السلام عليكم جميعاً .... قاعد في فندق في...

[Mohaned Krema]

السلام عليكم جميعاً ....

قاعد في فندق في تونس من المفترض انه 5 نجوم ، المكيف اول شيء ميخدمش .

وتاني شيء طالع بنمشي لداري لقيت طوبواتهم متع المجاري شكله متفولتات والدنيا كلها مغدره ، طحت تزلحقت علي جنبي وايدي قريب انكسرت وانتفخت .....

هل يحق ليا كمقيم ان اشتكي فيهم في وزارة السياحة متعهم او لا وماهو الإجراء اللازم مع العلم انه طيارتي غدوا المغرب ؟؟

 

[Abrar EL]

حظك جميل
اي اشتكي خلي يولي نجمتين لين يعرفو كيف يشدو فندق ولا يسكروه خير وسمله عليك باهي جاتك باللطف وماتكسر فيك شيئ

 

[Drar Makaveli]

دير جو الليبين ياخوي كسرلهم الدنيا فوق روصهم او طالب بحقك ياخوي لانهم كمشه كلاب حشاك

 

[Farah Boukshim]

عدي للرسيبشن اقلبها لهم ويردولك على الأقل جزء من الفلوس هذي مش معامله يخافو على سمعتهم حيديرولك حل

 

[Koka Elmansury]

انزللهم طالب بي الفلووس الي دفعتها وتعويض اخري ولا. تهددهم انه ابلغ فيهم بس قبلها. لم حجاتك راه يسرقوك بس

 

[Nonna Mokasabi]

شن اسمه الهوتيل

 

[Manoo Zafer El-madani]

لازم تشكي وتطالب بتعويض يردو حتي نص القيمه
ليش الليبين ديما مترددين ف انه نطلبو حقنا ونحسو فيها عيب مع انه هذا حقك
علي فكره اسلوب هذا هوا اللي ينزل قيمتنا بين الشعوب الاخرا
لأنه بدينا نرضو بأي شي حتي لو علي حساب انفسنا

 

[Mohaned Krema]

للعلم ياشياب اني مش دافع شيء علي حساب المنظمة .
والفندق إسمه Regency Tunis

 

[Mohamed Ben Mussa]

تقدر ترد فلوسك وتشوف فندق اخو

 

[Eman Elfakhree]

لازم تشكي اكييد شنو المعامله التعبانه هذي حسبنا الله ونعم الوكيل فيهم

 

[Mohaned Krema]

السلام عليكم ياشباب ...

بعتت صوري للجماعه الي في الريسبشن .. ووريتهم الفيديو .

قعدوا يتأسفو هلبا وعرضوا عليا نمدد إقامتي ، قلتلهم طيارتي اليوم .

قالولي خلاص كانك جاي تونس الأيام الجايه عندك اقامة مفتوحه ومجانيه .