O
Omar Ameen
:: مسافر ::
ممكن في الشتا تلاقي طيران كده لدوله اوربيه و تكملي بري و الفيزا كلهم في الحدود دي هتحتاجي تباتي في مكان ممكن تشوفي في الكوتش سيرفينج ده موقع للسكن مجانا و ممكن تخشي علي موقع بلا بلا كار ده بيوفق الناس المسافرين بالبر جوا اوربا ممكن يوفرلك في سعر الانتقال لغاية اسبانيا من اي بلد اوروبي و يبقي الاكل خديه معلبات معاكي من هنا اوفر او ممكن تتطوعي في مكان يديكي السكن و وجبه ليكي خشي ورك اروند ذا ورلد او موقع تاني مش فاكر اسمه لو دورتي علي الجوجل بيساعدك تلاقي فرص تطوع ... بس كل الحجات دي محتاجه ترتيب و مزاكره كويس و يكون معاكي مبلغ احتياطي عشان اي ظروف بدل ما يبيعوا اعضائك زي فيلم تيكن و اللهي بجد مش بهزر و اختاري اماكن مضمونه و ربنا يستر و يفضل متسافريش لوحدك لو اول مره و يفضل بردوا بلد تكوني عارفه لغتها و ثقافتها و مزكراها و يكون ليكي اصدقائك فيها و هنا اصدقائك يكونوا حقيقي و تثقي فيهم مش اون لاين و ممكن تختاري وقت حد يطلع معاكي فيه نثقي مع اصحابك و اقاربك ممكن حد يحب يطلع معاكي ده افضل لو ملكيش خبره في السفر ... ملاحظه اخيره اللي هتسافري معاهم لو خدتي الاوبشن ده جربي تسافري معاهم كام يوم سياحه داخليه الاول عشان تعرفوا طباع بعض و تعرفي ان كنتي هترتاحي معاهم في سفريه اطول و هتتفقوا مع بعض و لا خليكوا صحاب احسن لان الناس بتظهر فيهم صفات غير متوقعه في السفر بالذات نتيجة الانسكيوريتيز الكتير المرتبطه بطبيعة السفر كمغامرة ممكن ناس تكون عندها مخاوف منها و ده بيخليهم يتصرفوا احيانا بطريقه مختلفه عن العادي بتاعهم و للاسف احيانا بتكون مش تصرفات لطيفه ... و بالتوفيق ان شاء الله