S
Salma Ismail Amer
:: مسافر ::
رحلتي في اسكتلندا لمدة خمس أيام..
الرحلة كانت مع صاحبتي نور ، كان حلمي من قبل ما اخد الفيزا اني اسافر للبلد اللي اتصور فيها braveheart والحمدلله لقيت حد يشاركني حلمي .. نزلنا في أدنبرة عاصمة اسكتلندا.
سافرنا من لندن بالليل من محطة فكتوريا وصلنا ادنبرة سبعة الصبح الطريق بالاستراحات بياخد حوالي تمن ل تسع ساعات ، متعب جداً ومنصحش حد يختار الاوبشن ده الا لو حابب يوفر لحاجات تانية او يحجز قطار او طيران قبلها بفترة طويلة عشان يكون السعر مناسب.
استخدمت موقع Rome2rio عشان اعرف ايه الاختيارات المتاحة قدامي اسافر لاسكتلندا (باص،قطار،عربية،طيران) و رينج الاسعار لكل حاجة فيهم، حجزت الباص من علي موقع national express .. نزلنا في محطة ادنبرة كانت قريبة من السكن بتاخد حوالي ربع ساعة مشي.
حجزت السكن لمدة ليلة واحدة من Booking من قبل سفري من مصر الcheck in كان حوالي الساعة تلاتة واحنا واصلين سبعة الصبح تقريباً سبنا الشنط فال reception ونزلنا نتمشي فالمدينة ونشوف المطاعم الحلال و الاسعار واقرب سوبر ماركت الشمس كانت شديدة جداً وقتها.
تاني يوم كانت بداية رحلتنا لل Highlands مع شركة اسكتلندية
قبل سفري من مصر حاولت ادور عن اي مقالات او حد سافر يحكي تجربته وللاسف المحتوي العربي في الجانب ده مكنش كتير فالاختيار الافضل اللي كان قدامنا نختار شركة تودينا الاماكن اللي عايزينها.
اتعرفنا اكتر علي اسكتلندا من علي موقع visit scotland شوفنا الmaps وعرفنا اكتر اماكن حابين نروحلها اللي اكتشفته لو بتفكر تقضيها مواصلات هتكلفك جداً لان المسافات بعيدة عن بعض و لو بتفكر تأجر عربية لازم تكونوا جروب عشان تتقسم عليكوا ففكرة الشركة السياحة انك بتدفع مبلغ مقابل ان المواصلات كلها عليهم و بتوديك الاماكن اللي هي تبع البرنامج بس السكن والاكل والنشاطات عليك اكيد.
حجزت اونلاين ليا ولصاحبتي و بيكون عندك من ضمن الاختيارات اوبشن السكن لو عايز بتقول الريكوست بتاعك عايز دورم او حاجة برايفت ..وبعدها بيوم تقريبا بيبعتوا عالميل يأكدوا كل حاجة معاك.
أول يوم معاهم زورنا loch lomond وبعد كدا اتجهنا لfort william بنزكب من هناك jacobite steam train وبننزل فmallaig واخر اليوم روحنا لقرية اللي هنام فيها اسمها Kyleakin موجودة فisle of skye عن طريق الferry
قعدنا في guest house كان جميل جداً بكل ما تحمله الكلمة
اسمه ceol na mara ، صاحب المكان اسمه سام وحد بشوش جداً بيحاول دايماً يطمنا بكلامه ويضحك معانا ماعدا مرة سالته علي اني استخدم الميكرويف وشه اتغير وقالي مفيش access للمطبخ عنده بس بعد كدا عرفت انه المطبخ و الجزء الشمال من البيت خاص ليه هو ومراته و السكن شامل الفطار ..القرية جميلة جداً
تاني يوم انا هفضل اسيب الصور والفيديو تتكلم عنه لكن ملخص اليوم كانت جولة فالجزيرة روحنا قرية اسمها elgol منها ممكن تركب boat او RIB ride بعدها كدا روحنا بالباص لاكبر مدينة فال Isle of skye اسمها portree و بعدها روحنا متحف صغير خاص بالجزيرة وبعدها اتجهنا kilt rock من احلي المناظر الطبيعية اللي ممكن تشوفها بعينك.
تالت يوم كان أخر يوم اتجهنا لقلعة Eilean donan وبعد كدا روحنا loch ness اشهر البحيرات فاسكتلندا مشهورة بالغموض عشان بيقال انه كان فيها وحش اسمه نيسي و ناشيونال جيوغرافيك عملوا فيلم عن البحيرة والوحش وقصصهم
رجعنا ادنبرة بالليل واخدنا باص للفندق اللي كنا حاحزينه واخر يوم قررنا نزور القلعة لسوء حظنا الدنيا كلها كانت مطر والشمسية اتكسرت لكن اخدنا جولة فالقلعة عشان كنا دفعنا الفلوس بعدها قررنا نقعد في مطعم ونرجع للفندق.
فالرحلة اتعرفنا علي عائلة ماليزية و الاب سافر قبل كدا مصر وحبها جدا و اتعرفت علي فلبينة نفسها تزور مصر بس الرحلات مع شغلها دايما لاماكن في اوروبا واتعرفت علي مصريين ايوة دي اخر حاجة ممكن اتوقعها اقابل مصريين فالرحلة بنتين واحدة منهم عايشة في uk بقالها كذا سنة والتانية جاية زيارة فكانت احلي صدفة والله و اتعرفنا علي اسبانيين حبيتهم جداً وحبيت اصرارهم وهما بيسالونا علي اي حاجة بيسالونا بالاسباني لانهم مش عارفين يتعاملوا بغيرها ومنتظرين نفهمهم وشخص كندي جاي مع والدته يفسحها بعد ما فقدت زوجها وعائلة صينية لذيذة واخيراً كريف احلي حاجة فالرحلة tour guide عظيم بعتذرله اني صورته وهو لابس الجيبة من غير اذنه
المواصلات فالعاصمة سهلة جداً استخدمنا google maps وبندخل اللوكيشن اللي عايزين نروحله وبيكتبلنا رقم الباص ومكانه و بتاخد التذكرة من جوا الباص.
الصور عمرها ما هتقدر توفي اللي العين شافته ..محتاجة ١٤ يوم فيما فوق عشان تخلص اسكتلندا
الرحلة كانت مع صاحبتي نور ، كان حلمي من قبل ما اخد الفيزا اني اسافر للبلد اللي اتصور فيها braveheart والحمدلله لقيت حد يشاركني حلمي .. نزلنا في أدنبرة عاصمة اسكتلندا.
سافرنا من لندن بالليل من محطة فكتوريا وصلنا ادنبرة سبعة الصبح الطريق بالاستراحات بياخد حوالي تمن ل تسع ساعات ، متعب جداً ومنصحش حد يختار الاوبشن ده الا لو حابب يوفر لحاجات تانية او يحجز قطار او طيران قبلها بفترة طويلة عشان يكون السعر مناسب.
استخدمت موقع Rome2rio عشان اعرف ايه الاختيارات المتاحة قدامي اسافر لاسكتلندا (باص،قطار،عربية،طيران) و رينج الاسعار لكل حاجة فيهم، حجزت الباص من علي موقع national express .. نزلنا في محطة ادنبرة كانت قريبة من السكن بتاخد حوالي ربع ساعة مشي.
حجزت السكن لمدة ليلة واحدة من Booking من قبل سفري من مصر الcheck in كان حوالي الساعة تلاتة واحنا واصلين سبعة الصبح تقريباً سبنا الشنط فال reception ونزلنا نتمشي فالمدينة ونشوف المطاعم الحلال و الاسعار واقرب سوبر ماركت الشمس كانت شديدة جداً وقتها.
تاني يوم كانت بداية رحلتنا لل Highlands مع شركة اسكتلندية
قبل سفري من مصر حاولت ادور عن اي مقالات او حد سافر يحكي تجربته وللاسف المحتوي العربي في الجانب ده مكنش كتير فالاختيار الافضل اللي كان قدامنا نختار شركة تودينا الاماكن اللي عايزينها.
اتعرفنا اكتر علي اسكتلندا من علي موقع visit scotland شوفنا الmaps وعرفنا اكتر اماكن حابين نروحلها اللي اكتشفته لو بتفكر تقضيها مواصلات هتكلفك جداً لان المسافات بعيدة عن بعض و لو بتفكر تأجر عربية لازم تكونوا جروب عشان تتقسم عليكوا ففكرة الشركة السياحة انك بتدفع مبلغ مقابل ان المواصلات كلها عليهم و بتوديك الاماكن اللي هي تبع البرنامج بس السكن والاكل والنشاطات عليك اكيد.
حجزت اونلاين ليا ولصاحبتي و بيكون عندك من ضمن الاختيارات اوبشن السكن لو عايز بتقول الريكوست بتاعك عايز دورم او حاجة برايفت ..وبعدها بيوم تقريبا بيبعتوا عالميل يأكدوا كل حاجة معاك.
أول يوم معاهم زورنا loch lomond وبعد كدا اتجهنا لfort william بنزكب من هناك jacobite steam train وبننزل فmallaig واخر اليوم روحنا لقرية اللي هنام فيها اسمها Kyleakin موجودة فisle of skye عن طريق الferry
قعدنا في guest house كان جميل جداً بكل ما تحمله الكلمة
اسمه ceol na mara ، صاحب المكان اسمه سام وحد بشوش جداً بيحاول دايماً يطمنا بكلامه ويضحك معانا ماعدا مرة سالته علي اني استخدم الميكرويف وشه اتغير وقالي مفيش access للمطبخ عنده بس بعد كدا عرفت انه المطبخ و الجزء الشمال من البيت خاص ليه هو ومراته و السكن شامل الفطار ..القرية جميلة جداً
تاني يوم انا هفضل اسيب الصور والفيديو تتكلم عنه لكن ملخص اليوم كانت جولة فالجزيرة روحنا قرية اسمها elgol منها ممكن تركب boat او RIB ride بعدها كدا روحنا بالباص لاكبر مدينة فال Isle of skye اسمها portree و بعدها روحنا متحف صغير خاص بالجزيرة وبعدها اتجهنا kilt rock من احلي المناظر الطبيعية اللي ممكن تشوفها بعينك.
تالت يوم كان أخر يوم اتجهنا لقلعة Eilean donan وبعد كدا روحنا loch ness اشهر البحيرات فاسكتلندا مشهورة بالغموض عشان بيقال انه كان فيها وحش اسمه نيسي و ناشيونال جيوغرافيك عملوا فيلم عن البحيرة والوحش وقصصهم
رجعنا ادنبرة بالليل واخدنا باص للفندق اللي كنا حاحزينه واخر يوم قررنا نزور القلعة لسوء حظنا الدنيا كلها كانت مطر والشمسية اتكسرت لكن اخدنا جولة فالقلعة عشان كنا دفعنا الفلوس بعدها قررنا نقعد في مطعم ونرجع للفندق.
فالرحلة اتعرفنا علي عائلة ماليزية و الاب سافر قبل كدا مصر وحبها جدا و اتعرفت علي فلبينة نفسها تزور مصر بس الرحلات مع شغلها دايما لاماكن في اوروبا واتعرفت علي مصريين ايوة دي اخر حاجة ممكن اتوقعها اقابل مصريين فالرحلة بنتين واحدة منهم عايشة في uk بقالها كذا سنة والتانية جاية زيارة فكانت احلي صدفة والله و اتعرفنا علي اسبانيين حبيتهم جداً وحبيت اصرارهم وهما بيسالونا علي اي حاجة بيسالونا بالاسباني لانهم مش عارفين يتعاملوا بغيرها ومنتظرين نفهمهم وشخص كندي جاي مع والدته يفسحها بعد ما فقدت زوجها وعائلة صينية لذيذة واخيراً كريف احلي حاجة فالرحلة tour guide عظيم بعتذرله اني صورته وهو لابس الجيبة من غير اذنه
المواصلات فالعاصمة سهلة جداً استخدمنا google maps وبندخل اللوكيشن اللي عايزين نروحله وبيكتبلنا رقم الباص ومكانه و بتاخد التذكرة من جوا الباص.
الصور عمرها ما هتقدر توفي اللي العين شافته ..محتاجة ١٤ يوم فيما فوق عشان تخلص اسكتلندا
