سؤال وجواب.... شروق الشمس من قمة جبل موسي....

  • بادئ الموضوع بادئ الموضوع Abu Aylla
  • تاريخ البدء تاريخ البدء
عرض العطلة
A

Abu Aylla

:: مسافر ::
#1
سؤال وجواب.... شروق الشمس من قمة جبل موسي.
الصورة دى انا صورتها من على قمة جبل موسى بسانت كاترين ... من على ارتفاع 2300 متر تقريبا ... والإرتفاع ده يساوى تقريبا 3 أضعاف إرتفاع برج خليفة بدبي و هو أطول برج بالعالم والبالغ طوله 828 متر.
شروق الشمس من فوق حاجة تانية خالص.....
تكلفة الرحلة بإختصار.. الباص من القاهرة لكاترين وهتحجز ليلة في فندق ونصيحه اختار فندق بسيط لانك طول الليل هتكون على الجبل ... اطلع بالليل الجبل واتفرج على منظر الشروق .... وتانى يوم هتنزل ترتاح فى الفندق وتغادر الى القاهرة .... لو نفذت البرنامج كما هو مش هتتكلف اكتر من 300 جم....
ملحوظة وانت طالع الجبل هتتعب شوية لان الارتفاع عالي والاوكسجين قليل بس بلاش تستغرب لما تلاقي واحدة اجنبية عندها 60 سنة بتطلع اسرع منك ... هما بيسافروا كتير ولياقتهم أحسن مننا.
تحت امرمكم فى اى استفسار.
vU8xbR-pZ3UOj6gpF03hGcq72v6pfOtE.jpeg
 
#3
ولا فيه اي متعه دا تهد الحيل وتندم انك عملت العمله السوده دي بس للاسف لازم تقول هاجرب وبعد مابتجرب بتضرب نفسك 100 جزمه
 
#5
معلش سؤال فني هوا التسلق سهل فيها و في الوقت ده من السنه فعلا محتاج لبس شتوي و ليها سوبرجيت من القاهرة ديركت و اخبار الطريق ايه يعني بيرخموا فعلا في الكماين و كده و بيرجعوا الناس و لا العادي و بالنسبه لو فيه سوبرجيت ديركت بياخد اد ايه وقت و فلوس و حاجه اخيرة معلش لو معايا خيمه بتاعتي ممكن استخدمها للمبيت و لا فيه مشكله من العرب مثلا او الحكومة ؟؟
 
عرض العطلة
#6
Omar Ameenطلوع الجبل سهل جدا لانه عبارة عن ممرات سهلة بتطلع عادى مع جروب وبالنسبة للجو جميل جدا فوق لكن حاليا ساعة الفجر احيانا يكون برد شوية ... احتياطى خد معاك حاجة تقيلة ...... الصعود متعة وانت شايف كل الجبال بقت تحت منك .... ولو فى الشتاء هتشوف السحاب فى مستواك او اقل بدون مبالغة
 
#7
فعلا جبل كاترين بتمشي مسافة كبيرة جدا فى وادى الاربعين وبعدها مسافة على ما توصل تقريبا رايح جاى اكتر من 20 كيلومتر ...... بصراحة انت موسوعة يا دكتور DrAmr El-Kady Ahmed Haggag
 
#9
و معلش الطلوع بليل عادي و لو ههيا ممرات زي المدق يعني هل مضائه و لا يكون معايا الإضاءة بتاعتي ... معلش لو بزعجك بالاساله الكتير دي ...
 
#10
هوم انا يالنسبالي مكنتش واخد لان فيه بطاطين بتتأجر فوق على الجبل واحيانا بتكون مجانا بس الامر بسيط ممكن جاكيت واحد احتياطى او تكتفي بالبطاطين فوق بتلفها حوالين نفسك كده ساعة الفجر لان ونصيحه تقلل الاشياء الى هتشيلها عشان الارهاق وانت طالع Omar Ameen
 
عرض العطلة
#11
Omar Ameen الطلوع بالليل مفيش فيه مشاكل رغم قلة الاضاءة لكن كل 100 متر بتلاقي كافيتريا للمشروبات وبالتالي فيها اضاءة وكمان بيكون فيه سياح كتير طالعين وكل واحد معاه كشاف اضاءة صغير بتلاقي نقط بيضاء طول ما انت طالع والامور بتكون سهلة وممتعة
 
#14
طلعته مرتين وإستمتعت فيهم جداً جداً المتعه كلها في تفاصيل الرحله من اول السقعة والتلج مروراً بشروق الشمس بالراحة النفسية الرهيبة اللي بتحسها هناك بس أصعب حاجة بقي بعد ماتوصل للقمة وخلاص الشمس طلعت وبتبتدي رحلة النزول انت شايف الأرض قريبه بس هي بعيدة جداً بتبقي عايز ترمي نفسك من فوق علشان توصل او تستريح خالص هي رحله شاقة جداً ومحتاجة نفس طويل بس تستحق المغامرة
ملحوظة الصورة من تصويري مشهد شروق الشمس في جبل موسي
HZtuOmgWyq6IOD23eIgEMNOpip8-fXRQ.jpeg
 
#15
Ahmed Eldesokey فعلا النزول وهم لوحده تفضي شايف الدير من بعيد وتقول خلاص قربنا تتفاجيء ان لسه مسافة كبيرة هو فعلا ممتع وبالذات فى الشتاء عشان البرد والتلج والسحب
 
عرض العطلة
#16
انا شخصيا بحب اطلع الصبح لاستمتع بالمناظر في وضح النهار و بطلع راكب جمل ... برتاح شوية و اتغدي في فرش اليا و بعدين اطلع احضر الغروب من فوق قمة الجبل و اتعشي و ابات فوق و باجر بطانية او بنام ف الجامع .. اصحي احضر الشروق و انزل مشي علي رجلي ازور الدير بعد كدة
 
#18
متشكر جدا يا شباب علي المعلومات المفيده و شكلي هعمل زي الدكتور عمر بس اول مره هطلع استكشف الدنيا الاول . و بعدين ممكن اخيم. هناك
 
عرض العطلة
عرض العطلة
عرض العطلة
أعلى أسفل
عودة
قائمة