يا جماعة انا عملت كشف حساب النهارده من البنك...

[Tamer Ahmed]

يا جماعة انا عملت كشف حساب النهارده من البنك الاهلي طلعوا بالعربي وقلي مينفعش انجلش.
ايه الحل؟

 

[Moutaz Mohamed]

Bassant Iraky

 

[Mohamed El Adwy]

ترجمها من اي authorized office وارجع تاني للبنك يختمها ..

 

[Heba Amr]

Laa bytl3 3ady ana lessa mtl3a mn al bank al ahly bl english kan akteb bs asm far3 al bank bl 3araby laken al transactions bl english !

 

[Akram Riccio]

اي بنك في انجليزي
ما عدا البريد (البوسطة)

 

[Norah El Ghazouly]

روح فرع تاني

 

[Norah El Ghazouly]

و ادخل لمدير الفرع

 

[Bassant Iraky]

فرع ايه؟

 

[Nirvana Safwat]

فرع cairo festival بيكون بال English و بيطلع في ١٠ دقيق

 

[Adel Teaama]

بيطلع بالعربي وبيكتب الاسم بس انجليزي

 

[Hanan Bayyoumi]

لاء بيطلع انجليزي
بطلعه من فرع السفارات

 

[Bahaa Aldeen Farouk]

الحل من الاخر , بيتم كتابة الاسم بالانجليزي ( نفس الباسبور) على نفس الكشف و بيتم الختم عليه بختم البنك , أي كلام تاني سيبك منه

 

[Mona Helmy]

الاسم انجليزي و يتختم

 

[Amr Azooz]

يعنى الختم على الاسم بالانجليزي فى بنك ستيتمنت بالعربى يتقبل فى سفاره هولندا ؟

 

[هشام كامل]

ياباشا مضبوط الكشف بيطلع ارقام انجليزي والاسم عربي رخم وعلي صوتك ويكون معاك صوره البسبور هيكتبوا الاسم انجليزي ويختموا جنبه لسه عامل كده من يومين كده كل صفحه ختم فوق جنب للاسم وختم تحت جنب الارقام بس روح فرع في مكان راقي مش مكان شعبي جايز الموظف مبيعرفش يكتب انجليزي

 

[Amany Salem]

اهم حاجة الختم

 

[Somaya Soliman]

هما بيسخفوا كده
عملوا معايا كده و لكا اتهزقوا عملوه زي مانا عايزة

 

[Ahmed Kamal Khattab]

روح الفرع اللي انت فتحت فيه الحساب. هو اللي ليه الحق يعملهولك انجليزي، او روح فرع قريب منك وخليهم يبعتو ميل للفرع اللي انت فاتح فيه الحساب، بينشطو طباعة الحساب بالانجليزي.

الموقفين الاتنين حصلو معايا

 

[Iman Zaki]

لا البنك الاهلي بيطلعها عادي انجليزي

 

[Basma Abdallah]

البنك الاهلى لازم من الفرع الرئيسى و بيطلع بعدها ب 48 ساعة تقريبا بس بيطلع عربى و واحد مترجم انجليزى