W
Waleed Salah
:: مسافر ::
حكاية من الهند : بمناسبة الجو الرمضانى - فى اخر ايام الهند روحت مدينة صغيرة اسمها اورانجاباد الطريق تقريبا 7 ساعات بالقطر من مومباى - ركبت باليل ووصلت الساعه 4 قبل الفجر - المدينة شبة قرية ريفية والدنيا سكوت وضلمه ومفيش فى الشوارع حد بعد ما سبت محطة القطر - ومش عارف اعمل ايه كل الاماكن السياحية اللى كنت ناوى اروحها لسه ما اشتغلت - لقيت سوبر ماركت سألته هو الفجر اذن قالى لا فسألته على مساجد فى المنطقة (وده شئ مش موجود كتير فى كل مدن الهند ) وصف لى واحد قريب بس كان مقفول وكان فاضل على الفجر 30-40 د تقريبا – استنيت الفجر اذن ودخلت للوضاء حطيت اللاب و الموبيل على الشاحن (كأنى فى بيتنا ) - كنت تعبان جد من الطريق - قعد على كرسى وريحت صلينا الفجر وانتهينا وفضلت قاعد فى المسجد والناس بتدأت تمشى . واذ بعم زعفران الراجل الى فى الصورة (معلش الصورة مش واضحة ) مفيش غيره فى المسجد وبيتعبد وبيقرأ القرآن ماشاء الله . عليه اتقان فى العبادة – بس بيبص لى وكأنى مش نازل له من زور -- وانا من التعب نزلت على الارض وقاعد فرد رجلى وجسمى ومقتول ولا هممنى - عم زعفران متضايق منى بس مش قادر يقول - فدخل الشيخ اللى فى الفيديو
تقريبا بيطمن من هيقفل الجامع - بعد شوية ودوده مع عم زعفران واذ بالشيخ بيقولى كلام نص عربى فهمت منه ان ما يصحش افرد رجلى كده فى الجامع وعم زعفران بيقرأ القرآن – و بيقولى بالعربى ادب ادب – انا بقى ادب ايه يا ولاد ال....
عرفت ليه عم زعفران كان زعلان و محرج يقولى لم رجلك
فهمتهم انى جى تعبان من السفر ده غير ان ركبتى وجعانى ومش بعرف اتني رجلى للاخر وده حقيقى والحمد لله تفاهموا الموضوع
وجه عم زعفران اللى كان غضبان وقعد يرغى معايا و انبسط اوى لما عرف انى من مصر بلد الازهر ووو (معلش ميعرفش اللى فيها ) واتكلمنى كتير وبقينا اصدقاء ورغم ان مش فاكر اللغه اللى اتواصلنا بيها بس تقريبا استخدمنا عربى على هندى على انجليزى – والراجل اصر انه يعزمنى على شاى ( شاى الهند جاحد) ووصف لى كل المعالم اللى فى المدينة واروحها ازاى وووووو –
شكرا عم زعفران الراجل الهندى الكريم ورمضان كريم
تقريبا بيطمن من هيقفل الجامع - بعد شوية ودوده مع عم زعفران واذ بالشيخ بيقولى كلام نص عربى فهمت منه ان ما يصحش افرد رجلى كده فى الجامع وعم زعفران بيقرأ القرآن – و بيقولى بالعربى ادب ادب – انا بقى ادب ايه يا ولاد ال....
عرفت ليه عم زعفران كان زعلان و محرج يقولى لم رجلك
فهمتهم انى جى تعبان من السفر ده غير ان ركبتى وجعانى ومش بعرف اتني رجلى للاخر وده حقيقى والحمد لله تفاهموا الموضوع
وجه عم زعفران اللى كان غضبان وقعد يرغى معايا و انبسط اوى لما عرف انى من مصر بلد الازهر ووو (معلش ميعرفش اللى فيها ) واتكلمنى كتير وبقينا اصدقاء ورغم ان مش فاكر اللغه اللى اتواصلنا بيها بس تقريبا استخدمنا عربى على هندى على انجليزى – والراجل اصر انه يعزمنى على شاى ( شاى الهند جاحد) ووصف لى كل المعالم اللى فى المدينة واروحها ازاى وووووو –
شكرا عم زعفران الراجل الهندى الكريم ورمضان كريم