موضوع مهم و اعتقد يستحق ان السفارات اللي في...

[Sherif Farouk]

موضوع مهم و اعتقد يستحق ان السفارات اللي في مصر يفكرو فيه عشان اللي بيحصل كتير اوي
دلوقتي اغلب السفارات بيرفضو المصرين في كل مكان في العالم حتى المقيم خارج مصر
حتى اللي معاه امريكا او اللي معاه شنجن اغلبه بيترفض دلوقتي
حتى اللي معاه ملاين و عنده شركات بيترفض
حتى الموظف في شركات و بنوك كبيره و مستقر و دخل ثابت بيترفض
مجوز و مش مجوز
جوازه ابيض او بيسافر كل أسبوع سفريه
كبير صغير بنت ولد كله
اسباب اللي مكتوبه في الرفض غير منطقيه
مع عدم أعاده المبلغ بعد الرفض
مع عدم قبول اغلب التظلمات
اسباب الرئيسيه اللي كل عارف ليه الرفض بيتم عشانه
ان سفاره بيخافو ان الواحد يكسر هناك و يخلع
طيب ماشي ممكن نفكر شويه
دلوقتي اي شخص معاه باسبور يقدر يروح شركه سياحه يطلع فيزا دبي
دبي اللي هي شهر او ٣ يروح هناك يحول لاقامه و يشتغل او يكسر مثلا لو عايز يمشي شمال
نفس الكلام الكويت و السعوديه و قطر و عمان
بقى امريكا اللي عندهم بطاله و بيجو يشحتو من الخليج او اوربا اللي هم بيعانى من أزمات اقتصاديه و بعضهم افلس و اقتصاده منهار او امريكا لاتنيه اللي محدش يقدر يخرج بعد ساعه ٨ و كلهم شغل صعب و عيشه غاليه
ولا الخليج اللي عندهم فلوس و بترول و بتشحت الدول دي بطرق مختلفه او غير مباشره و اللي ممكن يتعمل اقامه بسهوله او بفلوس

طيب المصري عنده طرق سهله للهجره لو عايز او المصري الغني عنده اكتر من طريقه
فليه نسبه الرفض كبيره و الغير مبرره
كمان بالنسبه لإثبات العمل يعني انا شايف انه مش شرط ممكن يكون واحد شغال حر و معاه فلوس في بنك و غني و عايز يسافر
او واحد مش بيحب يتعامل في بنوك ليه انك تجبره على التعامل مع بنوك
يجب لجميع سفارات الدول الأجنبيه في مصر مراجعة قوانينهم و شروطهم
او اقل شيء انهم مياخدوش فلوس الا بعد إعطاء التاشيره

 

[Kævën Tæwêüqê]

مافيش الكلام ده السفارات بتدي تأشيرات عادي لو ورقك مظبوط وجنسيات كتير من مختلف دول العالم ممكن تترفض في سفاره لمجرد ان ورقه ناقص
بص
اوروبا يعني ورقك مظبوط بنك اكونت فيه حركه كتير شغال في مكان كويس
امريكا يعني درجه إقناعك للقنصل وربنا يكون معاك وطبعاً وضعك مستقر
انجلترا يعني ابليكشن تتكتب صح جداً وبتركيز عالي بالأضافه الي كل ماسبق في اوروبا

 

[Mona Bassem Monmon]

عادى خالص بياخد الفيزا

 

[Islam Fares]

عفوا حضرتك بتنطلق من "فرضية" غير صحيحة اصلا ..

 

[Mohamed Salah Eldin]

كلام مش صحيح بالمرة - انا الاسبوع اللى فات لسة مطلع فيزا امريكا ومالتى 5 سنين

 

[Mohamed Mahmoud]

يراجعو قوانينهم للمواطن المصري ليه!
المواطن دا حكومته بتحتقره عاوز الدول التانيه تحترمه ليه ! ايه اللي يجبرهم !

 

[Mic Heal]

الرفض زاد ممكن بس بناخد تاشيرات لسه مصر ام الدنيا

 

[Mohamed Ibrahim]

كلام مش مظبوط ...................

 

[Mohamed Fouad Elhatab]

كلام مش مظبوط .... انت اخدت رفض ما تقعدتشي تحور وتفتتي -

 

[Hagar Mohamed]

مع حضرتك حق جداااا بس ازاي نقدر نوصل ده؟

 

[Mohamed Sayed]

الرفض بقا كتير فعلا بس ظبط ورقك وخليها علي الله امريكا بصراحة اللي عقدتني

 

[Marina R. Kerolos]

الكلام ده مش مظبوط و لو مصري مقيم في الخارج بتقدر تاخد اي فيزا لاي بلد بسهولة جدا جدا جدا

 

[Sameh Moris]

ساعات بيبقي عندهم تعليمات انهم ما يدوش للمصريين في فتره محدده ايا كان موقف ورقهم و ساعات بيبقي عندهم كوته بعدد معين خلص و ساعات بيبقي مزاجهم كده فماتخدش الموضوع بحساسيه علشان ما تزعلش و ارضي بحكم الله و قسمتك و نصيبك و ما تنساش انك اولا و اخيرا مصري و النظره لك مش ولابد و مش مرحب بك هناك لاسباب كتيره بغض النظر بقي انت غني فقير عايش في مصر و لا معاك اقامه بره جنسيتك زي جلدك ماتقدرش تخلعها و تتبرأ منها و هي اللي بيتم بيها الحكم عليك مش ورقك

و لو مارحتلهمش و قاطعتهم مش هايخسروا حاجه و هايرتاحوا من وجع الدماغ بتاع كسر الفيزا و المشاكل اللي بيعملها المصري هناك بجانب انك يعني مش صريف زي الخليجي و معاك فلوس هنا و نازل ترش عليهم ده انت بتدور علي ارخص سكن بارخص مواصله بارخص مطعم فانت مش السائح اللي بتتهافت عليه الدول و ما تنساش كمان ان مبدا السفارات اننا ماضربنكش علي ايدك علشان تيجي تقدم و انت اللي جاي تستغفل نفسك بمزاجك عندنا فمش ذنبنا علي حسب تفكيرهم ماتزعلش من كلامي لو كان حاد شويه انما انا صريح معاك جدا بطريقه ماحدش هايقولهالك ابدا زي انا كده

 

[Hend Salem]

الكلام ده مبنى على فرضية خاطئة مبنية على مشاهدات مستمدة من جروبات السفر على الفيس بوك
الاحصائيات الرسمية لعدد التأشيرات المصدرة مختلف تماما
مش كل اللى بيسافر مشارك فى جروبات سفر و بييجى يقول أنا أخدت التأشيرة
اللى بيترفضوا ظاهرين اكتر لانهم بيكونوا محتاجين خبرة الناس اللى بتسافر ازاى يعملوا تظلم او يتفادوا اسباب الرفض
اللى بيترفض غالبا بيكون المشكلة عنده فى تنظيم ورقه ... و اللى واخد شنجن او امريكا قبل كده بيرتكب الغلطة الازلية انا معايا تأشيرة قبل كده و هاخدها هاخدها فلا يهتم بالورق فتكون النتيجة الرفض
التظلم لو الورق سليم بيتقبل لكن لو الموقف ضعيف من الاول طبيعى هيترفض تانى ....
اخر و اهم حاجة ان كل بلد لها حرية وضع القوانين اللى تنظم عملية الدخول لها لضمان أمنها ...

 

[Shady Hasan]

انا معاك وبايدك
بس فيه جزئية عصيبة

هما بقوا بياخدوا الفلوس لأنهم حطوا شروط تقلل عدد المتقدمين
هما مش هايدي بلادهم يدخلها غير فئات معينة وتقدم اي فئات تانية بيهلكهم


يعمي حطوا الشرط ده عشان اللي حاسس بس انه مش مناسب يخاف ومايقدمش

وده خفف الضغط من شعب بيحب اي حاجة ببلاش وخلاص حتى لو مش لازماه او مش مناسبة


لكنه برده للاسف ساب الباب مفتوح لموظف جشع او مريض يذل الناس

 

[Racha Rachad]

كلامك مش صحيح، دايما القصة لعبة ورق فيما عدا بلد او اتنين

 

[Aya A. Ragaey]

الكلام مش صح، طبيعي لما عدد المقدمين يزيد ان نسبة الرفض ترتفع، لكن الناس بتاخد موافقات عادي المهم يستوفي الشروط و المتطلبات بشكل سليم طبقاً للسفارة مش لوجهة نظرنا أحنا.

 

[Omar Abdalla]

كلام مش مظبوط الناس بتاخد تاشيرات يمكن حضرتك اترفضت لانه ورقك مش متظبط

 

[Gehad AL-saied]

احنا نعمل حمله تطفيش السفارات من مصر
عندهم عقده نقص مننا باين كده

 

[Iman Zaki]

السفارات لازم ليها وقفة جدية فعلا تصرفاتهم غير مقبولة