده المحدده ومفيش تغطيه ماليه كفايه الخ الخ الخ..مع ان الحساب البنكى كان فوق ال100الف...
فى ظهر الورقه شويه كلام مكتوب فهمت منهم ان القنصل بيقولى اى ابليكشن هتقدمه فى المستقبل هيترفض الا اذا قدمت ورق تانى؟؟؟ يقصد ايه انى اقدم سياحه مثلا؟؟طب ما كده اكنى بقول لهم انا عايز اخش المملكه المتحدة وخلاص لانى لسا مقدم بيزنس..
وألا يقصد إنى أصلح اللى انكسر واشوف هو زعلان فى ايه من الورق بتاعى واحاول اصلح الموقف وااقدم ورق زياده ؟؟
ومكتوب تحتها كمان ان القرار ده ملوش طعن او تظلم..
بعد اذنكم رأيكم ايه أقدم تانى واصلح الاخطاء دى والا الغى الموضوع خالص؟؟؟
وبعد اذنكم تانى لو فى عضو معانا شايف حاجه تانيه فى اسباب الرفض انا مخدتش بالى منها او مفهمتهاش هكون شاكر ليه جدا لو وضحهالى..
وبعد اذنكم تالت بتمنى كل عضو هيقدم الفتره الجايه على تاشيره المملكة المتحدة ياخد باله من كل الورق وهو بيقدم ويراجع الورق كويس وميستهونش بادق التفاصيل لان واضح انهم بيدققوا فى كل حاجه....
تحياتى ليكم وربنا يوفق الجميع ودمتم بخير..
ومتنسوش تجاوبونى على سؤالى اقدم تانى والا لا؟
الحمدلله على كل حال انا كنت مقدم على تأشيرة المملكة المتحدة و انهارده استلمت الباسبور بتاعى وخدت رفض..
كنت مقدم على تأشيرة بيزنس لحضور معرض فى شهر 9..
وأسباب الرفض اللى فهمتها من الورقه كالآتي:
1:القنصل بيقولى انا رفضتك عشان مش مقتنع انك قابلت التطبيق اللى بيتكلم عن متطلبات وقواعد طلب تاشيره البيزنس الخاصه بالمملكه المتحدة..القنصل بيتكلم فى النقطه دى عن البراجراف (s)مع انى مقدمله كل حاجه
2:انت مقدم على 5ايام عشان تحضر معرض وكده مع انك ملكش اى ترافيل هيستورى خالص ومشرحتش ليه عايز تسافر المملكه المتحدة الان...يعنى بيقول بالبلدى يوم ما تشطح تنطحعايز تسافر المملكـة المتحدة مره واحده يا جدع
بس الصدمه بقا انى مسافر قبل كده 3بلاد (ماليزيا روسيا كوريا الجنوبية )ومكسرتش تأشيرة فى بلد من دول ومقدم صور التأشيرات ال3 لان باسبورى ضايع من مده وعملت واحد جديد وعاده عندى بحتفظ بصوره لتاشيرة اى دوله سافرتها وبحفظها على الكمبيوتر مع الصور والفديوهات اللى اخدتها وانا مسافر..
بس انا غلطان عشان معملتش محضر فقد للباسبور وترجمته وقدمته.
وغلطان تانى عشان مجبتش شهاده تحركات وقدمتها.
3القنصل بيقول فى السبب ده كلام دش كتير بس اللى لخصته انى مقدم جواب من الشغل بس وده مش كافى كدليل انك مرتبط بالشركه دى ولذلك كشف حسابك مش عاجبنى كده وفى بقعه صفره على الورقه من فوقوالورقه شكلها قديم ومكرمش (بهزر طبعا)
لا وبيعايرنى كمان ان الراتب بيساوى مش عارف كام استرلينى
يا عم القنصل كشف الحساب عليه سحب وايداع كويس ومثبوت فيه راتب شهرى ثابت.. بس انا غلطان عشان مقدمتش سجل تجارى وبطاقه ضريبية الخاصين بالشركه اللى بشتغل فيها.
4:القنصل بيقول فى النقطه دى انك مش هترجع تانى وهتكسر التاشيره ومش هترجع فى المده المحدده ومفيش تغطيه ماليه كفايه الخ الخ الخ..مع ان الحساب البنكى كان فوق ال100الف...
فى ظهر الورقه شويه كلام مكتوب فهمت منهم ان القنصل بيقولى اى ابليكشن هتقدمه فى المستقبل هيترفض الا اذا قدمت ورق تانى؟؟؟ يقصد ايه انى اقدم سياحه مثلا؟؟طب ما كده اكنى بقول لهم انا عايز اخش المملكه المتحدة وخلاص لانى لسا مقدم بيزنس..
وألا يقصد إنى أصلح اللى انكسر واشوف هو زعلان فى ايه من الورق بتاعى واحاول اصلح الموقف وااقدم ورق زياده ؟؟
ومكتوب تحتها كمان ان القرار ده ملوش طعن او تظلم..
بعد اذنكم رأيكم ايه أقدم تانى واصلح الاخطاء دى والا الغى الموضوع خالص؟؟؟
وبعد اذنكم تانى لو فى عضو معانا شايف حاجه تانيه فى اسباب الرفض انا مخدتش بالى منها او مفهمتهاش هكون شاكر ليه جدا لو وضحهالى..
وبعد اذنكم تالت بتمنى كل عضو هيقدم الفتره الجايه على تاشيره المملكة المتحدة ياخد باله من كل الورق وهو بيقدم ويراجع الورق كويس وميستهونش بادق التفاصيل لان واضح انهم بيدققوا فى كل حاجه....
تحياتى ليكم وربنا يوفق الجميع ودمتم بخير..
ومتنسوش تجاوبونى على سؤالى اقدم تانى والا لا؟