#شارك_ع_قد_خبرتك‍♂️ -هاي شن الجو ... -تمام...

[Swiss Ice]

#شارك_ع_قد_خبرتك‍

-هاي شن الجو ...
-تمام أند يو؟...
-قود!..
-وينك تخرجتي و معاش تباني شكلك غاطسة في الكوتشينة^___^
-لا والله! منظمة وقتي بس معجوقة شوي هالفترة..
-خير إن شاءلله ...قولي بالكي نقدر نساعدك في حاجة؟!..
-ثانكس هلبة بجد... امممم ناوية نقدم على منحة في بريطانيا وطالبين عليا #قبول_جامعي ومش عارفة شن يقصدو! قصدي يبوني نسافر ونرفعلهم وراقيا للجامعة أو كيف....
-ساااهلة بكل أنا عندي قروب إسمه #travel_lovers ونصهم ناس متاع سفر ودراسة ورح يفيدووووك هلبة...
-ياااي فرحتيني هلبة..
-ههه خلاص معناها نسألهم ونقولك باي ...

شن تعرفو ع القبول الجامعي وكيف تقدر تحصله من الجامعات الأوروبية ؟

#شارك_ع_قد_خبرتك‍‍‍

 

[Rágåd Ål Äśplÿ]

القبول الجامعي تقدري تاخذيه لما تراسلي الجامعه نفسها وتشوفي شن شروطهم وشن يبوو ... مثلا اغلبهم يطلبوو في ايلس او GRE

 

[Sona Shatwan]

تختاري التخصص وشوفي شن المتطلبات متاعه واترجمي كل المستندات المطلوبة وادزيهن للجامعة والافضل ادزيهن لأكثر من جامعة لان الوقت من استلام الاوراق لعند مايدوزلك الرد مش شوية فماتبش تضيعي وقت وترجي رد وحدة. وبمجرد مايردوا عليك برسالة القبول تقدري ترفقيها مع طلب المنحة
و موفقة

 

[Muneer Yousef]

وفي مكاتب خاصة في بريطانيا متعاقدة مع الجامعات توفر في قبولات مجانية وفي مكاتب تاخذ قي عمولة في ليبيا ...
وعادة لو انجليزيتك كويسة تدخل ع الموقع وتقدم اون لاين طبعا بعد اشوف الشروط وتجهزها وممكن تحصل قبول مشروط باجتياز اللغة ...
المشكلة الأكبر الفيزا مرات تحصل قبول وللاسف يجيك رفض لهذا أغلب الشباب يتجه للمنح في الدول سهلة التأشيرة زي منحة تركيا مثلا لأن شروطها أخف والتأشيرة موضوعها أسهل لو اختاروك ...