#حلوه_يابلدي لما قررت من فتره اني اعمل كتاب...

[Mohammed Ali Zaid]

#حلوه_يابلدي لما قررت من فتره اني اعمل كتاب عباره عن دليل لكل محافظات مصر يكون شامل كل المناطق اللي انت تقدر تسافر فيها و تستمتع فيها في في مصر مش شرط عشان تستمتع او تشوف حاجات جديده انك تسافر بره مصر و تحط نفسك تحت رحمة التأشيره و لا حجز الفندق و لا اسعار تذاكر الطيران صحيح السفر شئ جميل و اي حد يتمني انا يسافر و انا اتمني كده كمان بس قبل كل ده لازم تعرف ان مصر بمحافظتها بسكنها بمعالم الزياره و الاماكن الجميله اللي تقدر تشفها متقلش خالص عن اماكن بره كتير بل بالعكس بتحس انك في بلدك و بتساعدك انك تعرف علي شعوب مختلفه صحيح هما مصريين بس فيهم طباع كتير بتميزهم بحكم المكان و طبيعة الحياه اللي هما عيشين فيها غير ان زيارتك للمحافظات و الاماكن دي انا هعتبرها بمثبابة اختبار مصغر للسفر للخارج تقدر تتعلم منه و تكتسب منه حاجات كتير عشان لما تسافر تبقي شخص مؤهل شخص بيعرف يتعامل يعرف بشتري يعرف يتفسح يعرف يعمل لنفسه جدول و يسستم نفسه علي قد الفلوس اللي معاه ......
#من_هنا_ابتدي_المشوار
#بور_سعيد
من حكاوي زمان بيقلك لما كان حد بيتشغل في مجال السفر و التجاره لما ميلاقهوش او اتنسي كان يلاقوه في منطقتين لاما لندن لاما بور سعيد
#بور_سعيد تحس انك في بلد بجمالها و نظمها و روقنها انك في اوروبا لكن بطيبة و كرامة شعبها انك في مصر و انك مش غريب عن المحافظه يابن عمي ☺☺
هكلم الاول خالص عمتآ و ده هيكون التنسيق اللي هتكلم فيه قدام شويه عن المحافظات عموما
اولا #الشعب_البور_سعيدي طيبه كرم جدعنه الناس بتبتسملك و بتسعدك باقصي جهدهم تحسه شعب شيك راقي في اسلوبه في تعامله في شياكته في عربياته تقريبا بيعشقوا #الهوندا تلاقي عربيه موديل تمنينات و مصروف عليها ووقفه علي رجليها متلافيش العرييات المدغدغه و اللي مش قدره تمشي لا شعب فعلا بيهتم بجوهرة الخارجي و قبل ميهتم بجوهره الداخلي هو فعلا نضيف و راقي من جوه ... صراحة الكلام مهما كتر مش هيوافي حقكم و تحية شكر و تقدير ليكم
ثانيا #الشوبنج طبعا لو اتكلمنا عن الملابس في بور سعيد مش هنوافيها حقها الاسعار مش هقول غاليه و لا هقول رخيصه بس الي حد ما كويسه و فيه حاجات كتير مش موجوده في محافظات في مصر و لو موجوده بتكوت غاليه جدا هنا ممكن تجبها بنصف التمن ... و بتعتبر سياحة شراء الملابس في بور سعيد من اهم السياحات اللي ممكن تعملها بدل متطلع تعمل شوبنج في دبي و لا باريس ☺☺☺ اسمع مني بور سعيد فيها حاجات تستاهل فعلا بس الشيخ البعيد سره باتع ☺☺ اماكن تجمع الملابس بتتقسم مراحل يعني كل فئات الشعب و خده حقها من الغلبان هيقدر يلبس احلي لبس و اشيك حاجه و اللي معاه فلوس هيقدر يلبس احلي لبس الاسواق اللبس عندك الشارع الحميدي و التجاري و سوق الباله الجديد و القديم و الخي الافرنجي ناحية المعديه هتلاقي سوق فاتح كده زي الحميدي و التجاري بخلاف المخلات الرئيسيه اللي اسعارها عاليه جدا بس خد بالك ماركات و برضوا ارخص مهتشتريها من تحت ☺☺ تقدر تروح اي مكان من الاماكن دي بتاكسي ب ثمانيه جنيه بالكتير اوي ده حتي سواق التاكسي بيرجعلك الاتنين جنيه قبل مياخد الفلوس تقله خلي يقلك الله يكرمك فيه فكه
ثالثا #المزارات كده انت اشتريت الحته الجديده و زي الفل بس خد بالك في جمرك متنساش بس مش زي مانت متخيل مهي منطقه حره بقي ... نيجي للمزارات طبعا اسواق الملابس اللي انت زرتها دي مزارات ازاي تيجي بور سعيد و متعملش سياحة ملابس عنصر اساسي جدا من الرحله فيها عندك ممكن تاخد تاكسي ب تمنيه جنيه و تطلع عالمعديه تركب المعديه و تعدي الناحيه تانيه بور فؤاد حاجه كده عمله زي المعادي او الزمالك تاخد المعديه رايح جاي مرتين تلاته ببلاش بقي ☺☺☺ وتتمشي شويه كده في بور فؤاد او متنزل من المعديه و تصلي في الجامع الكبير اللي هناك و بعد كده ترجع علي بور سعيد تاني هتشوف القسم القديم اللي عند المعديه حاجه كده من معالم بور سعيد لو نفتكر فيلم المشبوه بتاع عادل امام و هتشوف كمان مبني هيئة قناة السويس لما سألت عرفت ان من المكان ده ابتدي حفر القناه تتمشي شويه بقي علي الممشي السياحي لقناة السويس في جو ريلاكس و هدوء لحد متوصل لقعدة ديلسبس اللي كان ابو العربي حاطط عليها تمثال ابوه الشهيد ( حبس تمثال الشهيد مزعلنا ) و تروح طالع عالبحر الشواطي كلها مجانا حتي الشواطي اللي باصه علي الفنادق الكبيره الفنادق ملهاش شاطئ خاص لكن بتبص عالشاطي مباشرة و بصه علي الممشي اللي عالبحر
مفيش حاجه قدمهت غير البحر بس برده ملهاش شاطئ خاص و دي حاجه كويسه جدا انك ممكن من اول بور سعيد للاخر تمشي عالممشي ده توصل طبعا الممشي كويس جدا و نضيف تقدر تتفسح غيه بليل و تقضي في يوم جميل بالنسبه للقري هتلاقي عندك قري كتير زي النورس هتلاقي عندها مول حلو ممكن تخشه و بعديها كروان و كناري قري كتير جدا جميله فيها حمامات سباحه و خدمات كويسه و برده ملهاش شاطئ خاص و دي حاجه جميله صراحه و غير كده هما مهتمين بيها ... اما بقي ممكن تنزل البحر و عشان اكون صريح البحر بحكم انه جنب ميناء و وورش سفن ورابط مع القناه و بتعدي عليه مراكب و تحميل و تفريغ غير ان الارض غامقه فمغمقه المياه بس هو جميل و رايق جدا و النياه هاديه جدا فيه بدون امواج و هتستمع بيه و القعده عليه كويسه و الكافتريات اللي عالرمل رخيصه و اسعارها جيده ... كده انت زورت بور سعيد ممكن بقي و انت خلصت كل ده تامسي كده يلف بيك شويه يوريك الاستاد و كام منطقه كده كمان ب 8 جنيه برضوا هتستمع بالاماكن دي جدا
البلد هديه جميله مش زحمه حتي الزحمه لو في يوم خميس بيقلوا ان البلد زحمه بس مش عارف ازاي دي كده ريقه و زي الفل بحكم الخميس افراح بقي ( تحس ان البور سعيديه مبيتجوزوش غير يوم خميس ☺☺☺) فيه اتنين فيه تلات في سبت ☺☺☺
في نهاية الرحله تقدر تسافر القاهره تاني بالبيجو ب 41 جنيه من الموقف اللي عند الجمرك او السوبر جيت و تبقي قضيت يوم جميل و انبسطت و اتسوقت و كل سمك السمك هناك كويس و فيه محلات في السوق كتير و سمكهم طازه هما منبع السمك .... هدوم و سمك و عربيات و اخر كلامي احب اوجه الشكر لكل العب البور سعيدي اهل الكرم و الجدعان و احب انها تتكرر تاني باذن الله نكون عرفنا ناس بور سعيديه يعرفونا اماكن اكتر و احلي في بلدهم ... و عايز اقول انت ممكن تصيف و تقضي يومين في بور سعيد في قري كتير و شقق مصيفيه تقدر تبحث عنها عالنت المصيف فيها جميل و هادي و نفس الوقت مش مكلف و فيه اماكن كويسه وخروجات تقدر تنبسط بيها و تشفها #حلون_يابلدي مصر فيها اماكن جميله جدا لازم نشفها لازم نتعرف علي سكنها شوف نفسك انت عندك كام سنه و احسب انت زرت كام محافظه في مصر ☺☺☺ كبيرك خمسه سته صدقني خد خبره من السفر و السياحه الداخليه هتاخد خبره و رخيص و هتفهم معني السفر و بعد مده فكر تسافر بره بس شوف جمال مصر و معالمها الاول فعلا فيها اماكن لازم تتشاف #مصر_جميله من هنا ابتدي المشوار و انتظرونا في جوبه اخري بمحاقظه تانيه باذن الله و #حلوه_يابلدي