دلوقتي يا جماعة انا كنت يشتغل في اوتيل...

[Lamia Nessim]

دلوقتي يا جماعة انا كنت يشتغل في اوتيل والباسبور بتاعي عليه الوظيفة بس انا سيبت الشغل من فترة وهقدم علي فيزا انجلترا . انا اللي فهمته منكم ان لازم اكون بشتغل. طيب انا هعرف اضرب الاتش أر ليتر. بس مش هعرف اعمل حوار ورقة المرتب دي . طيب هل هيبقي فيه مشكلة إني ماقدمش ورقة المرتب . وهل هما بيتصلو بمكان العمل عشان يتاكدو انك فعلا بتشتغل فيه ولا لأ ؟؟؟

 

[Mohammed Abd Elkader]

متقدمش ورق مش مظبوط

 

[Hassan Tawfik]

لازم HR letter .. و لو ضربتي ال HR letter يبقى هتضربي كمان كشف الحساب و كل الحركات اللي فيه بما فيه حركة المرتب و ده صعب و محتاج صياعة و لو شكوا فيكي هتتقفشي .. و بمنتهى السهولة بيقدروا يتأكدوا من البنك لو عندهم شكوك .. و لكن في ناس بتضربه .. بتاع شركةً سياحة في ميدان التحرير مرة قاللي على اسم المكان بس مش فاكر

 

[Ahmed Saed]

حتى لو شكوا فيها اخرها هتاخد رفض

 

[Yusuf A Mahmoud Fahmy]

في ٢٠١٥ قدمت على فيزة انجلترا وفوجئت انهم بعتوا ايميل للمكتب يسألوا هل انا فعلا بشتغل معاهم ولا لا؟ وهل ال hr letter حقيقي ولا مزور والمرتب حقيقي ولا لا؟
والسؤال الاخير هل انا واخد اجازة قريب للسفر ولا لا وهل هي مدفوعة الأجر ولا لا؟

 

[Nahla Mohamed Elborai]

المصداقية في كل الاوراق اللي بتتقدم للسفارة و اي سفارة عامة
غير كدة ماينفعش

 

[Nader Nader Nader]

سفير إنجلترا موجود في الجروب و بيفهم عربي كويس اعمليلة منشن وهو هيرد من الاخر

 

[Amany Fathy Madroush]

عايز تعمل اتش ار مضروب و في نفس الوقت سليم هاقولك على الطريقة .. انت لك صديق أو معرفة عنده شركة ولها سجل تجاري بيعمل لك ورقة عمل معاه واختار وظيفة ماعدا طبعاً صاحب الشركة و هتروح مكتب التامينات تجيب الرقم التأميني و تعمل بطاقة جديدة بالوظيفة و باسبور جديد .

 

[Ehab Abd Al Hafeez]

طبعا احسن حاجه في الموضوع ده ان كلام حضرتك يكون صح ممكن يتصلوا وممكن لا بس افضل حضرتك تكونى صادقه معاهم علشان انتى مش ضمانه ايه الى ممكن يحصل وبالتوفيق

 

[Kævën Tæwêüqê]

اوعي هتاخد بلوك

 

[Shosho Salma Sara]

م

 

[Ahmed Hasan]

انا دايما بقدم جواب شغلي لسفارة انجلترا من غير مرتب و مفيش في كشف الحساب بيان منتظم بالمرتب انا بقبضه كاش و بيتصرف من غير ما يعدي علي الحساب

الانجليز ماديين، يهمهم معاك كام، رايح ليه، هترجع ليه، هتصرف قد ايه، معاك اللي هتصرفه و زيادة ولا لٲ

 

[Karam Mahmoud]

لو حد عنده شركة ممكن يعملك HR تتماشى مع الوظيفة الا اذا اسم الفندق مش مضاب بجانب الوظيفة فى الباسبور دا حل

 

[Lamia Nessim]

طيب هو ممكن حد يتقبل إني اكتب فالباسبور خريجة (الكلية) عشان ماكدبش. وفي نفس الوقت عندي دخل فوايد من البنك شهرية وليا حساب في البنك. ؟؟

 

[Mohamed El Shenawy]

لو حضرتك متجوزة وحاليا لا تعملين ....قدمي كشف حساب جوزك فقط واي ممتلكات او حسابات شخصية توفير او خلافه وحتتقبلي ان شاء الله

 

[Omnia Shirazy]

انجلترا مينفعش تقدم ورق غلط عشان ف الابلكيشن اسئلة زي السالري كم و بتصرف كم و بتصرف علي مين و حاجات كدة لازم كشف حسابك يؤكدها ..غير ان لو لا قدر الله اترفضت بيتختم ع الباسبور الرفض دا ف خلي ورقك سليم احسن