M
Moataz Ali
:: مسافر ::
سلاح ذو حدين:
انا من محبي الخرائط و برامجها و تطبيقاتها المختلفة... و لا تكتمل خطة السفر الناجحة الا بعمل خريطة شاملة لتحركات الرحلة و ربطها بشكل متكامل و مرن....
لكن في ٢٠٠٩ حصل معايا موقف اتعلمت منه خبرة مهمة جدا، و استفدت منها حتي الآن ...
كنت مسافر تبع الشغل الي أوروبا بعد عدة أشهر، و قررت زيارة باريس مع زوجتي بعد انتهاء مهمة العمل...
و بما أن كان هناك وقت طويل قبل السفر ، فكانت فرصة افحص و امحص كل تفاصيل الرحلة خطوة بخطوة مع استخدام تطبيق شوارع جوجل Google Street view اللي كان حديث نسبيا في الوقت ده...
انبهاري الشديد بالبرنامج خلاني اقضي وقتي طويل امشي نفس مسار رحلتي شارع شارع و خطوة بخطوة من خلال البرنامج المدهش جدا أيامها....
طيب فين المشكلة؟
المشكلة ان ما زاد عن حده، انقلب ضده
نزلنا باريس، و انا و لا اي احساس أو متعة تماما، لان من كتر حفظي للشوارع و اشكال المحلات كنت كاني ماشي في مدينتي اللي عايش فيها كل يوم، و كانت رحلة ناجحة تنظيميا للغاية، لكن فاشلة سياحيا لاقصى حد!!!!
خلاصة التجربة دي، اني اتعلمت أن من أكبر متع السفر هي رؤية أماكن جديدة لأول مرة، و بقيت بخطط للرحلة كويس جدا، لكن بأقل قدر ممكن من التفاصيل البصرية ، و خاصة الفيديوهات الحديثة و تقنيات الواقع الافتراضي... علشان احافظ علي متعة زيارة اي مكان جديد....
خطط صح، لكن بلاش تحرق التفاصيل البصرية ....
حد عنده تجربة شبيهة؟
انا من محبي الخرائط و برامجها و تطبيقاتها المختلفة... و لا تكتمل خطة السفر الناجحة الا بعمل خريطة شاملة لتحركات الرحلة و ربطها بشكل متكامل و مرن....
لكن في ٢٠٠٩ حصل معايا موقف اتعلمت منه خبرة مهمة جدا، و استفدت منها حتي الآن ...
كنت مسافر تبع الشغل الي أوروبا بعد عدة أشهر، و قررت زيارة باريس مع زوجتي بعد انتهاء مهمة العمل...
و بما أن كان هناك وقت طويل قبل السفر ، فكانت فرصة افحص و امحص كل تفاصيل الرحلة خطوة بخطوة مع استخدام تطبيق شوارع جوجل Google Street view اللي كان حديث نسبيا في الوقت ده...
انبهاري الشديد بالبرنامج خلاني اقضي وقتي طويل امشي نفس مسار رحلتي شارع شارع و خطوة بخطوة من خلال البرنامج المدهش جدا أيامها....
طيب فين المشكلة؟
المشكلة ان ما زاد عن حده، انقلب ضده
نزلنا باريس، و انا و لا اي احساس أو متعة تماما، لان من كتر حفظي للشوارع و اشكال المحلات كنت كاني ماشي في مدينتي اللي عايش فيها كل يوم، و كانت رحلة ناجحة تنظيميا للغاية، لكن فاشلة سياحيا لاقصى حد!!!!
خلاصة التجربة دي، اني اتعلمت أن من أكبر متع السفر هي رؤية أماكن جديدة لأول مرة، و بقيت بخطط للرحلة كويس جدا، لكن بأقل قدر ممكن من التفاصيل البصرية ، و خاصة الفيديوهات الحديثة و تقنيات الواقع الافتراضي... علشان احافظ علي متعة زيارة اي مكان جديد....
خطط صح، لكن بلاش تحرق التفاصيل البصرية ....
حد عنده تجربة شبيهة؟