هاى صباح الخير انا شخص بيحب السفر جدا وحياته...

[Hadeer Aly]

هاى
صباح الخير
انا شخص بيحب السفر جدا وحياته فالطريق حرفيا
بس انا لسه مسافرتش بارا مصر نهائى
عاوزة بقا اقتراحات ابدأ احطلها خطه كده انى اسافر بيها
ياريت ب الورق بقا المطلوب و الفلوس وكل حاجه

 

[Mahmoud Sherif]

على حسب المكان حضرتك الي بتحددي

 

[Heba Salah Hashim]

صباح الفل اول حاجه طبعا تشوفى بلد بتاشيره سهله او من غير تاشيره و على اساس كده حددى الميزانيه يعنى من الاقتراحات مثلا تركيا لبنان ماليزيا اندونسيا طبعا كل بلد فيها مزايا و عيوب يعنى مثلا لبنان قريبه فتذكره الطيران رخيصه بس المعيشه و الاكل و الموتصلات غاليه عكس مثلا ماليزيا و اندونسيا تذكره غاليه بس معيشه معقوله
بعد كده شوفى التوقيت المناسب و ابعدى عن المناسبات عموما
اول مره بلاش اوروبا عشان الفيزا صعبه بس مش مستحيله يعنى ملهاش مقياس ياما ناس بيكون عندهم فيز كتير و ميخدوهاش و ناس اوب مره يسافروا و يخدوها

 

[Yousef ELmasry]

ماليزيا

 

[Nada Demasy]

ع حسب محتاجة تسافري امتي بس لو انتي شخص مييحبش الحر و الفرهده و الزحمة ف نصيحه بلاش سفر ف الصيف خالص لانك مش هتستمتعي باي بلد ف الوقت ده
روحي بدايه من نوفمبر ل مارس مثلاً بتبقي الدنيا رايقه و اناس مشغوله و الlocals هم اللي موجودين ف البلد ف الموضوع بيبقي لطيف جداً

او بتدوري ع بلاد سهله و من غير فيزا او فيزا باجراءات سهله في عندك
الاردن (تصريح امني)
ماليزيا
اندونسيا
تايلاند ( فيزا خلال 48 ساعه)
تركيا ( فيزا و تصريح امني)
تنزانيا
كينيا
سيرلانكا
لبنان
كمبوديا
لاوس
ڤيتنام
هونج كونج

لو هتصرفي شويه يبقي ممكن تعملي Euro trip وفي اماكن كتير ممكن تختاري منهم 3 تروحيهم مع بعض زي
(اسبانيا - ايطاليا-هولندا-اليونان-التشيك-البرتغال)

لو حابه بقي تروحي تقعدي ف مكان واحد
ممكن تروحي ماليزيا تلفيها جزيدة جزيره و تروحي كوالا طبعاً او ايطاليا مثلاً و تلفيها حاره حاره

بالنسبه للميزانيه ده بيتحدد من خلالك انتي
جهزي ميعاد سفرك و شوفي ارخص طيران
شوفي هتقعدي ف هوستيل ولا اوتيل
و شوفي معيشه البلد نفسها غاليه ولا لأ بعني بلد زي لبنان مثلاً غاليه رغم ان الطيران رخيص و اندونسيا رخيصه جداً بس الطيران اغلي ف شوفي المناسب من كله هيكون ايه و احسبي متوسط مصاريف يومك و اولوياتك ف ال activities اللي هتعمليها و لو هتعملي shopping
ده غير المواصلات الداخليه او لو هيكون في الطيران الداخلي

شويه apps دي هتساعدك ف الsearch

Sky scanner
Expedia
Wego
Trip advisor
Fly in
Booking.com
Couch surfing
Easy currency

 

[Mahmoudx Cairo]

لو السفر اول مره الافضل البلاد الي من غير فيزا زي ماليزيا اندونيسيا جورجيا ااالخ انا كانت تجربتي اول مره وكملت بعد كده والبدايه كانت ماليزيا. كانت التكلفه قبل التعويم 9000ج

 

[Sameh Mohamed Mohamed]

لو عايزة رأى ابدئى بتركيا هاتعجبك ومش غالية وكبداية حلوة لانها قريبة من الجو الاوروبى والشرقى علشان تكتسبى خبرة وبعد ما تنفذى سفرية وترجعى قدمى على المجر شنجن هاتاخديها ولو حابة تعرفى اية الطلبات وبخصوص الانترفيو كلمينى اعرفك التفاصيل