A
Ahmed Anwar
:: مسافر ::
سيريلانكا بلد هايله ..هي فقيره لكن فيها اماكن جميله ..طبعا كولومبو العاصمه مفيهاش كتير يتزار غير وسط بلد وكام مول بسيط ..لكن ممكن لو عاوز طبيعه تروح بينوالا و فيها محميه او ملجا الافيال ..عنهم حوالي 80 فيل ..الطبيعه خلابه فوق ما تتصور ..و ممكن تكمل لكاندي ..بلد في قمه الجبل وفي وسطها بحيره وكلها محاطه بغابات مهوله...نضيفه زي سويسرا كدا ..اخرك في كولومبو يومين وكاندي يومين ...بعدها ترجع كولومبو وتاخد طريق الجنوب لجول وبنتوته ..هناك بقي الشواطي والرمله البيضا زي المالديف بس ارخص كتير ...بالنسبه للمالديف ..العاصمه مالو فيها شواطي بس مش اللي بتشوفها في التليفزيون ..الجزر هي الافضل طبعا و هي ملل السنين ..لان الصبح قيلتك علي الميه وباليل مفيش غير اللي بيعمله الفندق وبس ..وغالبيه الفنادق النضيفه بيتراحلها بطياره بتنزل علي الميه ..طبعا الاسعار وهميه وانسي كلمه رخيصه دي مطلقا .....لو عاوز حاجه في الحنين ووجه حسن روح الفلبين ..ولو قارنت السيريلانكيين و المالديفيين ..هتعرف ان افضل منهم في التعامل والشكل