أنا معايا شنجن سياحة المانيا بس مش هروح...

[Marwa Mergawy]

أنا معايا شنجن سياحة المانيا بس مش هروح المانيا خالص و ذلك بسبب تغيير في الخطط.. السوال هل هتواجهني مشاكل في المطار ؟

 

[Hisham Salh]

ياريت يكون وصولك المانيا احسن وخصوصا اذا كانت ديه اول مره ليكي شنجن عشان المرات القادمه يدوكي التاشيرة بسهوله

 

[Hesham Abd El Aziz]

اخدتى شنجن المانيا اسهل ولا فرنسا بتبقى اسهل ؟

 

[Soliman Fouad]

الموضوع دا اختلفت الاراء فيه كتير في ناس مبيحصلهمش مشاكل وفي ناس واجهات مشاكل بس في الظروف دي الافضل تكون المانيا وجهتك الاولي

 

[Waleed Riad Saleh]

لازم يكون اول مطار وصول ليك في المانيا

 

[Alaa Abdelhamed]

ممكن يرجعوكى من المطار عادى لو مش داخله من ألمانيا وممكن يعدوكى حسب المزاج

 

[David El Almany]

نصيحة بلاش...روحى المانيا يوم حتى واطلعى منها على البلد اللى انتى عايزاها

 

[Nader Nader Nader]

روحي ألمانيا و لو ترانزيت. للدخول من هناك

 

[Abu Salma]

بصي حضرتك اللي انا اعرفه ان الواحد لو هيسافر اكتر من دوله ... يبقي الدوله اللي هيكون فيها الواحد اطول مده هي المسؤله عن الفيزا ..... لكن فيزا المانيا واصلا مش رايحه المانيا ... لا مش صح
علي الاقل اعملي ترانزيت

 

[Luna Omar]

لو هتغامرى خذى معاكى حجز اوتيل لألمانيا و فهميهم انك رايحه المانيا بعد كدة
ما اعرفش الفيزا اللى بعد كدة هيغلسوا و لا لا

 

[Osama Arab]

مفيش اي مشكله
تاشيره الشينجن تقدري تدخلي بيها اي بلد عضو في الشنجن
بس للاسف هتتحطي بلاك ليست عشان لما تيجي تعملي تاشيره تاني من المانيا مش هيردو يدوهاليك
يفضل تبتدي بالمانيا.

 

[Wael Rashed]

لازم تدخلي من المانيا اولا ... وبعدها روحى اى مكان تانى

 

[Ahmed Said Elfakhrany]

اذا التاشيره طالعه من المانيا لازم دخول المانيا كاول بلد

 

[Shaimaa Nasr]

في بوست كان بيتكلم على الموضوع ده
كان بيقول الطف حل انك تختاري الطيارة ترانزيت في المانيا
و كده كده هتعدي على الجوازات ساعتها و تبقى اخدتي ختم الدخول و ريحتي بالك

 

[Mohamed Osama]

مدة التأشيرة قد اي

 

[Hoda Abou Elseoud]

ممكن تعملي ترانزيت المانيا واختمي وادخلي تاني وكملي رحلتك عادي