بالنسبة للناس المحتاسة
انا الحمد لله سافرت اكتر من ٨ دول و عمرى ما حجزت مع شركة سياحة
الخلاصة انك بتحددى مواعيد سفرك و المكان اللى عايزاه و تدخلى تشوفى booking.com و تختارى الفنادق برده اللى تناسبك
تانى حاجة تدخلى على cleartrip تشوفى الطيران اخباره ايه
تالت حاجة تدخلى على tripadvisor تشوفى ايه الحاجات اللى ممكن تتراح فى البلد اللى مسافره ليها
ولو هتسافرى اكتر من مكان لازم تدخلى على google maps وترسمى خط سير للرحله علشان ترتيب الدول
انتى تقدرى تحددى لو فيه مسافات بعيده انك تختارى وسيلة المواصلات سواء سياره او قطار او طيران
كل ده تعمليه فى جدول و تحطى المواعيد والاسعار علشان يكون عندك تخيل للتكاليف
بس كده ومتخافوش من حاجة الموضوع سهل وان شاء الله تتبسطوا
