سؤال ياشباب بخصوص الشنجن: ازاي اقدر اخد شنجن...

[Ahmed Fouad]

سؤال ياشباب بخصوص الشنجن:
ازاي اقدر اخد شنجن مالتي وايه اطول فترة ممكن اخدها؟ انا معايا شنجن المانيا ٧ ايام في ٢٠١٥ ومعايا تاشيرات تانية بس مش شنجن ولا امريكا.
شكرا مقدما لردودكم

 

[Adel Ammar]

السؤال الاول ملوش اجابه عندى
اطول مدة شنجن ٣ شهور
الشنجن الى اخدتها المره الى فاتت تقوى موقفك وساعات بتخليهم يدوك مده اطول

 

[Ali E. Elarb]

..

 

[Kævën Tæwêüqê]

ركز معايا شويه
علشان تاخد مده طويله لازم تعمل الأتي
او يكون عندك المتطلبات الأتيه
أولاً تثبت علي سفاره واحده تقدم فيها وليكن المانيا كل مره تقدم فيها ومع الوقت هايدوهالك مده طويله بعد ٤ مرات شنجن من نفس السفاره
ثانياً علشان تاخدها مده طويله لازم يكون تاريخ صلاحيه باسبورك طويل
ثالثاً لازم يكون وضعك وشغلك مستقر وثابت بقاله فتره
رابعاً يكون مرتبك ودخلك كبير
خامساً يكون حركه حسابك ورصيدك النهائي كبير
خامساًً تكون بتختم كل مره ختم علي الأقل من الختمين من دوله التأشيره
سادساً وده الأهم ارتياحهم النفسي ليك ولتاريخ سفرياتك ولوضعك في البلد
بالتوفيق...

 

[Ahmed Maher Gobbah]

الموضوع بالحظ وحسب مزاج القنصل والظروف السياسية للبلد وقوة ورقك... كل دي عوامل مالهاش علاقة ببعض ومؤثرة ... مثلا ممكن يكون ورقك قوي وعندم تاشيرات قوية بس التعليمات جاية للقنصل بتحديد عدد التاشيرات اللي طالعه من البلد... مالهاش مقياس ثابت..

 

[MhMd Said Sherif]

كل لما تسافر اكتر تاخدها اكتر..وركز تبقي من نفس السفارة

 

[Ahmad Wadan]

كل سفارة بمزاجها. أخدت ٣ شنجن كالتالي:

إسبانيا شهر مالتي
فرنسا ٦ شهور مالتي
النمسا ٢٦ يوم سنجل
وماحدش يسألني ليه ٢٦ يوم مش شهر

 

[Mohamed Aly]

انا عايز اعرف فيزا جورجيا اون لاين بيتعمل عليها تصريح امني ولا لازم فيزا من السفارة وكام سعرها ف السفارة؟