M
Mohamed Mamdoh
:: مسافر ::
#تجربة_السفر_لاسطنبول
في البداية طبعا احب اشكر الجروب البيدج الجميلة دي انها من الحاجات اللسهلت عليا حاجات كتير ومن الحاجات اللي شجعتني
قررت اني اسافر واشف حاجه تانيه غير مصر او الدول الخليجيه
اول حاجه الباسبور لازم يبقا فيه صلاحيه حوالي 6 شهور
اعرف الاول انتا بلدك الحاليه تابعه لقنصليه اسكندري ولا القاهره لاني رحت القاهره وانا كنت من المنصورة فرجعت تاني وحت بعد كده اسكندريه
بتحجز الاول من على موقع السفارة علشان تاخد معاد بعد ما تدخل البيانات المطلوبه وهيا
اتش ار لتر
صورة شخصيه
حساب بنكي على اخر 6 شهور
ورقة تامين كنت عاملها اسبوع من مصر للتامين ب80 جنيه
بتطبع ورقة المعاد والرقم بتاعك وبتاخد اصور الاتش ار والحساب البنكي والتامين وتاخدهم معاك السفارة
قبل اي حاجه انتا بتاخد معاك دولار مش جنيه لان محدش بياخد جنيه هناك واللي بياخد كان تقريبا حسبلنا الجنيه ب8 ليرة او اكتر كمان
خد دولار معاك الدولار ب3.25 ليرة تركي وافتكر كويس انك مسافر بالجنيه مالمصري مهما حصل
كنت حاجز انا وصديقي على النيل للطيران ب2250 جنيه مصري من القاهره لمطار صبيحة ...نزلنا ركبنا اتوبيس قدام بوابه الخروج تماما بينزلك قريب من ميدان تقسيم كان ب15 ليرة تركي ... اول ما تنزل المطار ماتفكش غير 10 دولار او حتى 5 دولار على اد تذكرة الاتوبيس ياعني ...اول ما تنزل من الاتوبيس وتمشي شوية ناحية ميدان تقسيم هاتلاقي صرافات كتير بتبيع بسعر اعلى من صرافه المطار
احجز بوكينج قبل ما تروح...احجز بوكينج قبل ما تروح .... واللي تحجز عليه اقعد فيه ..انا حجزت ولما ورحت ماعجبنيش قلت انزل اشوف حاجه تاني وفي الاخر رجعتله لانه كان اولا مكانه كويس جدا كان في شارع الاستقلال وجنبي محطتين مترو ومحطات اتوبيس وقدامي علطول السفارة البريطانيه وكان سعره رخيص جدا بالنسبه لباقي الحاجات
كانت غرفة دبل انا وصديقي وكان فيه مطبخ وحمام مشترك 7 ليالي ب280 ليرة تركي ... الليلة ب20 ليرة والحمدلله مكنش وحش بس احنا كمصريين بنحب نقعد في حاجة فخمه واكتشفنا اننا مش محتاجين اكتر من سرير نضيف ننام عليه اخر اليوم وقد كان ياعني التكلفة لفردين او تكلفة الغرفه الدبل وقفت علينا بحوالي 1330 جنيه مصري
قبل اي حاجة اول ما توصل الفندق شغل الماب بتاعك على الموبايل وحمل خريطة اسطنبول كلها اوفلايين وده مهم جدا جدا لتحركاتك وحمل كمان برنامج trafi علشان موضوع الموصلات لانه هايقولك اكب ايه بالضبط واتوبيس رقم كام
اول ما توصل بالسلامه طلع كارت اسطنبول للموصلات سواء كان مترو او اتوبيس او حتى مركب الكارت ده بتركب بيه كل حاجه وبتستخدمه حتى لدخول الحمامات اللي في الشارع اللي بتبقا اما فري او ب1 ليرة
الاكل: احنا مش رايحين ناكل ..رايحين نتفسح ومش بنعتبره مرة واحده في العمر فعلشان كده حاول تفهم النقطه دي كويس .. جربوا الاكلات التركية ماشي كتجربه
الشاورما مثلا كانت ب5 ليرة ... وجبة فراخ ورز سوري من الفاتح كانت ب15 ليرة
فيه ماركت اسمه بي اي ام روحوا اشترو منه لان اسعاره بتبقا موحده روح هاتوا حجاتكم كلها منه مرة واحده
لازم تجربوا الجبنة التركي ياجماعه والشاي التركي والبن التركي
شراء الملابس فيه السوق المصري كويس للشوبينج وفيه محلات بقا بتبقا عاملة عروض ادخلوا وشوفوا لكن افضلهم السوق المصري او اللي بيسموه مسري بازار
رحلة البسفور هاتركب مترو وانزل محطة امينونو وبرضو دور على الابلكيشن اللي اسمه ترافي من موقعك هايقولك اركب ايه بالضبط
الرحلة فيه ناس كانت بتعملها ب15 وفيه ناس في الاول خالص بتعملها ب12 وهيا نفسه تماما ماتقلقوس انتو اولى ب3 ليرة
رحلة جزيرة الاميرات هاتركبو ترام او اتوبيس او مترو وتنزلو محطة اسمها كابتاش هاتركب المركب رايح ب7.5 ليرة وراجع ب7.5 ليرة ياعني ب15 ليرة وهاتركب حنطور هناك او عجلة وبفضل العجلة لانها ممتعه جدا ... حاول في اليوم ده تكون نايم كويس علشان تستمتع المكان هناك جنه وخيال هاتركب عجلة الساعتين ب10 ليرة بعد الفصال
اكلنا شاورما هناك ب5 ليرة برضوا من مطعم شعبي كده ...المطاعم على الجزيرة غاليه ممكن تاخدو معاكو شية حاجات لزوم الطلعه وانتو رايحين
للاسف ما رحناش بورصه سايبنها لطلعة تانيه بااذن الله مع انطاليا
صرفنا كمان يجي ب80 ليرة او 100 ليرة موصلات كارت اسطنبول كنا بنتحرك كتير
في العودة ركبنا مترو واتوبيس وصلنا لمطار صبيحه كلفنا 10 ليرة مش 15
ماتركبوش تكسيااااات هناك ياجدعاااان
كده هاتبقا التكلفة 2250 طيران +140 ليرة فندق(700 جنيه )+رحلة البسفور والاميرات 30 ليرة تقريبا (150 جنيه تقريبا )+تنقلات (250 جنيه تقريبا ) +حط كمان 500 جنيه اكل + تاشيرة بحوالي 500=4350
ضيفوا كمان ياجماعه انكم لازم تروحو الاماكن السياحية اللي في فاتح والسطان احمد
كل ده بحسابات السعر الجديد للدولار اللي واخدينه من البنك بسعر 16 جنيه
اي استفسارات انا مستعد للمساعدة تماما لكل الناس اللي حابه تسال في حاجه
في البداية طبعا احب اشكر الجروب البيدج الجميلة دي انها من الحاجات اللسهلت عليا حاجات كتير ومن الحاجات اللي شجعتني
قررت اني اسافر واشف حاجه تانيه غير مصر او الدول الخليجيه
اول حاجه الباسبور لازم يبقا فيه صلاحيه حوالي 6 شهور
اعرف الاول انتا بلدك الحاليه تابعه لقنصليه اسكندري ولا القاهره لاني رحت القاهره وانا كنت من المنصورة فرجعت تاني وحت بعد كده اسكندريه
بتحجز الاول من على موقع السفارة علشان تاخد معاد بعد ما تدخل البيانات المطلوبه وهيا
اتش ار لتر
صورة شخصيه
حساب بنكي على اخر 6 شهور
ورقة تامين كنت عاملها اسبوع من مصر للتامين ب80 جنيه
بتطبع ورقة المعاد والرقم بتاعك وبتاخد اصور الاتش ار والحساب البنكي والتامين وتاخدهم معاك السفارة
قبل اي حاجه انتا بتاخد معاك دولار مش جنيه لان محدش بياخد جنيه هناك واللي بياخد كان تقريبا حسبلنا الجنيه ب8 ليرة او اكتر كمان
خد دولار معاك الدولار ب3.25 ليرة تركي وافتكر كويس انك مسافر بالجنيه مالمصري مهما حصل
كنت حاجز انا وصديقي على النيل للطيران ب2250 جنيه مصري من القاهره لمطار صبيحة ...نزلنا ركبنا اتوبيس قدام بوابه الخروج تماما بينزلك قريب من ميدان تقسيم كان ب15 ليرة تركي ... اول ما تنزل المطار ماتفكش غير 10 دولار او حتى 5 دولار على اد تذكرة الاتوبيس ياعني ...اول ما تنزل من الاتوبيس وتمشي شوية ناحية ميدان تقسيم هاتلاقي صرافات كتير بتبيع بسعر اعلى من صرافه المطار
احجز بوكينج قبل ما تروح...احجز بوكينج قبل ما تروح .... واللي تحجز عليه اقعد فيه ..انا حجزت ولما ورحت ماعجبنيش قلت انزل اشوف حاجه تاني وفي الاخر رجعتله لانه كان اولا مكانه كويس جدا كان في شارع الاستقلال وجنبي محطتين مترو ومحطات اتوبيس وقدامي علطول السفارة البريطانيه وكان سعره رخيص جدا بالنسبه لباقي الحاجات
كانت غرفة دبل انا وصديقي وكان فيه مطبخ وحمام مشترك 7 ليالي ب280 ليرة تركي ... الليلة ب20 ليرة والحمدلله مكنش وحش بس احنا كمصريين بنحب نقعد في حاجة فخمه واكتشفنا اننا مش محتاجين اكتر من سرير نضيف ننام عليه اخر اليوم وقد كان ياعني التكلفة لفردين او تكلفة الغرفه الدبل وقفت علينا بحوالي 1330 جنيه مصري
قبل اي حاجة اول ما توصل الفندق شغل الماب بتاعك على الموبايل وحمل خريطة اسطنبول كلها اوفلايين وده مهم جدا جدا لتحركاتك وحمل كمان برنامج trafi علشان موضوع الموصلات لانه هايقولك اكب ايه بالضبط واتوبيس رقم كام
اول ما توصل بالسلامه طلع كارت اسطنبول للموصلات سواء كان مترو او اتوبيس او حتى مركب الكارت ده بتركب بيه كل حاجه وبتستخدمه حتى لدخول الحمامات اللي في الشارع اللي بتبقا اما فري او ب1 ليرة
الاكل: احنا مش رايحين ناكل ..رايحين نتفسح ومش بنعتبره مرة واحده في العمر فعلشان كده حاول تفهم النقطه دي كويس .. جربوا الاكلات التركية ماشي كتجربه
الشاورما مثلا كانت ب5 ليرة ... وجبة فراخ ورز سوري من الفاتح كانت ب15 ليرة
فيه ماركت اسمه بي اي ام روحوا اشترو منه لان اسعاره بتبقا موحده روح هاتوا حجاتكم كلها منه مرة واحده
لازم تجربوا الجبنة التركي ياجماعه والشاي التركي والبن التركي
شراء الملابس فيه السوق المصري كويس للشوبينج وفيه محلات بقا بتبقا عاملة عروض ادخلوا وشوفوا لكن افضلهم السوق المصري او اللي بيسموه مسري بازار
رحلة البسفور هاتركب مترو وانزل محطة امينونو وبرضو دور على الابلكيشن اللي اسمه ترافي من موقعك هايقولك اركب ايه بالضبط
الرحلة فيه ناس كانت بتعملها ب15 وفيه ناس في الاول خالص بتعملها ب12 وهيا نفسه تماما ماتقلقوس انتو اولى ب3 ليرة
رحلة جزيرة الاميرات هاتركبو ترام او اتوبيس او مترو وتنزلو محطة اسمها كابتاش هاتركب المركب رايح ب7.5 ليرة وراجع ب7.5 ليرة ياعني ب15 ليرة وهاتركب حنطور هناك او عجلة وبفضل العجلة لانها ممتعه جدا ... حاول في اليوم ده تكون نايم كويس علشان تستمتع المكان هناك جنه وخيال هاتركب عجلة الساعتين ب10 ليرة بعد الفصال
اكلنا شاورما هناك ب5 ليرة برضوا من مطعم شعبي كده ...المطاعم على الجزيرة غاليه ممكن تاخدو معاكو شية حاجات لزوم الطلعه وانتو رايحين
للاسف ما رحناش بورصه سايبنها لطلعة تانيه بااذن الله مع انطاليا
صرفنا كمان يجي ب80 ليرة او 100 ليرة موصلات كارت اسطنبول كنا بنتحرك كتير
في العودة ركبنا مترو واتوبيس وصلنا لمطار صبيحه كلفنا 10 ليرة مش 15
ماتركبوش تكسيااااات هناك ياجدعاااان
كده هاتبقا التكلفة 2250 طيران +140 ليرة فندق(700 جنيه )+رحلة البسفور والاميرات 30 ليرة تقريبا (150 جنيه تقريبا )+تنقلات (250 جنيه تقريبا ) +حط كمان 500 جنيه اكل + تاشيرة بحوالي 500=4350
ضيفوا كمان ياجماعه انكم لازم تروحو الاماكن السياحية اللي في فاتح والسطان احمد
كل ده بحسابات السعر الجديد للدولار اللي واخدينه من البنك بسعر 16 جنيه
اي استفسارات انا مستعد للمساعدة تماما لكل الناس اللي حابه تسال في حاجه