A
Ayman Comandoz
:: مسافر ::
الجواز ولا السفر؟
ناس هتقول الجواز سُنة الحياة، و وناس هتقول جواز ايه يا عم كفي الله الشر سافر وانبسط، و ناس هتقول إتجوز وسافر مفيش علاقة بين الاتنين..
الإرتباط في حد ذاته مش عكس السفر، إلا إنك طبعا مش هتقدر تعمل معظم الحاجات اللي فيها مرمطة في السفر بحُكم إن اللي هتتجوزها مصرية وهتتنك علي أهلك، بس عادي هتسافروا و هتتبسطوا وتعيشوا حياتكم .. الفكرة إن الجواز حاليا بقي صفقة مادية بشعة، بتستنزف فيها كل ما تملك أيا كان اللي بتملكه كتير او قليل، لأن الطلبات هتبقي بناءاً علي مستواك كده كده (أو أعلي)، كأن شرط من شروط الجواز إنك تبتدي حياتك مفلس أو مديون.. وبعدها طبعا السفر بالنسبة ليك هيبقي حِلم جميل بيعدي في خيالك من حين الي آخر..
اللي سافر و قابل أجانب وشاف هما بيتجوزوا ازاي وبيطَّلب منهم ايه عشان يكونوا أسرة هيكره حياته فعلا، البنت لو جبتلها خاتم أغلي من اللي إمكانياتك تسمح بيه هتعتبرك إنسان تافه، ولا إتفرّج عليهم بقي وهما بيختاروا شقة يعيشوا فيها وهما بيقارنوا ما بين شقة ٣٢ متر ولا ٣٦ متر، و الفرح حفلة ب٣ تعريفة بيتعزم فيها شوية ناس يتلمّوا حواليهم وخلاص، ده لو ماكنش المعازيم هم اللي عملين الحفلة أصلا، إحنا بنحكم عليهم بالأفراح اللي بنشوفها في الأفلام بس للأسف..
البنت عندنا تلاقيها بتقولك إن الجواز مودّة و رحمة، وهي قاعدة بتفكّر في إن مستحيل يجيلها شبكة أقل من شبكة نانسي بنت خالتها، والفرح مش أقل من ٣٠٠ فرد زي فرح ريم صاحبة نانسي بنت خالتها، والكوافير طبعا عند سعد الصغير ولا مش عارف اسمه ايه، والفستان لازم يبقي من نفس المكان اللي دينا بنت عم ريم صاحبة نانسي بنت خالتها إشترت فستانها منه، ده غير بقي اللي عمو وطنط هيعملوه فيك، فيلم إباحي بمعني الكلمة، يعني إنت عايز تصغرنا؟ يعني بنتنا ما تستهلش؟ علي فكرة إبن وزير الزراعة إتقدملها ورفضناه!! يعني سارة أختها تتجوز في شقة ٣٠٠ متر وإنت عايز تتجوزها في شقة ٢٨٠ متر!؟ يعني إحنا دافعين في الطقم الصيني ٢٠ ألف جنيه وإنت عايز تجيب العفش من دمياط!؟ ده غير بقي معركة الستاير والنجف والسجاجيد و القايمة و المؤخر.. بس المهم لازم تكمل نص دينك وإن الجواز مودّة و رحمة ..
لو إتقدمت لبنت وإطّلب منك الحاجات ديه، خد بعضك وإمشي و تعالي أقولك بقي تعمل إيه بفلوس الجواز، ٢٠٠٠ جنيه بتوع الكوافير هتقعد بيها ١٥ يوم في تايلاند زي البرنس، ٤٠٠٠ جنيه بتوع الفستان تقعد بيها شهر بين ماليزيا واندونيسيا، ٣٠ ألف جنيه بتوع الفرح تسافر اليابان والصين وكوريا الجنوبية تعمل صفقات مع مصانع هناك وتستورد بضاعة وتغتني وتقب علي وش الدنيا، فلوس العفش تسافر بيهم أوروبا وتعيش ملك هناك، فلوس الشبكة إشتري بيها دهب وخليه علي جنب هينفعوك في الأيام السودة اللي إحنا عايشنها ديه، نيجي بقي لفلوس الشقة، أقسم بالله تشتري بيها جزيرة في بحيرة نيكاراجوا في أمريكا الوسطي وتعيش بقيت حياتك في الجنة..
لو لقيت ناس محترمة تقدرك وتحترم إمكانياتك وما بيهتموش بالمظاهر و بالقرف اللي موجود في مجتمعنا ده، إتجوز، وسافر مع مراتك وإنبسطوا، أنا شفت ناس مرتبطة كتير جدا بيلفوا العالم و بأولادهم كمان
ناس هتقول الجواز سُنة الحياة، و وناس هتقول جواز ايه يا عم كفي الله الشر سافر وانبسط، و ناس هتقول إتجوز وسافر مفيش علاقة بين الاتنين..
الإرتباط في حد ذاته مش عكس السفر، إلا إنك طبعا مش هتقدر تعمل معظم الحاجات اللي فيها مرمطة في السفر بحُكم إن اللي هتتجوزها مصرية وهتتنك علي أهلك، بس عادي هتسافروا و هتتبسطوا وتعيشوا حياتكم .. الفكرة إن الجواز حاليا بقي صفقة مادية بشعة، بتستنزف فيها كل ما تملك أيا كان اللي بتملكه كتير او قليل، لأن الطلبات هتبقي بناءاً علي مستواك كده كده (أو أعلي)، كأن شرط من شروط الجواز إنك تبتدي حياتك مفلس أو مديون.. وبعدها طبعا السفر بالنسبة ليك هيبقي حِلم جميل بيعدي في خيالك من حين الي آخر..
اللي سافر و قابل أجانب وشاف هما بيتجوزوا ازاي وبيطَّلب منهم ايه عشان يكونوا أسرة هيكره حياته فعلا، البنت لو جبتلها خاتم أغلي من اللي إمكانياتك تسمح بيه هتعتبرك إنسان تافه، ولا إتفرّج عليهم بقي وهما بيختاروا شقة يعيشوا فيها وهما بيقارنوا ما بين شقة ٣٢ متر ولا ٣٦ متر، و الفرح حفلة ب٣ تعريفة بيتعزم فيها شوية ناس يتلمّوا حواليهم وخلاص، ده لو ماكنش المعازيم هم اللي عملين الحفلة أصلا، إحنا بنحكم عليهم بالأفراح اللي بنشوفها في الأفلام بس للأسف..
البنت عندنا تلاقيها بتقولك إن الجواز مودّة و رحمة، وهي قاعدة بتفكّر في إن مستحيل يجيلها شبكة أقل من شبكة نانسي بنت خالتها، والفرح مش أقل من ٣٠٠ فرد زي فرح ريم صاحبة نانسي بنت خالتها، والكوافير طبعا عند سعد الصغير ولا مش عارف اسمه ايه، والفستان لازم يبقي من نفس المكان اللي دينا بنت عم ريم صاحبة نانسي بنت خالتها إشترت فستانها منه، ده غير بقي اللي عمو وطنط هيعملوه فيك، فيلم إباحي بمعني الكلمة، يعني إنت عايز تصغرنا؟ يعني بنتنا ما تستهلش؟ علي فكرة إبن وزير الزراعة إتقدملها ورفضناه!! يعني سارة أختها تتجوز في شقة ٣٠٠ متر وإنت عايز تتجوزها في شقة ٢٨٠ متر!؟ يعني إحنا دافعين في الطقم الصيني ٢٠ ألف جنيه وإنت عايز تجيب العفش من دمياط!؟ ده غير بقي معركة الستاير والنجف والسجاجيد و القايمة و المؤخر.. بس المهم لازم تكمل نص دينك وإن الجواز مودّة و رحمة ..
لو إتقدمت لبنت وإطّلب منك الحاجات ديه، خد بعضك وإمشي و تعالي أقولك بقي تعمل إيه بفلوس الجواز، ٢٠٠٠ جنيه بتوع الكوافير هتقعد بيها ١٥ يوم في تايلاند زي البرنس، ٤٠٠٠ جنيه بتوع الفستان تقعد بيها شهر بين ماليزيا واندونيسيا، ٣٠ ألف جنيه بتوع الفرح تسافر اليابان والصين وكوريا الجنوبية تعمل صفقات مع مصانع هناك وتستورد بضاعة وتغتني وتقب علي وش الدنيا، فلوس العفش تسافر بيهم أوروبا وتعيش ملك هناك، فلوس الشبكة إشتري بيها دهب وخليه علي جنب هينفعوك في الأيام السودة اللي إحنا عايشنها ديه، نيجي بقي لفلوس الشقة، أقسم بالله تشتري بيها جزيرة في بحيرة نيكاراجوا في أمريكا الوسطي وتعيش بقيت حياتك في الجنة..
لو لقيت ناس محترمة تقدرك وتحترم إمكانياتك وما بيهتموش بالمظاهر و بالقرف اللي موجود في مجتمعنا ده، إتجوز، وسافر مع مراتك وإنبسطوا، أنا شفت ناس مرتبطة كتير جدا بيلفوا العالم و بأولادهم كمان