H
Hmk Elsayed
:: مسافر ::
في إتهامات متواصلات بمنشورات شبه يومية علي الجروب علي اساس اننا بنشوه صورة بلدنا وبنحارب السياحة واواواوا .
الجروب هنا فيه عدد كبير جدا من اللي شغالين في قطاع السياحه بمصر ( وهما اللي بهاجمونا ) بناءا عليه هقول لحضراتكم علي تجربتي مع فندق ماريوت شرم الشيخ وبعدها الحكم لكم .
بعد بحث علي فندق راقي 5* في منطقه خليج نعمة استقريت علي الماريوت , وصلت من القاهره لشرم انا وزوجتي بالسيارة بعد سفر 6 ساعات ومرتب موعد وصولي علي 2 ظهرا " فوجئت بالسيكورتي علي البوابه يقولي بعد اذنك يافندم انتوا متأكدين انكم في مبني البحر مش مبني الجبل ؟ أخدت السؤال بروح رياضيه وقتله ايوا حضرتك متاكدين
دخلت عالريسبشن فوجئت بيقولي هتنتظروا معانا للساعه 4 موعد الدخول , قولتله حضرك موعد دخول اي فندق بالدنيا كلها (ماعدا مكة) 2 الضهر , لقيته قلب عالوش الجميل ويقولي لأ أحنا هنا 4 العصر ودي سياسة الفندق,,, برضوا كبرت دماغي رغم اننا جايين هلكانين من الطريق وانتظرت قعدت في اللوبي لقيت الامر بدون مبالغه لكل الجيست المصريين ,, بتابع الريسبشن لقيت ناس من جنسيات خليجية جم عملوا تشيك ان والموظف كان ابتسامته طالعه من القلب هوا وبيخلصلهم اجراءات الدخول وقتها ممسكتش نفسي وقومت عملت مشكله وقولته مش جايلك تايه عشان تقولي قانون الفندق انا مسافر اكتر من دولة وعارف انا حقي ايه وانا حقي الدخول 2 الضهر والا حالا هشوف اجراءاتي مع وزارة السياحة , قاللي ثواني اندهلك المسؤول جاني المسؤول يقولي هنخلصلك اجراءات الدخول خلال ربع ساعه , بعد ربع ساعه بالظبط لقيتهم يقولولي اتفضل ( غرفه بالدور الارضي اعتقد انها اخرها مسكن عمال الفندق ) قولتله ياباشا حجزي علي pool view يقولي لألأ ده الحجز اللي جايلنا ودي الغرفه المتاحه .
ولسه القصه طويلة بس مش هطول عليكم اكتر من كدا
قضيت اسواء تجربة سياحية في حياتي خلال فترة اقامتي بال4ايام حرب نفسية ورزالة ورجعت من شرم كاره اسم شرم الشيخ.
بعد كدا ارجع من اجازتي اقول ايه ؟ تحيا مصر والسياحة لذيذه في بلدنا وبلدنا حلوة واحسن خدماات سياحية في العالم ؟؟
الخلاصه بلدنا حلوة لكن مؤسساتها محتاجه الحرفيه خاصة اذا كان الموضوع متعلق بالسياحة فالحرفية لازم تكون علي المستوي العالمي مش المحلي ويشوفوا الناس برا بتعمل ايه مع العميل سواء كان محلي ولا أجنبي .
الجروب هنا فيه عدد كبير جدا من اللي شغالين في قطاع السياحه بمصر ( وهما اللي بهاجمونا ) بناءا عليه هقول لحضراتكم علي تجربتي مع فندق ماريوت شرم الشيخ وبعدها الحكم لكم .
بعد بحث علي فندق راقي 5* في منطقه خليج نعمة استقريت علي الماريوت , وصلت من القاهره لشرم انا وزوجتي بالسيارة بعد سفر 6 ساعات ومرتب موعد وصولي علي 2 ظهرا " فوجئت بالسيكورتي علي البوابه يقولي بعد اذنك يافندم انتوا متأكدين انكم في مبني البحر مش مبني الجبل ؟ أخدت السؤال بروح رياضيه وقتله ايوا حضرتك متاكدين
دخلت عالريسبشن فوجئت بيقولي هتنتظروا معانا للساعه 4 موعد الدخول , قولتله حضرك موعد دخول اي فندق بالدنيا كلها (ماعدا مكة) 2 الضهر , لقيته قلب عالوش الجميل ويقولي لأ أحنا هنا 4 العصر ودي سياسة الفندق,,, برضوا كبرت دماغي رغم اننا جايين هلكانين من الطريق وانتظرت قعدت في اللوبي لقيت الامر بدون مبالغه لكل الجيست المصريين ,, بتابع الريسبشن لقيت ناس من جنسيات خليجية جم عملوا تشيك ان والموظف كان ابتسامته طالعه من القلب هوا وبيخلصلهم اجراءات الدخول وقتها ممسكتش نفسي وقومت عملت مشكله وقولته مش جايلك تايه عشان تقولي قانون الفندق انا مسافر اكتر من دولة وعارف انا حقي ايه وانا حقي الدخول 2 الضهر والا حالا هشوف اجراءاتي مع وزارة السياحة , قاللي ثواني اندهلك المسؤول جاني المسؤول يقولي هنخلصلك اجراءات الدخول خلال ربع ساعه , بعد ربع ساعه بالظبط لقيتهم يقولولي اتفضل ( غرفه بالدور الارضي اعتقد انها اخرها مسكن عمال الفندق ) قولتله ياباشا حجزي علي pool view يقولي لألأ ده الحجز اللي جايلنا ودي الغرفه المتاحه .
ولسه القصه طويلة بس مش هطول عليكم اكتر من كدا
قضيت اسواء تجربة سياحية في حياتي خلال فترة اقامتي بال4ايام حرب نفسية ورزالة ورجعت من شرم كاره اسم شرم الشيخ.
بعد كدا ارجع من اجازتي اقول ايه ؟ تحيا مصر والسياحة لذيذه في بلدنا وبلدنا حلوة واحسن خدماات سياحية في العالم ؟؟
الخلاصه بلدنا حلوة لكن مؤسساتها محتاجه الحرفيه خاصة اذا كان الموضوع متعلق بالسياحة فالحرفية لازم تكون علي المستوي العالمي مش المحلي ويشوفوا الناس برا بتعمل ايه مع العميل سواء كان محلي ولا أجنبي .
