البوست عن جمال المناطق السياحيه في مصر وعدم...

[Mohamed Wagdi Farid]

البوست عن جمال المناطق السياحيه في مصر وعدم استغلالها والله مش علشان تعليم وتقدم تكنولوجي !!!!!!!
بصراحه ي جماعه انا روحت هولندا وايطاليا وعايش في المانيا بس بصراحه جمال مصر طاغي علي كل ده ❤❤ واحد صاحبي كان جاي من مصر ف اخدته عند بوابة براندبرج في برلين الي هما بيعتبروها اجمد حاجه عندهم اصلا وبيجيلها ملايين الناس يزوروها كل سنه وقف عندها بقوله يلا اصورك بيقولي تصورني فين قولتله البوابه ؟!
قالي بوابة ايه انا فاكرنا مروحين
#مصر جميله بصراحه بس الفكره ان بره او في اروبا عامة بيسوقوا للحاجه الي عندهم كويس جدااااااا حتي لو مالهاش اي تلاتين لازمه الفرق في التسويق والتنظيم بس #دا رايي

 

[Marwa Khafagy]

والنضافة والاهتمام

 

[Lwza Ibrahim]

و المعاملة و النصب

 

[Zainab Mohammed]

بجد؟؟؟
يعني عشان صاحبك مرداش يتصور يبقي كده مصر احلى في كل حاجة !
يا ترى احلي ف التراب الي بيتشم؟ ولا شكل البيوت الي يسد النفس؟ ولا الزحمة واللاأخلاقية في السواقة؟ ولا الالفاظ السيئة الي بتتسمع في الشارع؟ ولا اطفال الشوارع والhomeless في كل مكان ومفيش اي اهتمام بيهم من الدولة؟ ولا شكل الشوارع وعدم نظافتها؟ لا بجد قولي احلى في ايه ؟؟؟ عشان كلامك حاولت ادخله دماغي مش راضي

 

[Ayat Bagato]

انا كمان رايي كده. انا عايشه فى دبي وسافرت اجمل بلاد العالم بس فعلا مصر متميزة اوى بس متبهدله اوى وبالرغم من كده فيها حاجه حلوه
دايما بقول لما بيسألوني دبي أحلى ولا مصر يبقى ردى ان دبي ورده جميله بتكبر وربنا يبارك فيها وفى اَهلها المؤدبين .. بي مصر دى شجره حتى لو فروعها انكسرت وورقها وقع بس هى شجره ومينفعش أقارن ورده بشجره .. ربنا يصلح الحال

 

[Tawfik Azer]

أحييك على وطنيتك!!
المانيا ليست برلين فقط التى اذا تمت المقارنة بينها وبين باريس ولندن وبراج ستجئ بعدهم
انظر الى جنوب بافاريا والى وسط المانيا وما يربط بينهما (Romantic Road)

 

[Muhamed Fathy]

بحب جداً الناس الوطنيه الي بتحب مصر
مصر ام الدنيا وهبه النيل
مصر الامن والامان
مصر الحياه والطيبه
مصر يعني الحضن وقت ما الدنيا تقسي عليك
مصر ممكن تكتب فيها الف شعار لكن متقدرش تاخد فيها فيزا زي بتاعتك
يلا بقي تعالي مصر وانا اروح المانيا
قال مصر قال .. عالم صايصه
احنا مخدناش خير من البلد دي وبطلوا شعارات وكلام فاضي محدش عايش فيها الا ناس عملت فلوس والباقيين بيموتوا نفسهم علشان يلاقوا رغيف عيش
تحت شغار طز

 

[Ibrahim Elaidy]

على فكرة كلامك صحيح مصر حلوة كسياحة .. لكن لا تصلح للعيش فيها ..

 

[Mohamed Shouman]

مصر مين اللى احلى من المانيا انتو مجانين بصوت حزلقوم
احنا عايشين فى مستنقع حرفيا و عيشة مش آدمية ابداً

 

[Hend Ali]

مش عارفه الناس ال علقت ازاي مفهموش وجهه نظره هو بيتكلم عن جمال البلد ع فكره مصر من اجمل بلاد العالم للسياحة بس المسئولين خربينها مفيش نظافه ولا تنظيم ولا ترويج ولا اي نيله ع راسهم شوفوا سيناء متحرره من اكتر من 60 سنه وحالها عامل ازاي الجيش خربها دي لو موجوده ف دوله محترمه مكنش دا بقا حالها شوفوا الصعيد والاهمال ال فيه مع ان الصعيد فيه جمال وبساطه ياخد العقل ولا الريف ف اوروبا بيتهموا بيه جدا شوف مناطق الارياف ف مصر عامله ازاي الدول بتتنافس ع مين بيزرع شجر اكتر ف الشوراع سنويا احنا بقا محلتناش غير كام شجره ع الطرق الانجليز زرعوه من ايام الاحتلال البريطاني هو دا الفرق ال بينا وبينهم من ناحيه الجمال الطبيعي هو ميقصدش العلم والتكنولوجيا كدولة سياحيه ومناطق طبيعيه لو اهتمينا بيها ربع اهتمامهم مصر تكسب

 

[Enas Elshinnawy]

تمام جدا اتفضل سيب أوروبا وارجع مصر !

 

[Alaa Temsah]

مصر كبلد ووطن جميلة لكن المشكله في ساكنيها سواء حكومة او محكومين

 

[Mohamed Atwa]

انته من المنصورة
خلي صاحبك بقا ييجي يتصور عند بيراميزا ولا مكان من الاماكن السياحيه العريقه النظيفه الجميله ف المنصورة

 

[Sarah Azmy]

اه فعلا احنا بننتحر من الرفاهية الي عايشين فيها, انا اخدت مرة اجانب الهرم كرهوني و كرهوا مصر و كرهوا نفسهم!!!، مصر احلي من المانيا!!!اعقلوا الكلمة!!

 

[Aya Gmal]

فعلا مصر جميله في الصور بس لكن في الواقع عاوزه بلد فوق البلد

 

[Zaienab Ahmed]

معاك جدا ولو حد سافر واتغرب وشاف هيحس بكلامك .. مصر للاسف ماسكها شويه حراميه وقتالين قتله ... لكن البلد فعلا جميله جدا لكن منهوبه جداااا

 

[Walid Seleem]

اللهم ان صائم .. مصر جميلة قال .. هأو

 

[Mohamed Elsalkh]

Ahmed Hossam

 

[Kævën Tæwêüqê]

بروكسل كلها قايمه علي معلم سياحي ابسط من ماتتخيلوا ولد بيعمل بيبي علي الناس اه والله زمبقولك كده
الولد ده حكايته انه كان بيمشي وسط الألغام ايام الحرب العالميه وبيعمل بيبي علي اللغم فبيبطلوا

 

[Mohamed A. Zaki]

صح اعلب الدول بتعتمد على حاجة الناس بتهتم بيها جداً و تميزها و تسوقها سياحياً جامد انما مصر اي حاجة اياً كانت ما بتكملش و الناس بتخربها
ما عدا الاماكن الطبيعية خصوصاً سينا و دهب تحديداً اتفاجئت ان ألمان و بريطانيين و روس كتير يعرفوها تحديداً و انا ذات نفسي عرفتها من سنتين