A
Ayah Sayed
:: مسافر ::
الحقيقه دهب مكان حلو جدا للسياحه فيه اماكن كتير ممكن تزورها وحاجات ممكن تتعمل من اول السنوركيلنج ف اللايت هاوس والبلو هول لغايه التخيم ف ابو جالوم والبلو لاجونا ومتنساش تعدي ع اللجونا ف الشروق او لغروب هتشوف من هناك منظر مش هتنسااه. وبليل تقدر تطلع جبل الطويلات او وادي جني والثري بولز تروحها لو لسه فيه مساحه ف اجازتك
S
Samia Eldeeb
:: مسافر ::
اولا لما تنزل في مكان لازم يكون على الممشى واتأكد انه على الممشى، لكن الفنادق الكبيره كلها بعيده ومحدوفه، اشهر كافيه هناك وهتتبسط فيه اسمه Everyday, السوق حلو هتحب تنزلوا كل يوم ومش هتزهق وفاصل مع البياعين الحاجات رخيصه وحلوه، في مطعم اسمه كينج تشيكن في السوق عنده اكل نظيف وحلو وسعره كويس وتحس اكل بيت كده،،،، لازم تتطلع يوم تروح البلو هول تنزل سنوركيلينج هناك، بس قبل ماتروح هتعدي على السوق تجيب الجزمه بتاعت الشعب المرجانيه هتلاقيها قي حدود 50 جنيه، في البلو هول يتأجر لايف جاكيت وماسك و فاكيس زعانف البس الجزمه االي جيتها،،،،،،في هناك وجبات غدا كويسه ورخيصه،، وبعدين في لانش بيطلع يروح ابوجالوم لازم تروح هناك، شط وبحر وعشش خوص كده وروقاااان،،، للاسف انا مروحتش لاجونا ده المفروض بعد ابوجالوم وبيقولوا انه احلى كمان، وبرضه مروحتش 3 بولز فلازم تروحها برضه،،،، التحرك هناك احنا كنا مجموعه وكان سواق عربيه كده ربع نقل دي بيودينا ويجيبنا ونحاسبه باليوم،، في كمان سهره بالليل ممكن تطلع جبل الطويلات اعدته بالليل متتعوضش،، 'وبرضه في ظهر السوق من ناحيه الصحرا يعني هتلاقي بتوع بيتش باجي لو عايز سفاري، بس حاجه اخيره افضل وقت تروح في دهب هوه شهر 4 و 5،،، و 9 و 10 مثلا، لانها هتكون شمس جدا جدا، حر زي ماشرم حر جدا في اجازه الصيف