A
Alaa El-Greatly
:: مسافر ::
كلام عن الهند انا كنت كاتبه في كومنت و لكن الموضوع كبر مني فقولت احوله لبوست 
الهند كبيرة جدا جدا و عايزة سنين عشان تشفها كلها و اكبر تكلفة هتواجهك في الموضوع كله هي انك تروح يعني الطيران و الفيزا (بعد ما بقت ب 2000 جنيه) فا أنا نصيحتي انك تحاول على قد ما تقدر تقعد وقت كبير هناك و تلف على قد ما تقدر لأن ده مش هيبقى مكلف خصوصا لو انت من الناس اللي معندهاش مانع تعمل اي حاجة بس تسافر تتفسح (Budget traveler ) تقدر تقضي يومك كامل هناك بسكن ب أكل ب مواصلات ب اقل من 200 جنيه و في ناس اقل من كدا بكتير كمان (تخيلوا قبل التعويم بقى) فحاول لو رحت متقعدش اقل من اسبوعين تلاتة و تلف مدن على قد ما تقدر مترجعش قبل ما تكون شفت على الاقل 10 مدن و هتلاقي في كل بلد منهم حاجات مختلفة.
نصيحتي للبروجرام:
البداية بديلهي اقعد فيها يومين تلاتة و شوف المعابد و البازار و المزارات السياحية فيها و بعد كدا اجرا يوم واحد بدون ليلة يعني تعمل حسابك توصل هناك قبل الشروق تكون عند التاج محل تشوفه و تقعد لحد ما تزهق تروح اجرا فورت (لو عايز) و تخلصه و تطلع على فاراناسي تشوف الهندوس و هما بيحرقوا جثثهم و بيحطوها في النهر (ممكن تروح بعد كدا ريشيكاش لو ليك في اليوجا و الmeditation و كدا) و بعدين تروح جايبور متباتش في اجرا ولا فاراناسي ملهاش اي لازمة الليلة دي، جايبور مدينة كبيرة و ممكن تقعد فيها 3 ايام مش خسارة و اشتري من هناك هدايا و الاقمشة و الحجات دي و هناك هتركب الفيل و تاخد الصورة الرسمية للهند عليه في هناك مزارات كتير جدا و ممكن تروح يوم من هناك جودبور برده بلد جميلة و كلها ازرق في ازرق تخلص جايبور و تبدأ تطلع الشمال ابدأ ب امريتسار تشوف الجولدن تمبل و الشو بتاع الحدود و متباتش تخلص الكلام ده و تطلع على الهيمالايا بقى و تاخدلك اسبوعين كدا تروح فيهم شيملا- درامشالا- منالي وجامو- سريناجار- كشمير في المرحلة دي انت ممكن تقعد براحتك اي عدد من الايام في اي بلد عشان تسترخي بس و تتفرج على اجمل مناظر طبيعية و كمان في هناك انشطة جميلة جدا زي الباراجليدينج و الكانيونينج و الرافتينج، هتتبسط هناك جدا و هتنسى الدنيا و خصوصا ان سكان المناطق دي بالهم رايق كدا و مبتسمين على طول تخلص كل ده و ترجع ديلهي يوم واحد تنزل البازار و السبايس ماركت تشتري اي حاجة عايز تاخدها معاك و التوابل و الشطة وكلو و تروح المطار بالمترو بتاع المطار نضيف جدا و هينزلك جوا المطار ، متقعدش في ديلهي اكتر من اليوم ده عشان الزحمة و القرف هينسوك الحجات الحلوة اللي انت لسه راجع منها
-------------------------------------------------------------------------------
ملحوظة: الترتيب هيفرق جدا في المدن دي الكلام ده مترتب على حسب الخريطة بحيث ان القريب جنب بعضه و اي لخبطة هتبقى وحشة جدا السفر ممكن تلاقيه يومين كاملين عشان توصل مكان.
ملحوظة2: الدنيا هناك مش لازم تكون مترتبة خالص الوحد عمره ما حجز حاجة في الهند انت بتوصل البلد و بتنهال عليك العروض من كل اتجاه شوف الارخص ايه و لو عارف حد ليه تجربة قبل ما تروح امشي عليها لو عايز تريح دماغك
ملحوظة3: الانتقال في الشمال متعب و بياخد وقت رهيب فيستحست تفضل قاعد في كل مكان يومين تلاتة عشان ترتاح من المشوار و تستعد للي بعده
ملحوظة4: الفصال هناك واجب اساسي الواحد كان بيفاصل للمتعة والله ?? يعني مثلا تقعد في هوستل ممكن يقولك 1000 روبي الليلة و تخلص ب 100 في الاخر (تجربة حقيقية) لو بالك طويل هتاخد اسعار انت مش متخيلها
ملحوظة5: مهمة جدا، بلاد كتير من دي ممكن متلاقيش ليها مواصلات دايركت من بعض ساعات هتضطر ترجع بلد كبيرة مثلا ديلهي او شانديجار في الشمال عشان تعرف تروح للمكان اللي انت عايزه و الاحسن انك هتلاقي حاجات بتودي بلاد في السكة اركب و انزل هناك اركب تاني و ده هتشوفه في كشمير مثلا
ملحوظة6: و الاكثر اهمية الكلام ده للناس اللي عايزة المغامرة و بين قوسين المرمطة لا ينصح بيه خالص للكبار او ( البنات
)
ملحوظة7: انا مليت الموضوع صور عشان الناس بتحب الصور
ملحوظة8: فيه شوية من الصور دول تصوير صاحبي Mostafa T. Mohamed اللي واحشني جدا :* :*
الهند كبيرة جدا جدا و عايزة سنين عشان تشفها كلها و اكبر تكلفة هتواجهك في الموضوع كله هي انك تروح يعني الطيران و الفيزا (بعد ما بقت ب 2000 جنيه) فا أنا نصيحتي انك تحاول على قد ما تقدر تقعد وقت كبير هناك و تلف على قد ما تقدر لأن ده مش هيبقى مكلف خصوصا لو انت من الناس اللي معندهاش مانع تعمل اي حاجة بس تسافر تتفسح (Budget traveler ) تقدر تقضي يومك كامل هناك بسكن ب أكل ب مواصلات ب اقل من 200 جنيه و في ناس اقل من كدا بكتير كمان (تخيلوا قبل التعويم بقى) فحاول لو رحت متقعدش اقل من اسبوعين تلاتة و تلف مدن على قد ما تقدر مترجعش قبل ما تكون شفت على الاقل 10 مدن و هتلاقي في كل بلد منهم حاجات مختلفة.
نصيحتي للبروجرام:
البداية بديلهي اقعد فيها يومين تلاتة و شوف المعابد و البازار و المزارات السياحية فيها و بعد كدا اجرا يوم واحد بدون ليلة يعني تعمل حسابك توصل هناك قبل الشروق تكون عند التاج محل تشوفه و تقعد لحد ما تزهق تروح اجرا فورت (لو عايز) و تخلصه و تطلع على فاراناسي تشوف الهندوس و هما بيحرقوا جثثهم و بيحطوها في النهر (ممكن تروح بعد كدا ريشيكاش لو ليك في اليوجا و الmeditation و كدا) و بعدين تروح جايبور متباتش في اجرا ولا فاراناسي ملهاش اي لازمة الليلة دي، جايبور مدينة كبيرة و ممكن تقعد فيها 3 ايام مش خسارة و اشتري من هناك هدايا و الاقمشة و الحجات دي و هناك هتركب الفيل و تاخد الصورة الرسمية للهند عليه
في هناك مزارات كتير جدا و ممكن تروح يوم من هناك جودبور برده بلد جميلة و كلها ازرق في ازرق تخلص جايبور و تبدأ تطلع الشمال ابدأ ب امريتسار تشوف الجولدن تمبل و الشو بتاع الحدود و متباتش تخلص الكلام ده و تطلع على الهيمالايا بقى و تاخدلك اسبوعين كدا تروح فيهم شيملا- درامشالا- منالي وجامو- سريناجار- كشمير في المرحلة دي انت ممكن تقعد براحتك اي عدد من الايام في اي بلد عشان تسترخي بس و تتفرج على اجمل مناظر طبيعية و كمان في هناك انشطة جميلة جدا زي الباراجليدينج و الكانيونينج و الرافتينج، هتتبسط هناك جدا و هتنسى الدنيا و خصوصا ان سكان المناطق دي بالهم رايق كدا و مبتسمين على طول تخلص كل ده و ترجع ديلهي يوم واحد تنزل البازار و السبايس ماركت تشتري اي حاجة عايز تاخدها معاك و التوابل و الشطة وكلو و تروح المطار بالمترو بتاع المطار نضيف جدا و هينزلك جوا المطار ، متقعدش في ديلهي اكتر من اليوم ده عشان الزحمة و القرف هينسوك الحجات الحلوة اللي انت لسه راجع منها -------------------------------------------------------------------------------
ملحوظة: الترتيب هيفرق جدا في المدن دي الكلام ده مترتب على حسب الخريطة بحيث ان القريب جنب بعضه و اي لخبطة هتبقى وحشة جدا السفر ممكن تلاقيه يومين كاملين عشان توصل مكان.
ملحوظة2: الدنيا هناك مش لازم تكون مترتبة خالص الوحد عمره ما حجز حاجة في الهند انت بتوصل البلد و بتنهال عليك العروض من كل اتجاه شوف الارخص ايه و لو عارف حد ليه تجربة قبل ما تروح امشي عليها لو عايز تريح دماغك
ملحوظة3: الانتقال في الشمال متعب و بياخد وقت رهيب فيستحست تفضل قاعد في كل مكان يومين تلاتة عشان ترتاح من المشوار و تستعد للي بعده
ملحوظة4: الفصال هناك واجب اساسي الواحد كان بيفاصل للمتعة والله ?? يعني مثلا تقعد في هوستل ممكن يقولك 1000 روبي الليلة و تخلص ب 100 في الاخر (تجربة حقيقية) لو بالك طويل هتاخد اسعار انت مش متخيلها
ملحوظة5: مهمة جدا، بلاد كتير من دي ممكن متلاقيش ليها مواصلات دايركت من بعض ساعات هتضطر ترجع بلد كبيرة مثلا ديلهي او شانديجار في الشمال عشان تعرف تروح للمكان اللي انت عايزه و الاحسن انك هتلاقي حاجات بتودي بلاد في السكة اركب و انزل هناك اركب تاني و ده هتشوفه في كشمير مثلا
ملحوظة6: و الاكثر اهمية الكلام ده للناس اللي عايزة المغامرة و بين قوسين المرمطة لا ينصح بيه خالص للكبار او ( البنات
)ملحوظة7: انا مليت الموضوع صور عشان الناس بتحب الصور
ملحوظة8: فيه شوية من الصور دول تصوير صاحبي Mostafa T. Mohamed اللي واحشني جدا :* :*
