M
Mahmoud Omar
:: مسافر ::
تجربة سفر شخصيه
كنت حابب افصل و اغير جو يومين تلاته ف شرم و نفس الوقت كنت عايز اوفر لان الحاله الماديه مكنتش سامحه بصرف كتير
ف فكرت اطلع ف بيت الشباب ( اللى اتصلت بيهم اكتر من 10 ايام و دايما الرد مفيش مكان ) المهم كلمت ناس زمايلى و قعدت معاهم ف سكنهم ف الغرقانه
نبدأ الرحله بقي
البدايه تذكرة ذهاب الاتحاد العربي ( سوبرجيت 125 ج ) الاتوبيس كان كويس بنسبة 90% بس الطريق هو اللى كان رخم لانه لف كتييييير ( الجيزه - عبد المنعم رياض - الماظه ) غير تفتيتش الطريق عند النفق و الكماين المهم انى ركبت الساعه 2.3 صباحا وصلت 12 ظهرا
صليت الجمعه و رحت البيت كلت و نمت لحد الساعه 6 و نزلت بقى
*** يوم الجمعه
نزلت سوهو سكوير ( مكان ظريف جدا و جوها حلو و ممتاز بالنسبه للناس اللى بتحب التصوير هتتصور كتير مع التماثيل البرونزيه اللى هناك و النافوره الراقصه وفيها كافيهات كتير هنا اللى يحب يقعد بس انا مقعدش اتمشيت بس واقدر اقول انى انبسط بنسبة 100% )
وبعدها نزلت ع السوق القديم و المشايه و روحت بعدها
*** يوم السبت اليوم التانى
نزلت بحر ( روحت شط فندق JAFY ) فى نعمه
الشط ظريف و رملي و مناسب للسباحه جدا
تيكت الدخول 100 ج ( ادانى بشكير و كده كده الشيزلونجات و الشماسى موجوده ) اقدر اقول انبسط ف البحر 100 %
روحت اتغديت و غيرت و نزلت على 9 بليل روحت Little Budda التيكتب ب 200 ج وليك ( مشروب هارد او 2 مشروب سوفت )
قعدت فيه من 11.30 لحد 4 صباحا
بس المكان ضيق شويه و العدد كان كبير و اتفاجات ان ع الساعه 3 الناس ابتدت تمشى ( اللى هوا انا لما بدخل ديسكو هنا بيفضل زحمه لحد 6 و 7 الصبح ) بس اقول كانت سهره معقوله
روحت البيت الساعه 6 الصبح ,,, نمت ساعه واحده لانى كنت رايح (( دهب ))
*** يوم الاحد اليوم الثالث ((( المأساااااه ))
اولا مع كامل احترامي لناس اللى بتحب دهب كانت صدمه بالنسبه لي
بدانا الرحله الساعه 8 الصبح
عربيه مرسيدس دفع رفاعي طبعا شايلين الكنب اللى ورا وحطتين كنبتين قصاد بعض عشان يززدوا عدد الناس ( كنا 7 ف العربيه )
قاعدين مزنوقين ركبنا بتخبط ف بعضها و الجو حر و الباشا مش مشغل التكييف قال ايه عشان ميأثرش على عزم العربيه
طيب اتشوينا ف العربيه و كاوتش اللي ورا فرق و نزلنا ف الصحرا غيرناه وكملنا على دهب
جبال الكانيون وقفنا هناك و اتصورنا و انا حقيقي كنا مستنى اشوف حاجه اصرخ منها للدهشه انما مفيش و محستش باى حاجه من الوهم اللى كان قاعد بيحكيه
ساعه و نص تقريبا ف الجبل نتمشى و نقف و ننزل من العربيه و نطلع و هكذا لحد ما خلصنا و خرجنا من الجبل ( هنروح مركز لتأجير معدات السنوركلينج للى عايز ينزل الميا (( ايجار العده كامله بدله / نظاره / تيوب / زعانف 150 ج / و الرحله اصلا ب 300 ج يعني 450 ج ف كام ساعه عشان اروح دهب و ارجع (( طبعا لا انا ولا الناس اللى معايا نزلنا لان حسينا باستغلال ف الموضوع ))
المهم نزلنا ع البحر ركبنا جمال 10 دقايق تقريبا لحد مكان الغطس
احنا منزلناش ( كان معانا 2 روس بس هما اللى نزلوا استنانهم لحد ما طلعو م الميا عشان نتغدي )
ههههههه الغدا ( ربع فرخه زى الفرخه بتاعت لينا + صباعين كفته متعرفش ولا سجق ومعلقتين رز و معلقتين مكرونه اسباجيتي ) كلنا طبعا سد جوع مش اكتر لاننا من 7 صباحا ل 2 الضهر محطناش حاجه ف بوقنا
اتغدينا و نزلنا الممشى السياحي ف دهب اللى هو لقيناه عدد محلات يتعد ع الصوابع و شكرا على كده لفينا وركبنا العربيه ف طريق الرجوع
الاستغلال المصرى ف ابشع صوره
ازازة الميا عند البلوهول ب 20 ج ليه معرفش
دخول الحمام ب 3 ج و تاخد دش ب 5 ج ( حتى دخول الحمام بفلوس ي فجره )
و ازازة الميا ف الممشى السياحي ب 10 ج و ايس كريم ميجا ب 15 ج ماهي ظاطتت بقى
بس اقدر اقول عن نفسي مشوار دهب ده (( بالنسبه لي )) كان اشتغاله 100% ورحله غير موفقه تماماااااااا
رجعت اتغديت و نمت و تانى يوم جيت ادخل شط اريح فيه ساعتين قبل معاد الاتوبيس طبعا معرفتش و هقولك على اسعار الشواطئ اللى سألت عليها
- شاطئ عام ف نعمه ب 10 ج ( بس دخول عائلات بس شباب لا )
- فندق دلتا شرم ب 40 ج ( بس تسيبك اى حاجه معاك بره مرضيش يدخلنى بازازة الميا يقولي سيبها ف الامانات ولماتحب تشرب تعالى اشرب , قولتله لا سلام )
- نوفوتيل ب 25$ ( ايوه 25دولار يعني 450 ج مصري عشان ادخل اشوف البحر , طبعا طلعت اجري ههههههه )
- ماريوت ب 130 ج ( بيدك ازاة ميا صغيره + بيتزا + بشكير و شيزلونج طبعا )
- جافى ريزوت ب 100 ج ( مدخلتوش بقي لاني دخلته اول يوم )
- لقيت مدخل تانى كده بين ماريوت و جافي مكتوب عليه البستان دخلت بس لقيت الشيزلونجات و المراتب اللى عليها متبهدله و حقيره جدا خرجت تانى )
روحت البيت حضرت الشنطه و سافرت
تذكرة عوده جوباص ب 140 ( للاسف الكرسى كان ضيق ورخم والسواق طول الطريق مشغل اغانى نجاة و ام كلثوم شغل يعم افلام لا معييش فلاشه مره واحده بعد الرست تتفرجوا على فلم ببقي , شغل فلم عربي و التانى اجنبي مترجم صينى و احد بيقوله غيره يا اسطي , راح قافل الشاشه قاله ايه رايك ف التغيير ده :O
وكده انتهت الرحله
بص نصيحه بقى وانا بحكي كل ده ليه ؟؟
اولا متسافرش مع نفسك و تغلط غلطتي و تقول اوفر
لا لا لا انزل مع شركة حتى لو فندق 4 نجوم ارحم من البهدله دي
انا كنت عايز اوفر , صرفت ف 3 ايام 1100 ج
ولا كلت ولا شربت ولا اى حاجه
ثانيا لما تسافر سافر مع حد ليه نفسك دماغك عشان تنبسطوا سوا
ثالثا العربيه هي روووووح المصيف لولا ان شرم بعيده و مسافه كبيره كنت سافرت بالعربيه
شكرا ليكم جميعا واسف للاطاله
كنت حابب افصل و اغير جو يومين تلاته ف شرم و نفس الوقت كنت عايز اوفر لان الحاله الماديه مكنتش سامحه بصرف كتير
ف فكرت اطلع ف بيت الشباب ( اللى اتصلت بيهم اكتر من 10 ايام و دايما الرد مفيش مكان ) المهم كلمت ناس زمايلى و قعدت معاهم ف سكنهم ف الغرقانه
نبدأ الرحله بقي
البدايه تذكرة ذهاب الاتحاد العربي ( سوبرجيت 125 ج ) الاتوبيس كان كويس بنسبة 90% بس الطريق هو اللى كان رخم لانه لف كتييييير ( الجيزه - عبد المنعم رياض - الماظه ) غير تفتيتش الطريق عند النفق و الكماين المهم انى ركبت الساعه 2.3 صباحا وصلت 12 ظهرا
صليت الجمعه و رحت البيت كلت و نمت لحد الساعه 6 و نزلت بقى
*** يوم الجمعه
نزلت سوهو سكوير ( مكان ظريف جدا و جوها حلو و ممتاز بالنسبه للناس اللى بتحب التصوير هتتصور كتير مع التماثيل البرونزيه اللى هناك و النافوره الراقصه وفيها كافيهات كتير هنا اللى يحب يقعد بس انا مقعدش اتمشيت بس واقدر اقول انى انبسط بنسبة 100% )
وبعدها نزلت ع السوق القديم و المشايه و روحت بعدها
*** يوم السبت اليوم التانى
نزلت بحر ( روحت شط فندق JAFY ) فى نعمه
الشط ظريف و رملي و مناسب للسباحه جدا
تيكت الدخول 100 ج ( ادانى بشكير و كده كده الشيزلونجات و الشماسى موجوده ) اقدر اقول انبسط ف البحر 100 %
روحت اتغديت و غيرت و نزلت على 9 بليل روحت Little Budda التيكتب ب 200 ج وليك ( مشروب هارد او 2 مشروب سوفت )
قعدت فيه من 11.30 لحد 4 صباحا
بس المكان ضيق شويه و العدد كان كبير و اتفاجات ان ع الساعه 3 الناس ابتدت تمشى ( اللى هوا انا لما بدخل ديسكو هنا بيفضل زحمه لحد 6 و 7 الصبح ) بس اقول كانت سهره معقوله
روحت البيت الساعه 6 الصبح ,,, نمت ساعه واحده لانى كنت رايح (( دهب ))
*** يوم الاحد اليوم الثالث ((( المأساااااه ))
اولا مع كامل احترامي لناس اللى بتحب دهب كانت صدمه بالنسبه لي
بدانا الرحله الساعه 8 الصبح
عربيه مرسيدس دفع رفاعي طبعا شايلين الكنب اللى ورا وحطتين كنبتين قصاد بعض عشان يززدوا عدد الناس ( كنا 7 ف العربيه )
قاعدين مزنوقين ركبنا بتخبط ف بعضها و الجو حر و الباشا مش مشغل التكييف قال ايه عشان ميأثرش على عزم العربيه
طيب اتشوينا ف العربيه و كاوتش اللي ورا فرق و نزلنا ف الصحرا غيرناه وكملنا على دهب
جبال الكانيون وقفنا هناك و اتصورنا و انا حقيقي كنا مستنى اشوف حاجه اصرخ منها للدهشه انما مفيش و محستش باى حاجه من الوهم اللى كان قاعد بيحكيه
ساعه و نص تقريبا ف الجبل نتمشى و نقف و ننزل من العربيه و نطلع و هكذا لحد ما خلصنا و خرجنا من الجبل ( هنروح مركز لتأجير معدات السنوركلينج للى عايز ينزل الميا (( ايجار العده كامله بدله / نظاره / تيوب / زعانف 150 ج / و الرحله اصلا ب 300 ج يعني 450 ج ف كام ساعه عشان اروح دهب و ارجع (( طبعا لا انا ولا الناس اللى معايا نزلنا لان حسينا باستغلال ف الموضوع ))
المهم نزلنا ع البحر ركبنا جمال 10 دقايق تقريبا لحد مكان الغطس
احنا منزلناش ( كان معانا 2 روس بس هما اللى نزلوا استنانهم لحد ما طلعو م الميا عشان نتغدي )
ههههههه الغدا ( ربع فرخه زى الفرخه بتاعت لينا + صباعين كفته متعرفش ولا سجق ومعلقتين رز و معلقتين مكرونه اسباجيتي ) كلنا طبعا سد جوع مش اكتر لاننا من 7 صباحا ل 2 الضهر محطناش حاجه ف بوقنا
اتغدينا و نزلنا الممشى السياحي ف دهب اللى هو لقيناه عدد محلات يتعد ع الصوابع و شكرا على كده لفينا وركبنا العربيه ف طريق الرجوع
الاستغلال المصرى ف ابشع صوره
ازازة الميا عند البلوهول ب 20 ج ليه معرفش
دخول الحمام ب 3 ج و تاخد دش ب 5 ج ( حتى دخول الحمام بفلوس ي فجره )
و ازازة الميا ف الممشى السياحي ب 10 ج و ايس كريم ميجا ب 15 ج ماهي ظاطتت بقى
بس اقدر اقول عن نفسي مشوار دهب ده (( بالنسبه لي )) كان اشتغاله 100% ورحله غير موفقه تماماااااااا
رجعت اتغديت و نمت و تانى يوم جيت ادخل شط اريح فيه ساعتين قبل معاد الاتوبيس طبعا معرفتش و هقولك على اسعار الشواطئ اللى سألت عليها
- شاطئ عام ف نعمه ب 10 ج ( بس دخول عائلات بس شباب لا
) - فندق دلتا شرم ب 40 ج ( بس تسيبك اى حاجه معاك بره مرضيش يدخلنى بازازة الميا يقولي سيبها ف الامانات ولماتحب تشرب تعالى اشرب , قولتله لا سلام )
- نوفوتيل ب 25$ ( ايوه 25دولار يعني 450 ج مصري عشان ادخل اشوف البحر , طبعا طلعت اجري ههههههه )
- ماريوت ب 130 ج ( بيدك ازاة ميا صغيره + بيتزا + بشكير و شيزلونج طبعا )
- جافى ريزوت ب 100 ج ( مدخلتوش بقي لاني دخلته اول يوم )
- لقيت مدخل تانى كده بين ماريوت و جافي مكتوب عليه البستان دخلت بس لقيت الشيزلونجات و المراتب اللى عليها متبهدله و حقيره جدا خرجت تانى )
روحت البيت حضرت الشنطه و سافرت
تذكرة عوده جوباص ب 140 ( للاسف الكرسى كان ضيق ورخم والسواق طول الطريق مشغل اغانى نجاة و ام كلثوم شغل يعم افلام لا معييش فلاشه مره واحده بعد الرست تتفرجوا على فلم ببقي , شغل فلم عربي و التانى اجنبي مترجم صينى و احد بيقوله غيره يا اسطي , راح قافل الشاشه قاله ايه رايك ف التغيير ده :O
وكده انتهت الرحله
بص نصيحه بقى وانا بحكي كل ده ليه ؟؟
اولا متسافرش مع نفسك و تغلط غلطتي و تقول اوفر
لا لا لا انزل مع شركة حتى لو فندق 4 نجوم ارحم من البهدله دي
انا كنت عايز اوفر , صرفت ف 3 ايام 1100 ج
ولا كلت ولا شربت ولا اى حاجه
ثانيا لما تسافر سافر مع حد ليه نفسك دماغك عشان تنبسطوا سوا
ثالثا العربيه هي روووووح المصيف لولا ان شرم بعيده و مسافه كبيره كنت سافرت بالعربيه
شكرا ليكم جميعا واسف للاطاله