لو الواحد عنده فرصه يسافر من بكرا لروسيا ويعيش...

[Ahmed Mohamed]

لو الواحد عنده فرصه يسافر من بكرا لروسيا ويعيش فيها وهتكون ف مدينه زي سانت بيتر يعني كويسه جدا بس الناس بتقول ان روسيا فقيرا
او يستني سنه او اتنين ويسافر كندا او استراليا مع الرغم ان مش مضمون بردو
عكس روسيا وومكن ف الاخر يتصدم وميعرفش يسافر
تفتكرو ايعمل ايه ؟ مدينه زي سانت بيتر انا شايفه فيها حياه وحركه عكس كندا
بس الجواز السفر الكندي اقوي من الروسي لو بصينا للمستقبل
لو حد عنده نصيحه مايبخلش عليا بيها ولو حد سافر روسيا سانت بيتر او موسكو او كندا يفيدنا

 

[Islam Mohamed Soliman]

أنا رأيى روح روسيا
لو لاقيت نفسك متعايش و الأمور طبيعية و كويسة كمل
لو الأمور مش ماشية كويس أبدأ مشوار كندا او استراليا اللى حياخد وقت

 

[عبدة الانجليزى عبدالغفار]

اتوكل على الله وانا معاك على روسيا لو في فرصة

 

[Ahmed Nabil]

معظم الروسين الي شغالين ف غردقه وشرم من سان بيتر

 

[Malak Mikhail]

اتكل علي الله و روح روسيا
كانو بيقولو لي برضو هتروح تايلاند تعمل ايه دي دولة فقيرة هما لاقين ياكلو هههههههه
مع ان اقتصاد تايلاند في الطالع علي طول ☝ و ام الدنيا هي اللي بتشحت

 

[Nadia Ibrahim]

سانت بيتر من اشهر المدن فى روسيا و مدينة جميلة جدا

 

[Mohamed Essam]

لو هاتروح و يبقى معاك إقامة روح روسيا, و ممكن تطلع منها على كندا بعد سنتين

 

[Mohamed Abdullah]

ممكن اقولي لاني دايخ على دعوه علشان اطلع فيزا اجيب دعوه من فين ؟ دعوه سياحه

 

[Shimaa Mohsin]

من رائ من بكره سافر روسيا
ولو مش عجبتك. سافر اي بلد اللي انت ذاكرتهم بدل ما تقضي سنتين او ثلاثه في مصر.
بالتوفيق

 

[Mohamed Ibrahim]

سانت بيتر مدينة هادية واهلها طيبين احسن من موسكو بكتير بس برد اوى اوى

 

[Mahmoud Sherif]

عكس كندا؟!

 

[Abdul Rahman]

الفكرة ان روسيا محتاجة لغة و اقامة قانونية ،
اعتقد الشرطة هناك بتطلع عين الكاسر لو اتمسك .. مش اوروبا الغربية هي

 

[Doaa Mahmoud]

بص حضرتك موسكو غاليه كمعيشة و بيتر بيرج كمان حضرتك لازم تكون مربط علي شغل هناك هنا كل حاجة بفلوس حتي الاكياس بتاعت السوبر ماركت بفلوس

 

[Moataz Taher]

Hesham Hassan yaret tsa3d l ragl da w t2olna r2yk fe saint petersburg

 

[Ramy Allam]

روسيا بلد العشق

 

[Ahmed Mohamed]

شكرا ياجماعه ع نصايحكم

 

[Ahmed Rashad]

If u have an opportunity for me, share plz

 

[Khaled Mohamed]

موسكو جميلة جدا.. بس لازم تبقي طالع علي عقد والفيزا عمل علشان متتسوحش وكمان اللغة صعبة جدا لازم تتعلمها او يبقي حد تعرفه معاك في الاول لان كل حاجة بالروسي محطات المترو بالروسي والاتوبيسات وحتي كل حاجة في السوبر ماركت.. مفيش انجليزي خالص.. وربنا يوفقك

 

[Fahd Alsayed]

واحد صحبي راح روسيا قالي دي بلد فلاحين و زراعه مفيهاش غير العاصمه توكل علي الله و روح

 

[Alia Ussmaa Abdulrahmaan]

طيب ما تسافر روسيا وتاخد اقامه تقوم طالع علي كندا او استراليا منها مضيعتش وقت واتعلمت لغه وخبره بالغربه