تاااانى رحله ليا ف القاهره روحت المتحف المصرى...

[Yasmine Mohsen]

تاااانى رحله ليا ف القاهره
روحت المتحف المصرى ال ف ميدان التحرير .. التذكرة ب 20 وللطلبه ب 10 بس ☺
بصراحه ال هيروحوا هيحس انه ف متاحف الاقصر من الاثار الكتير ال فيه ... المتحف عباره عن دورين كبار جدااااااا .. لفيته ف تلت ساعات ... طبعا كل جزء اثرى هتلاقى عليه ورقه بتشرحلك دا ايه ... وبرضو تقريبا الصور بتذكرة بس انا اتصورت عادى من غير تذكرة .... كمان ابقي خد سيلفى استيك هتريحك اوى ... او خد شويه جنيهات فضه معاك وميل ع اى واحد اجنبى وخليه يصورك واديله جنيه .... او كرمشله جنيه ورق هيتبسط اوى صدقنى ويصورك كتير
المكان اكتر من رائع بجد هتنبهر ان فى فبلدك الحاجات دى ولسه مزورتهاش ... المتحف ف وش ميدان التحرير بالظبط

 

[Jean Nabil]

انا ممكن اتطوع وصورك ومش عايز فلوس

 

[Shehab Ahmad]

بتتكلمي جد في حوار الجنيه ده xD

 

[Fahd Alsayed]

3 ساعات !!!

 

[Ahmed Emad]

التصوير ببلاش التصوير لو بكاميرا احترافيه ليه تذكره بي 50 جنيه

 

[Fahd Alsayed]

لا التصوير مش ببلاش حسب ما الكل قال دا غير انه تقريبا ممنوع تماما في قاعه اخناتون

 

[Moro Wahid]

عاااش

 

[Shymaa Ali]

هما الاجانب بيتكرمشلهم كمان

 

[Ahmed Gamal]

مش شطارة ان حاجه بفلوس اروح اعملها ببلاش (الا لو بطريقة شرعية تانيه )
تيكت التصوير 50 جنيه وممنوع التصوير فى قاعتى المومياوات وتوت عنخ امون.

 

[Hassan Mohamed]

التذكرة بقت ب 20 جنيه ؟ دي كانت ب 5 جنيه

 

[Jasmin H. Muhammad]

مواعيده ايه في رمضان

 

[Sayed Yousef Mohamed]

انا عملت لايف قبل كده منه
و الجو هناك تحفه و جميل جدا و كبييييير اوى الصراحه

 

[Sara Gamal]

لو روحتى تانى بعد العيد هتلاقى شباب موجود و يشرحلك اهم حاجاة فى المتحف ببلاش و الجولة معاهم بتاخد من ساعة ل ساعة و نص و بعدين ليكى مطلق الحرية بعد كده تاخدى جولة تانية او تبصى على الحاجات اللى متشرحتش .. و تذكرة التصوير ب 50 جنيه لو حد كان خد باله كانت هتحصلك مشكلة

 

[أحمد حسني]

اخر مرة كنت في المتحف ، و واضح قوي سوء مستوى النضافة لدرجة اني كتبتلهم على الغبار اللي متراكم على الاثار ( نضفوني ) و فيه حد كان كاتب help باينه في الصورة ، و كان فيه قطه عايشه جوه المتحف !!!
بس احسن جزء في المتحف جناح توت عنخ امون و الجزء الخاص بالمومياوات