M
Moataz Ali
:: مسافر ::
البوست ده مش للي هيزور ماليزيا أول مرة
الموضوع ده يهم للي بيزور ماليزيا اكتر من مرة، أو رحلته اكتر من عشر ايام:
مبدئيا ، ماليزيا للمبتدئين لها اساسيات ثابتة... كوالالمبور و ماحولها + جزيرة من اتنين (لانكاوي أو بينانج) و لو فيه وقت بيبقوا الجزيرتين.
طيب، لو هروح تاني ماليزيا و عايز اغير شوية، أو عندي وقت زيادة و عايز اروح أماكن مختلفة.... هنا بقي عندنا كذا اختيار ( ملاكا، جزر الساحل الشرقي، جوهور، باهانج) أو -و ده موضوع البوست- جزيرة مش معروفة للسياحة العربية تقريبا اسمها بانكور Pulau Pangkor.
بالصدفه قررت اني اروح بانكور يوم الجمعة، بعد ما رحلة كامبوديا باظت و انا في المطار بسبب موضوع التأشيرة - هيبقي فيه بوست تاني عن الموضوع ده لأهميته-، و الحمد لله كانت رحلة جيدة، و حبيت اشرحها هنا بالتفصيل و التكاليف.
المكان و المواصلات:
جزيرة متوسطة غرب ماليزيا تقريبا في نص المسافة بين كوالالمبور و بينانج، من كوالالمبور TBS بتاخد بالاوتوبيس من ٤ ساعات او ٦ ساعات لو ويك اند سعره حوالي ٢٥ رينجت. فيه ايضا اوتوبيسات مباشرة من بينانج Butterworth, و من Ipoh ايبوه و من المطار KLIA.
بتنزل مدينة شاطئية اسمها Lumut , و من هناك بتاخد معدية ظريفة مكيفة ب ١٤ رينجت حوالي ٣٠ دقيقة. استمتع بالرحلة من فوق السطح... اخر ميعاد للمعدية الساعة ٨:٣٠ مساءا ، لو مش هتلحق الفنادق متوافرة جنب المينا من اول ٤٠ رينجت للغرفة.
علي الجزيرة الافضل تاجر موتوسيكل، بس لازم تكون بتعرف تسوق كويس جدا لان الطرق منحنية للغاية، أو تاكسي بحوالي ١٦ رينجت.
الإقامة:
بالمناسبة واحد من أشهر و افخم فنادق في ماليزيا موجود هنا!!! خد عنه فكرة من هنا... /Pangkor Laut Resort Package | Honeymoon Package Malaysia
بس طبعا ده مالناش دعوة بيه
فيه تنوع كبير في أماكن الاقامة، فيه تقريبا اربع تجمعات رئيسية علي الجزيرة، انا اخترت Teluk Nipah, علشان فيه اكبر تجمع من الفنادق و المطاعم و اقرب لافضل شاطئ. اخترت أحد الفنادق الرخيصة جدا كلفني ٤٠ رينجت.
تعمل ايه هناك:
رحلات سنوركلنج الفرد ٢٠ رنجت،
رحلات بالمركب حول الجزيرة،
جولات في الغابة ،
جولات ATV
رياضات مائية
رحلة لمعالم الجزيرة (قلعة قديمة صغيرة. و مجموعة معابد، ميناء و قرية الصيادين)
او تعمل زيي و تسيب ده كله و تركز علي حاجتين:
اولا: تستكشف الشواطئ الصخرية الغير سياحية، و دي متعة كبيرة جدا، لأنك بتلاقي اجمل مياه و طبيعة و كمان استرخاء بعيد عن الناس و كله ده من غير و لا رينجت الصور هتشرح احسن من الكلام...
ثانيا: الاكل!
جرب الكابوريا المقلية (بتتقلي كاملة علي بعضها، و تتاكل برضه كاملة علي بعضها!)،
خش علي الاسماك المشوية في ورق الموز،
و لو عايز تجرب اكل جميل و رخيص جدا، ارشحلك مطعم اسمه Thai Food Project , اكل عنده شوربة لحمة من اجمل ما تذوقت، و التوم يام كان كويس، و Fried rice كان ممتاز.
و باليل اتمشي حوالي ٤٠٠ متر هتلاقي مطعم Daddy's cafe ده علي الرملة مباشرة و مشروباته و اكله "شغل فنادق ) بس أسعاره اغلي شوية طبعا و زبائنه كتير منهم اجانب.
اكتر شئ مميز هناك:
اجمل غروب شمس شفته في حياتي كان هنا، و انا غاوي الموضوع ده ، و شفته في اماكن كتير، لكن هنا شئ مختلف مع خلفية الجزر الصغيرة و الشمس بينهم، مع أن السما ما كنتش صافية تماما لكن ده ادي للمنظر طابع اللوحات الفنية البديعة، و الصور هتوضح اكتر.
اسئلتكم هجاوب عليها بكرة ان شاء الله...
تحياتي ...
معلش الصور بالموبايل، لأن Farid Abdin لسه مش مظبطني في موضوع الكاميرا ده ، و صورة واحدة فقط اللي اتعملها تحسين للإضاءة، و لما نشوف مين هيعرف انهي واحدة فيهم؟
الموضوع ده يهم للي بيزور ماليزيا اكتر من مرة، أو رحلته اكتر من عشر ايام:
مبدئيا ، ماليزيا للمبتدئين لها اساسيات ثابتة... كوالالمبور و ماحولها + جزيرة من اتنين (لانكاوي أو بينانج) و لو فيه وقت بيبقوا الجزيرتين.
طيب، لو هروح تاني ماليزيا و عايز اغير شوية، أو عندي وقت زيادة و عايز اروح أماكن مختلفة.... هنا بقي عندنا كذا اختيار ( ملاكا، جزر الساحل الشرقي، جوهور، باهانج) أو -و ده موضوع البوست- جزيرة مش معروفة للسياحة العربية تقريبا اسمها بانكور Pulau Pangkor.
بالصدفه قررت اني اروح بانكور يوم الجمعة، بعد ما رحلة كامبوديا باظت و انا في المطار بسبب موضوع التأشيرة - هيبقي فيه بوست تاني عن الموضوع ده لأهميته-، و الحمد لله كانت رحلة جيدة، و حبيت اشرحها هنا بالتفصيل و التكاليف.
المكان و المواصلات:
جزيرة متوسطة غرب ماليزيا تقريبا في نص المسافة بين كوالالمبور و بينانج، من كوالالمبور TBS بتاخد بالاوتوبيس من ٤ ساعات او ٦ ساعات لو ويك اند سعره حوالي ٢٥ رينجت. فيه ايضا اوتوبيسات مباشرة من بينانج Butterworth, و من Ipoh ايبوه و من المطار KLIA.
بتنزل مدينة شاطئية اسمها Lumut , و من هناك بتاخد معدية ظريفة مكيفة ب ١٤ رينجت حوالي ٣٠ دقيقة. استمتع بالرحلة من فوق السطح... اخر ميعاد للمعدية الساعة ٨:٣٠ مساءا ، لو مش هتلحق الفنادق متوافرة جنب المينا من اول ٤٠ رينجت للغرفة.
علي الجزيرة الافضل تاجر موتوسيكل، بس لازم تكون بتعرف تسوق كويس جدا لان الطرق منحنية للغاية، أو تاكسي بحوالي ١٦ رينجت.
الإقامة:
بالمناسبة واحد من أشهر و افخم فنادق في ماليزيا موجود هنا!!! خد عنه فكرة من هنا... /Pangkor Laut Resort Package | Honeymoon Package Malaysia
بس طبعا ده مالناش دعوة بيه
فيه تنوع كبير في أماكن الاقامة، فيه تقريبا اربع تجمعات رئيسية علي الجزيرة، انا اخترت Teluk Nipah, علشان فيه اكبر تجمع من الفنادق و المطاعم و اقرب لافضل شاطئ. اخترت أحد الفنادق الرخيصة جدا كلفني ٤٠ رينجت.
تعمل ايه هناك:
رحلات سنوركلنج الفرد ٢٠ رنجت،
رحلات بالمركب حول الجزيرة،
جولات في الغابة ،
جولات ATV
رياضات مائية
رحلة لمعالم الجزيرة (قلعة قديمة صغيرة. و مجموعة معابد، ميناء و قرية الصيادين)
او تعمل زيي و تسيب ده كله و تركز علي حاجتين:
اولا: تستكشف الشواطئ الصخرية الغير سياحية، و دي متعة كبيرة جدا، لأنك بتلاقي اجمل مياه و طبيعة و كمان استرخاء بعيد عن الناس و كله ده من غير و لا رينجت الصور هتشرح احسن من الكلام...
ثانيا: الاكل!
جرب الكابوريا المقلية (بتتقلي كاملة علي بعضها، و تتاكل برضه كاملة علي بعضها!)،
خش علي الاسماك المشوية في ورق الموز،
و لو عايز تجرب اكل جميل و رخيص جدا، ارشحلك مطعم اسمه Thai Food Project , اكل عنده شوربة لحمة من اجمل ما تذوقت، و التوم يام كان كويس، و Fried rice كان ممتاز.
و باليل اتمشي حوالي ٤٠٠ متر هتلاقي مطعم Daddy's cafe ده علي الرملة مباشرة و مشروباته و اكله "شغل فنادق ) بس أسعاره اغلي شوية طبعا و زبائنه كتير منهم اجانب.
اكتر شئ مميز هناك:
اجمل غروب شمس شفته في حياتي كان هنا، و انا غاوي الموضوع ده ، و شفته في اماكن كتير، لكن هنا شئ مختلف مع خلفية الجزر الصغيرة و الشمس بينهم، مع أن السما ما كنتش صافية تماما لكن ده ادي للمنظر طابع اللوحات الفنية البديعة، و الصور هتوضح اكتر.
اسئلتكم هجاوب عليها بكرة ان شاء الله...
تحياتي ...
معلش الصور بالموبايل، لأن Farid Abdin لسه مش مظبطني في موضوع الكاميرا ده ، و صورة واحدة فقط اللي اتعملها تحسين للإضاءة، و لما نشوف مين هيعرف انهي واحدة فيهم؟
