ع
عمرو شريف
:: مسافر ::
براحه كده و بناء علي خبرتي بالكارت لمده 3 سنين تعالو اقولكم علي الخبايا و اللي مش حتعرفها غير لما تبتدء تستخدم الكارت علشان ما تتعشمش اوي فيه : /اولا المميزات الممذكوره في البوست خاصه باعلي فئه للكارت اللي هي بلاتينيوم و اللي هو حد الكارت فيها لا يقل عن 50 الف جنيه ائتمان و طبعا مش اي حد يقدر يطلعه لان الائتمان عالي / ثانيا بقي مصاريف الكارت ده البلاتينيوم 600 جنيه كل سنه و طبعا ده مبلغ كبير / ثالثا لازم تكون الاول مشترك في برنامج ميل بلاس علي مصر للطيران و معاك رقم عضويه علشان يربطو الكارت بيه و ينزل الاميال علي مصر للطيران / رابعا لازم تصرف 10 جنيه في البلاتينيوم علشان تاخد ميل و لو كارت العادي مش بلاتينيم يبقي 20 جنيه و ده طبعا معناه ان حضرتك لو مسافر مثلا الامارات محتاج 30 الف ميل يعني تصرف 300 الف جنيه بيه او بالكارت العادي الكلاسيك 600 الف جنيه ، حلوه صج؟ / خامسا التذكره مش ببلاش لانك بتدفع الضرايب بتاعتها لماا تيجي تحجز بالكارت يعني تقريبا الضرايب بتبقي نص تمن التذكره يعني حيتخصم عليك للمارات 30 الف ميل + بتاع 3 الاف جنيه ضرايب تدفعهم / سادسا لو حضرتك عايز تعمل ابرجريد من تذكره اقتصادي ( اكينومي ) لرجال اعمال ( بيزنس) يبقي لازم تكون حاجز اعلي فئه في التذكره الاكونومي يعني اغلي سعر اللي هو اصلا بيكون مقارب جدا لسعر البيزنس و برده حتدفع فرق ضرايب الاكيونومي للبيزنس و يتخصم مش فاكر 15 الف ميل يعني حتدفع اكثر من تمن تذكره البيزنس / سابعا البيزنس لاونج ده بتدخله في مطار القاهره و بس و ده للكارت البلاتنيوم الكارت العادي ما يدخلكش و لازم تكون مسافر علي مصر للطيران و بس حتي مطار اسكندريه ما تدخلهوش بيه / موضوع الشنطه الزياده انا ما جربتهاش فمفتيش بس برده ده للكارت البلاتينيم مش للانواع التانيه / ثامنا علشان تستفيد بيه لازم الحجز عن طريق الكول سنتر بتاع مصر للطيران اللي الدقيقيه فيه بجنيه و نص او في مكتب مصر للطيران نفسه اللي حتروح تلاقي شويه موظفيين عايزيين يحرقوك بجاز وسخ لانك تجرات انك عايز تشتري تذكره بالاميال / تاسعا الاميال بتسقط بعد 3 سنين لو ما استخدمتهاش يعني مثلا علشان اخدت الف ميل الشهر ده بعد 3 سنين بالضبط يروحوا عليك و طبعا معرض انهم يروحوا عليك علشان علشان تجمع 30 الف ميل محتاج كم سنه صرف ؟/ في الاخر السي اي بي بنك محترم انما الكارت عملي جدا للناس الي بتصرف بهبل بيه و اللي بتسافر كثير و اللي قابله تتحمل كل الكلام اللي كتبته عليه و علي فكره الشروط دي مش سي اي بي اللي حاططها دي مصر للطيران هي اللي بتشترط الكلام ده بناء علي العقد اللي بينهم و لو دخلت بقي ويب السي اي بي مش حتلاقي اي كلمه من دي انما ويب مصر للطيران ميل بلاس حتلاقي جزء كبير اوي من كلامي